ಶೋಷಣೆಮುಕ್ತ ಸಮಾಜ ನಿರ್ಮಾಣಕ್ಕೆ ಕಾನೂನು ಸಹಕಾರಿ: ರವಿಬಾಬು ಪೂಜಾರ

ಹಾನಗಲ್ಲ: ಶೋಷಣೆ ಮುಕ್ತ ಸಮಾಜ ನಿರ್ಮಾಣಕ್ಕೆ ರಕ್ಷಣಾ ನೀತಿ ಅತ್ಯಂತ ಪ್ರಬಲ ಸಹಕಾರಿಯಾಗಿದ್ದು, ಕಾನೂನುಗಳನ್ನು ಸಮರ್ಪಕವಾಗಿ ಬಳಸಿಕೊಳ್ಳುವ ಮೂಲಕ ಉತ್ತಮ ಸಮಾಜ ನಿರ್ಮಾಣದ ಕನಸನ್ನು ನನಸು ಮಾಡೋಣ ಎಂದು ನ್ಯಾಯವಾದಿ ರವಿಬಾಬು ಪೂಜಾರ ತಿಳಿಸಿದರು.ತಾಲೂಕಿನ ಸಮ್ಮಸಗಿ ಗ್ರಾಮದಲ್ಲಿ ಲೋಯಲಾ ವಿಕಾಸ ಕೇಂದ್ರ ಆಯೋಜಿಸಿದ್ದ ರಕ್ಷಣಾ ನೀತಿ ಮತ್ತು ಮಾಹಿತಿ ಹಕ್ಕು ಕುರಿತ ವಿಚಾರಸಂಕಿರಣದಲ್ಲಿ ಮಾತನಾಡಿ, ರಕ್ಷಣಾ ನೀತಿ ಕೇವಲ ಕಾಗದದ ನಿಯಮವಲ್ಲ. ಅದು ಮಾನವೀಯ ಹಕ್ಕುಗಳ ಸಂರಕ್ಷಣೆಯ ಬಲವಾದ ಉಪಕರಣ. ಇದು ಅಸಹಾಯಕ ಹೆಣ್ಣುಮಕ್ಕಳು ಅಥವಾ ಯಾವುದೇ ರೀತಿ ದುರುಪಯೋಗಕ್ಕೆ ಒಳಗಾಗಿ ಅಪಾಯದಲ್ಲಿರುವ ವ್ಯಕ್ತಿಗಳನ್ನು ಹಿಂಸೆ, ಶೋಷಣೆ, ಲೈಂಗಿಕ ಶೋಷಣೆಯಿಂದ ರಕ್ಷಿಸಲು ಸಹಕಾರಿಯಾದುದು.

ರಮ್ಯಾ ಪೂಜಾರ ಕಾರ್ಯಕ್ರಮ ನಿರೂಪಿಸಿದರು, ಸಂಧ್ಯಾ ಗೊಲ್ಲರ ಸ್ವಾಗತಿಸಿದರು. ಉದಯಕುಮಾರ ವಂದಿಸಿದರು.