ಕರ್ನಾಟಕ ವೈವಿಧ್ಯತೆಯ ವಿಶಿಷ್ಟ ರಾಜ್ಯ: ಈಶ್ವರಕುಮಾರ

ಕಾರವಾರ: ಪ್ರತಿಯೊಬ್ಬರೂ ಕನ್ನಡ ಮತ್ತು ಅದರ ಸಂಸ್ಕೃತಿಯ ಭಾಗವಾಗಬೇಕಾದರೆ ಮೊದಲು ಭಾಷೆ ಬಳಸಬೇಕು ಎಂದು ಜಿಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಈಶ್ವರಕುಮಾರ ಕಾಂದೂ ಅಭಿಪ್ರಾಯಪಟ್ಟರು.

ಕೈಗಾದ ಸ್ಥಳ ನಿರ್ದೆಶಕ ಪ್ರಮೋದ ರಾಯಚೂರು ಮಾತನಾಡಿ, ಕೈಗಾ ಅಣು ವಿದ್ಯುತ್ ಸ್ಥಾವರದ ವಸತಿ ಸಂಕೀರ್ಣದಲ್ಲಿ ದೇಶದ ಎಲ್ಲ ಭಾಗಗಳನ್ನು ಪ್ರತಿನಿಧಿಸುವ ಅಧಿಕಾರಿ ಮತ್ತು ಉದ್ಯೋಗಿ ವರ್ಗವಿದ್ದರೂ ಕನ್ನಡದ ಪ್ರಾಧಾನ್ಯತೆ ಸೇರಿದಂತೆ ಎಲ್ಲರ ಭಾಗವಹಿಸುವಿಕೆ ಅದ್ಭುತವಾಗಿದೆ. ವೈಜ್ಞಾನಿಕ ತಂತ್ರಜ್ಞಾನ ಮಾತ್ರವಲ್ಲ. ಕಲೆ, ಸಾಹಿತ್ಯ ಸೇರಿದಂತೆ ಸಾಹಿತ್ಯ ಸಮ್ಮೇಳನಾಧ್ಯಕ್ಷ ಸ್ಥಾನದ ಗೌರವ, ಜಿಲ್ಲಾ ಸಾಹಿತ್ಯ ಪ್ರಶಸ್ತಿಗಳನ್ನು ಪಡೆದ ಪ್ರಮುಖ ಸಾಹಿತಿಗಳೂ ಕೈಗಾದಲ್ಲಿರುವುದು ಹೆಮ್ಮೆಯಾಗಿದೆ. ಕನ್ನಡ ಕಟ್ಟುವ ಕಾಯಕದಲ್ಲಿ ಸಹ್ಯಾದ್ರಿ ಸಂಘದ ಜತೆಗೆ ತೊಡಗಿಸಿಕೊಂಡಿರುವುದು ಮತ್ತು ಗ್ರಂಥಾಲಯದಂಥ ಪ್ರಮುಖ ಸಂಸ್ಥೆಗಳನ್ನೂ ಸಹ್ಯಾದ್ರಿ ಸಂಘ ನಡೆಸುತ್ತಿದ್ದು, ಬರಲಿರುವ ದಿನಗಳಲ್ಲಿ ಇನ್ನಷ್ಟು ಕನ್ನಡ ವಿಭಿನ್ನ ಕಾಯಕಕ್ಕೆ ಮುಂದಾಗಬೇಕು ಎಂದರು.