ಈಶಾನ್ಯ ಹವಾಮಾನ ವೈಪರೀತ್ಯದಿಂದ ಕರ್ನಾಟಕದ ಕಾಫಿಗೆ ಅದೃಷ್ಟ

ಜಗತ್ತಿನ ಶೇ 95 ರಷ್ಟು ಕಾಫಿ ಪೂರೈಸುತ್ತಿರುವ ಈಶಾನ್ಯ ದೇಶಗಳು । ಭಾರತ ಶೇ 5 ರಷ್ಟು ಮಾತ್ರ । ಕರ್ನಾಟಕದಲ್ಲಿ ಶೇ 70 ಕಾಫಿ ಬೆಳೆ

ಕನ್ನಡಪ್ರಭ ವಾರ್ತೆ ಸಕಲೇಶಪುರ

ಬ್ರೆಜಿಲ್, ವಿಯಟ್ನಾಂ, ಕಾಂಬೋಡಿಯ, ಇಂಡೊನೇಷಿಯ,ಇಥಿಯೋಪಿಯದಂತಹ ದೇಶಗಳು ಕಾಫಿ ಉತ್ಪಾದನೆಯಲ್ಲಿ ಜಾಗತಿಕವಾಗಿ ಮೊದಲ ಸಾಲಿನಲ್ಲಿ ನಿಲ್ಲುತ್ತಿದ್ದು ಜಗತ್ತಿನ ಕಾಫಿ ಬೇಡಿಕೆಯ ಶೇ. ೯೫ ರಷ್ಟು ಕಾಫಿಯನ್ನು ಈ ದೇಶಗಳೆ ಪೊರೈಸುತ್ತಿವೆ. ಜಾಗತಿಕ ಕಾಫಿ ಉತ್ಪಾದನೆಯಲ್ಲಿ ಭಾರತದ ಕಾಫಿ ಶೇ ೫ ರಷ್ಟು ಮಾತ್ರವೇ ಇದ್ದು, ಜಗತ್ತಿನಲ್ಲಿ ಕಾಫಿ ಬೆಳೆಯುವ ಏಳನೇ ದೇಶ ಭಾರತವಾಗಿದೆ. ದೇಶದ ಎಂಟು ಲಕ್ಷ ಎಕರೆ ಪ್ರದೇಶದಲ್ಲಿ ಕಾಫಿ ಉತ್ಪಾದಿಸಲಾಗುತ್ತಿದ್ದು ಸುಮಾರು ನಾಲ್ಕು ಲಕ್ಷ ಟನ್ ಕಾಫಿ ಉತ್ಪಾದನೆಯಾಗುತ್ತಿದೆ.

ಆದರೆ, ಈಶಾನ್ಯ ದೇಶಗಳಲ್ಲಿ ಹವಮಾನ ವೈಪರೀತ್ಯ ಕಾಡಲಾರಂಭಿಸಿದ ದಿನಗಳಿಂದ ದೇಶದ ಕಾಫಿ ಮಾರುಕಟ್ಟೆಯಲ್ಲಿ ಏರಿಕೆ ಕಾಣಲಾರಂಬಿಸಿದೆ. ಬ್ರೆಜಿಲ್‌ ದೇಶದಲ್ಲಿ ಅತಿಯಾದ ಮಳೆಯಾದರೆ, ವಿಯೆಟ್ನಾಂ ದೇಶದಲ್ಲಿ ಅತಿಯಾದ ಮಂಜು ಕಾಫಿ ಬೆಳೆ ಕುಂಠಿತಕ್ಕೆ ಕಾರಣವಾಗಿದೆ.

(ಒಟಿ ಎಂದರೆ (ಔಟ್‌ಟರ್ನ್) ೫೦ ಕೆ.ಜಿ. ಕಾಫಿ ಹಣ್ಣಿನಿಂದ ಉತ್ಪತ್ತಿಯಾಗುವ ಬೀಜವನ್ನು ಆಧರಿಸಿ ಒಟಿ ಲೆಕ್ಕಮಾಡಲಾಗುತ್ತಿದ್ದು ಕೆಲವೊಂದು ಕಾಫಿತೋಟದ ೫೦ ಕೆ.ಜಿ. ಹಣ್ಣಿನಿಂದ ೩೦ ಕೆ.ಜಿ. ಬೀಜ ದೊರೆತರೆ ಕೆಲವು ತೋಟಗಳ ಹಣ್ಣಿನಿಂದ ಕೇವಲ ೨೨ ಕೆ.ಜಿ. ಬೀಜ ದೊರೆಯುತ್ತಿದ್ದು ಕಡಿಮೆ ಬೀಜ ದೊರಕಿದರೆ ಒಟಿ ಆಧಾರದಲ್ಲಿ ಬೆಲೆ ಕಡಿಮೆ)

ರೋಬಸ್ಟ್ ಕಾಫಿಗಿಂತ ಬೆಲೆ ಹೆಚ್ಚು ದೊರೆಯುತ್ತದೆ ಎಂಬ ಕಾರಣಕ್ಕೆ ಸಾಕಷ್ಟು ಶ್ರಮವಹಿಸಿ ಬೆಳೆಯುವ ಅರೇಬಿಕ್‌ ಕಾಫಿಯನ್ನು ರೋಬಸ್ಟ್ ಕಾಫಿ ಬೆಲೆಯಲ್ಲಿ ಹಿಂದಿಕ್ಕಿದೆ. ಸದ್ಯದ ಮಾರುಕಟ್ಟೆಯಲ್ಲಿ ೫೦ ಕೆ.ಜಿ ಅರೇಬಿಕ್‌ ಚರಿ ಕಾಫಿ ೯ ರಿಂದ ೯೫೦೦ ರು. ಇದ್ದರೆ, ರೋಬಸ್ಟ್ ಚರಿ ಕಾಫಿ ೧೦ ರಿಂದ ೧೨ ಸಾವಿರ ರು. ನಿಗದಿಯಾಗಿದೆ. ಅದೇ ರೀತಿ ಅರೇಬಿಕ್‌ ಬೇಳೆ(ಪರ್ಚುಮೆಂಟ್) ೧೪ ರಿಂದ ೧೪.೫೦೦ ರು. ಇದ್ದರೆ, ರೋಬಸ್ಟ್ ಬೆಳೆ (ಪರ್ಚುಮೆಂಟ್) ದರ ೧೬ ಸಾವಿರದಿಂದ ೧೬೫೦೦ ರು.ಗೆ ಮಾರಾಟವಾಗುತ್ತಿದೆ.

ರೋಬಸ್ಟ್ ಕಾಫಿ ಧಾರಣೆ ಭಾರಿ ಪ್ರಮಾಣದಲ್ಲಿ ಏರಿಕೆಯಾಗಿದೆ. ನಿರ್ವಹಣೆಯ ವೆಚ್ಚವು ಅಧಿಕವಾಗಿದೆ. ಹಿಂದಿನ ದಿನಗಳಿಗೆ ಹೋಲಿಸಿದರೆ ಬೆಳೆಗಾರರ ಜೀವನ ಅಲ್ಪ ಚೇತರಿಕೆ ಕಂಡಿದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಕಾಫಿ ಮುಕ್ತಮಾರುಕಟ್ಟೆಗೆ ತೆರೆದುಕೊಂಡು ಮೂರು ದಶಕಗಳಲ್ಲಿ ಇದು ಕಂಡು ಕೇಳರಿಯದ ಧಾರಣೆಯಾಗಿದ್ದು ಕಾಫಿ ಬೆಳೆಯುವ ದೇಶಗಳಲ್ಲಿ ಉತ್ಪಾದನೆ ಕುಂಠಿತಗೊಂಡಿರುವುದು ಬಾರತದ ಕಾಫಿಗೆ ಹೆಚ್ಚಿನ ಧಾರಣೆ ಬರಲು ಕಾರಣವಾಗಿದೆ.