ಇಂದು ಕರಿಮನೆ ಬ್ಯಾಂಕ್ ವಾರ್ಷಿಕ ಸಭೆ: ಗೋಪಾಲಕೃಷ್ಣ

ಪ್ರಸಕ್ತ ವರ್ಷ ₹೧೭೭.೮೭ ಲಕ್ಷ ನಿವ್ವಳ ಲಾಭ

ಸೆ.೨೦ರ ಬೆಳಗ್ಗೆ ೧೧ಕ್ಕೆ ಶ್ರೀ ರಾಮ ಸೇವಾ ಸಹಕಾರಿ ಕರಿಮನೆ ಕೃಷಿ ಮತ್ತು ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್‌ನ ೨೦೨೩-೨೪ನೇ ಸಾಲಿನ ೯೪ನೇ ವಾರ್ಷಿಕ ಸರ್ವ ಸದಸ್ಯರ ಸಭೆ ಕರೆದಿರುವುದಾಗಿ ಬ್ಯಾಂಕ್‌ ಅಧ್ಯಕ್ಷ ಎನ್.ಟಿ.ಗೋಪಾಲಕೃಷ್ಣ ತಿಳಿಸಿದರು.

ನಮ್ಮ ಬ್ಯಾಂಕ್‌ ನಬಾರ್ಡ್ ಸಹಕಾರದೊಂದಿಗೆ ಸದಸ್ಯರಿಗೆ ದೀರ್ಘಾವಧಿ ಕೃಷಿ ಮತ್ತು ಕೃಷಿಯೇತರ ಸಾಲ ನೀಡುವುದಲ್ಲದೇ, ಸ್ವಂತ ಬಂಡವಾಳ ಕ್ರೋಢಿಕರಿಸಿ ಅಡಕೆ ಚೇಣಿ ಸಾಲ, ರಸಗೊಬ್ಬರ ಖರೀದಿ ಸಾಲ ಹಾಗೂ ಇತರೇ ಉದ್ದೇಶಗಳಿಗೆ ಸಾಲ ನೀಡುತ್ತಿದ್ದು, ರಸಗೊಬ್ಬರ ವ್ಯಾಪಾರದ ಜೊತೆಯಲ್ಲಿ ಪ್ರಸ್ತುತ ರಾಸಾಯನಿಕ ಔಷಧಿಗಳ ಮಾರಾಟ ಪ್ರಾರಂಭಿಸಲಾಗಿದೆ. ಸಾರ್ವಜನಿಕರಿಗೆ ಬ್ಯಾಂಕಿನ ಅಮೃತ ಮಹೋತ್ಸವ ಸಭಾಂಗಣವನ್ನು ಬಾಡಿಗೆಗೆ ನೀಡಲಾಗುತ್ತಿದೆ ಎಂದರು.