ಕೈಕೊಟ್ಟ ಹಿಂಗಾರು: ಬಾಡುತ್ತಿರುವ ಬೆಳೆ

ರವಿ ಮೇಗಳಮನಿ

ತಾಲೂಕಿನಲ್ಲಿ ಹಿಂಗಾರಿ ಬೆಳೆದ ಬಿಳಿ ಜೋಳ, ಹುರುಳಿ, ಹೆಸರು ಸೇರಿದಂತೆ ಇತರೆ ಬೆಳೆಗಳು ಮಳೆಯ ಕೊರತೆಯಿಂದ ಬಾಡುತ್ತಿದ್ದು, ಉತ್ತಮ ನಿರೀಕ್ಷೆ ಇಟ್ಟುಕೊಂಡಿದ್ದ ರೈತರು ಈಗ ಮತ್ತೆ ಕಂಗಾಲಾಗಿದ್ದಾರೆ. ಹಿಂಗಾರು ಬೋನಸ್ ಬೆಳೆ ಎಂದುಕೊಂಡಿದ್ದ ರೈತರ ಸ್ಥಿತಿ ಸಾಲದ ಸುಳಿಯಲ್ಲಿ ಬವಣೆ ಪಡುವಂತಾಗಿದೆ.

ಬೆಳೆ ವಿಮೆಯತ್ತ ರೈತರ ಚಿತ್ತ: ಹಿಂಗಾರು ಕೈಕೊಟ್ಟ ಹಿನ್ನೆಲೆಯಲ್ಲಿ ರೈತರು ತಾವು ಬೆಳೆಗೆ ಮಾಡಿದ ಖರ್ಚಾನ್ನಾದರೂ ಪಡೆಯಲು ಬೆಳೆವಿಮೆಗೆ ಅವಲಂಬಿತರಾಗಿದ್ದು, ಸರ್ಕಾರ ಬೆಳೆ ವಿಮೆ ಮತ್ತು ಬೆಳೆ ಪರಿಹಾರ ನೀಡುತ್ತೆ ಎಂಬ ಆಶಾಭಾವನೆ ಹೊಂದಿರುವ ರೈತರ ಆಸರೆಗೆ ಸರ್ಕಾರ ಧಾವಿಸುತ್ತದೆಯೋ, ಇಲ್ಲವೋ ಎಂಬದನ್ನು ಕಾದು ನೋಡಬೇಕಿದೆ.

ಈ ಸಲ ಮುಂಗಾರು ಬೆಳೆ ಬಾರದ ಕಾರಣ ಹಿಂಗಾರು ಬೆಳೆ ಚೆನ್ನಾಗಿ ಬರುತ್ತೆ ಎಂಬ ಆಶಾಭಾವನೆ ಇತ್ತು. ಮಳೆ ಬಾರದ ಕಾರಣ ಹಿಂಗಾರಿ ಬೆಳೆ ಸಹ ದಿನೇ ದಿನೇ ಒಣಗುತ್ತಿದೆ. ರೈತರು ಮಾಡಿದ ಖರ್ಚು ಹಿಂಪಡೆಯಲು ಬೆಳೆ ವಿಮೆ ಮತ್ತು ಸರ್ಕಾರ ನೀಡುವ ಬೆಳೆ ಪರಿಹಾರದ ಮೇಲೆ ಅವಲಂಬನೆ ಆಗಬೇಕಿದೆ. ಆ ನಿಟ್ಟಿನಲ್ಲಿ ಸರ್ಕಾರ ರೈತರ ಪರವಾಗಿ ನಿಲ್ಲಬೇಕು ಎನ್ನುತ್ತಾರೆ ಹೋಲಬಿಕೊಂಡ ಗ್ರಾಮದ ರೈತ ರಾಜಶೇಖರ ದೂದಿಹಳ್ಳಿ.