ಮುಖ್ಯಾಧಿಕಾರಿ, ವಿಪಕ್ಷ ನಾಯಕನಿಗೆ ಕಿಕ್ ಬ್ಯಾಕ್: ಆರೋಪ

ರಾಮನಗರ: ಬಿಡದಿ ಪುರಸಭೆಯಲ್ಲಿನ ಹೊರ ಗುತ್ತಿಗೆ ಸಿಬ್ಬಂದಿಗಳ ಕನಿಷ್ಠ ವೇತನ ವ್ಯತ್ಯಾಸದ ಹಣ ಬಿಡುಗಡೆಗೆ ಮುಖ್ಯಾಧಿಕಾರಿ ಮೀನಾಕ್ಷಿ ಹಾಗೂ ವಿಪಕ್ಷ ನಾಯಕ ಸಿ.ಉಮೇಶ್ ಕಿಕ್ ಬ್ಯಾಕ್ ಪಡೆದಿದ್ದು, ಇವರ ವಿರುದ್ಧ ಲೋಕಾಯುಕ್ತರು ಮತ್ತು ಜಿಲ್ಲಾಧಿಕಾರಿಗಳಿಗೆ ದೂರು ಸಲ್ಲಿಸಿ ತನಿಖೆಗೆ ಒತ್ತಾಯಿಸುವುದಾಗಿ ಪುರಸಭೆ ಅಧ್ಯಕ್ಷೆ ಬಾನುಪ್ರಿಯಾ ತಿಳಿಸಿದರು.

ಜಿಲ್ಲಾಧಿಕಾರಿಗಳ ಆದೇಶದನ್ವಯ ಹೊರಗುತ್ತಿಗೆ ಸಿಬ್ಬಂದಿಗಳ ಕನಿಷ್ಠ ವೇತನ ವ್ಯತ್ಯಾಸದ ಹಣವನ್ನು ಮುಖ್ಯಾಧಿಕಾರಿಗಳು ಪಾವತಿ ಮಾಡಿದ್ದಾರೆ. ಇದರ ಬಗ್ಗೆ ಯಾವುದೇ ತಕರಾರು ಇಲ್ಲ. ಆದರೆ, ಪುರಸಭೆ ಸಾಮಾನ್ಯಸಭೆಯಲ್ಲಿ ಚರ್ಚಿಸಿ ಕಾನೂನು ಬದ್ಧವಾಗಿ ವಿತರಣೆ ಮಾಡದೆ ತರಾತುರಿಯಲ್ಲಿ ನೀಡಿರುವುದಕ್ಕೆ ನಾನು ಸೇರಿದಂತೆ ಸದಸ್ಯರೆಲ್ಲರ ಆಕ್ಷೇಪವಿದೆ ಎಂದರು.

ಸದಸ್ಯ ಹೆಗ್ಗಡಗೆರೆ ನಾಗರಾಜು ಮಾತನಾಡಿ, ಮುಖ್ಯಾಧಿಕಾರಿ ಮೀನಾಕ್ಷಿರವರು ದ್ವಿತೀಯ ದರ್ಜೆ ಸಹಾಯಕಿ ಸಾವಿತ್ರಮ್ಮ ಅವರಿಗೆ 1 ಕೋಟಿ 65 ಲಕ್ಷ ರುಪಾಯಿ ಬಿಲ್ ಅನ್ನು ಲಾಗಿನ್ ನಿಂದ ಬಿಡುಗಡೆ ಮಾಡುವಂತೆ ಒತ್ತಡ ಹೇರಿದ್ದಾರೆ. ಇದಕ್ಕೆ ಸಾವಿತ್ರಮ್ಮರವರು ಒಪ್ಪದಿದ್ದಾಗ ಅವರ ಐಡಿಯನ್ನು ದುರುಪಯೋಗ ಪಡಿಸಿಕೊಂಡು ಸಿಬ್ಬಂದಿಗಳಿಗೆ ಹಣ ಬಿಡುಗಡೆ ಮಾಡಿದ್ದಾರೆ ಎಂದು ಆರೋಪಿಸಿದರು.

ಬಿಡದಿಯು ಗ್ರಾಮ ಪಂಚಾಯಿತಿಯಿಂದ ಪುರಸಭೆಯಾಗಿ ಮೇಲ್ದರ್ಜೆಗೇರಿದ ದಿನದಿಂದಲೂ 71 ಮಂದಿ ಸಿಬ್ಬಂದಿಗಳಿದ್ದರು. ಈಗ 51 ಮಂದಿ ಕರ್ತವ್ಯ ನಿರ್ವಹಿಸುತ್ತಿದ್ದು, ಇವರಲ್ಲಿ 23 ಮಂದಿ

ಮುಖ್ಯಾಧಿಕಾರಿ ಮತ್ತು ಕೆಲ ಸದಸ್ಯರು, ಸಿಬ್ಬಂದಿ ಶಿವಕುಮಾರ್ ಮೂಲಕ ಒಬ್ಬ ಸಿಬ್ಬಂದಿಯಿಂದ 1 ಲಕ್ಷಕ್ಕೆ 15 ಸಾವಿರ ರುಪಾಯಿನಂತೆ ಒಟ್ಟು 23 ಸಿಬ್ಬಂದಿಗಳಿಗೆ ಬಿಡುಗಡೆಯಾಗಿರುವ 1 ಕೋಟಿ 65 ಲಕ್ಷ ರುಪಾಯಿಗಳಿಗೆ 24 ಲಕ್ಷ 75 ಸಾವಿರ ರುಪಾಯಿ ಕಿಕ್ ಬ್ಯಾಕ್ ಪಡೆದಿದ್ದಾರೆ ಎಂದು ಆರೋಪ ಮಾಡಿದರು.

ಬಿಡದಿ ಪುರಸಭೆಯಲ್ಲಿ ಮೂವರು ಸದಸ್ಯರು ಮತ್ತು ಮುಖ್ಯಾಧಿಕಾರಿಗಳು ನಾವುಗಳೇ ಸುಪ್ರೀಂ ಎನ್ನುವಂತೆ ಎಲ್ಲ ವಿಚಾರಗಳಲ್ಲಿಯೂ ಏಕಪಕ್ಷೀಯವಾಗಿ ನಿರ್ಧಾರ ಕೈಗೊಳ್ಳುತ್ತಿದ್ದು, 23 ಸದಸ್ಯರಿಗೆ ಬೆಲೆಯೇ ಇಲ್ಲದಂತಾಗಿದೆ. ಮುಖ್ಯಾಧಿಕಾರಿಗಳು ಅಧ್ಯಕ್ಷರು ಮತ್ತು ಸದಸ್ಯರಿಗೆ ಅಗೌರವ ತೋರುತ್ತಿರುವ ಮುಖ್ಯಾಧಿಕಾರಿಗಳನ್ನು ಕೂಡಲೇ ಅಮಾನತ್ತು ಮಾಡಬೇಕು ಎಂದು ನಾಗರಾಜು ಒತ್ತಾಯಿಸಿದರು.

ಕೋಟ್ ................

- ಹೆಗ್ಗಡಗೆರೆ ನಾಗರಾಜು, ಸದಸ್ಯರು, ಬಿಡದಿ ಪುರಸಭೆ

ಪುರಸಭೆ ಸದಸ್ಯ ಉಮೇಶ್ ಅವರಿಗೆ ಹಣ ಕೊಡಬೇಕೆಂದು ವಾಟರ್ ಮ್ಯಾನ್ ಶಿವಕುಮಾರ್ ನಮ್ಮ ಬಳಿ ಪಡೆದುಕೊಂಡಿದ್ದು ನಿಜ. ನಮಗೆ ನಮ್ಮ ಹಣ ಕೈ ಸೇರುವ ಮೊದಲೇ 7 ಲಕ್ಷ 50 ಸಾವಿರ ರುಪಾಯಿಗೆ 50 ಸಾವಿರ ರುಪಾಯಿ ಲಂಚ ಕೊಟ್ಟಿದ್ದೇನೆ.

ಕೋಟ್ ...................

- ಬೆಟ್ಟಸ್ವಾಮಿ, ಕಾಂಗ್ರೆಸ್ ಮುಖಂಡರು, ಬಿಡದಿ

ಬಿಡದಿ ಪುರಸಭೆ ಅಧ್ಯಕ್ಷೆ ಬಾನುಪ್ರಿಯಾ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.