ದೇಶದ ಪಶ್ಚಿಮ ಕರಾವಳಿ ಉದ್ದಕ್ಕೂ ವ್ಯಾಪಿಸಿದ ಕೊಂಕಣ ಖಾರ್ವಿ ಸಮಾಜ : ರಾಜಗೋಪಾಲ ಅಡಿ ಗುರೂಜಿ

ಗೋಕರ್ಣ: ಕೊಂಕಣಖಾರ್ವಿ ಸಮಾಜವು ದೇಶದ ಪಶ್ಚಿಮ ಕರಾವಳಿ ಉದ್ದಕ್ಕೂ ವ್ಯಾಪಿಸಿದೆ ಎಂದು ಗೋಕರ್ಣದ ಆನುವಂಶೀಯ ಉಪಾಧಿವಂತ ಮಂಡಲದ ಅಧ್ಯಕ್ಷ ರಾಜಗೋಪಾಲ ಅಡಿ ಗುರೂಜಿ ಹೇಳಿದರು.

ಕೊಂಕಣಿ ಖಾರ್ವಿ ಸಮಾಜದವರು ಸಮುದ್ರದ ಮೀನುಗಾರಿಕೆಯಲ್ಲಿ ಅನಾದಿ ಕಾಲದಿಂದಲೂ ಪಳಗಿದವರಾಗಿದ್ದಾರೆ. ಖಾರ್ವಿ ಎಂಬ ಶಬ್ದವು ಸಂಸ್ಕೃತದ "ಕ್ಷಾರ " ಎಂಬ ಶಬ್ದದಿಂದ ಉತ್ಪನ್ನವಾಗಿದೆ, "ಕ್ಷಾರ ಎಂದರೆ ಉಪ್ಪು ". ಉಪ್ಪು ನೀರಲ್ಲಿ ಅರ್ಥಾತ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುವವರೇ ಖಾರ್ವಿಗಳೆಂದು ಹೆಸರಾಗಿದ್ದಾರೆ ಎಂದು ಹೇಳಿದರು.

ದೇಹ ಚೈತನ್ಯಕ್ಕೆ ಕ್ರೀಡೆ ಅತ್ಯಾವಶ್ಯ ಅಂತೆಯೇ ಉತ್ತಮ ಸಮಾಜ ನಿರ್ಮಾಣಕ್ಕೆ ದುರ್ವೇಸನ ದುಶ್ಚಟಗಳು ಹಾಗೂ ಈಗ ಕ್ರೀಡೆಯಲ್ಲಿ ಹೆಚ್ಚುತ್ತಿರುವ ಬೆಟ್ಟಿಂಗ್‌ನಂತಹ ಅನಿಷ್ಟಗಳಿಂದ ಯುವಕರು ದೂರವಿರುವುದು ಅಷ್ಟೇ ಅವಶ್ಯ. ಮೀನುಗಾರ ಸಮಾಜದ ಅಭ್ಯುದಯಕ್ಕಾಗಿ ಮೀನುಗಾರಿಕೆ ಇಲಾಖೆಯಿಂದ ಅನೇಕ ಕಾರ್ಯಕ್ರಮಗಳಿದ್ದು ಅದರ ಪ್ರಯೋಜನವನ್ನು ಸಮಾಜ ಸಂಪೂರ್ಣ ಪಡೆಯುವಂತಾಗಬೇಕು. ಸರ್ಕಾರದ ಸೌಲಭ್ಯದಿಂದ ವಂಚಿತರಾಗದಂತೆ ನೋಡಿಕೊಳ್ಳುವ ಜವಾಬ್ದಾರಿ ಸಮಾಜದ ಇಂದಿನ ಯುವಕರ ಮೇಲಿದೆ. ಅವರಿಗೆ ಸದಾ ಸೂಕ್ತ ಮಾರ್ಗದರ್ಶನ,ಮತ್ತು ಎಲ್ಲ ರೀತಿಯ ಸಹಾಯ ನೀಡಲು ಬದ್ದ ಎಂದರು.

ಈ ವೇಳೆ ಗ್ರಾಪಂ ಸದಸ್ಯರಾದ ರಾಜೇಶ ನಾಯಕ, ದಯಾನಂದ ಮೆಥಾ, ನಾಗರಾಜ ತಾಂಡೇಲ್, ರೋಹಿಣಿ ನಾಯ್ಕ, ಚಂದ್ರಶೇಖರ ನಾಯ್ಕ, ಮಹಾಬಲೇಶ್ವರ ಅರ್ಬನ್ ಬ್ಯಾಂಕ್ ನಿರ್ದೇಶಕರಾದ ಶ್ರೀನಿವಾಸ ನಾಯಕ, ನಾರಾಯಣ ಎಂ ತಾಂಡೇಲ ಉಪಸ್ಥಿತರಿದ್ದರು.