ಸಂಸ್ಥೆಯ ಏಳ್ಗೆಗೆ ಉದ್ಯೋಗಿಗಳು ಪ್ರಾಮಾಣಿಕತೆಯಿಂದ ಶ್ರಮಿಸಲಿ: ಶಿವರಾಮ ಹೆಬ್ಬಾರ

ಯಲ್ಲಾಪುರ: ಉದ್ಯೋಗಿಗಳು ಸಂಸ್ಥೆಯ ಏಳಿಗೆಗಾಗಿ ನಿಷ್ಠೆ, ಪ್ರಾಮಾಣಿಕತೆಯಿಂದ ಕಾರ್ಯನಿರ್ವಹಿಸಬೇಕು ಎಂದು ಶಾಸಕ ಶಿವರಾಮ ಹೆಬ್ಬಾರ ಹೇಳಿದರು.

ರಾಜ್ಯದ ಹಲವೆಡೆಯ ಉದ್ಯೋಗದಾತರು ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಉಡುಪಿ ಭಾಗದ ಬುದ್ಧಿವಂತರನ್ನು ಉದ್ಯೋಗಕ್ಕಾಗಿ ಬಯಸುತ್ತಾರೆ. ಇಂತಹ ಪ್ರತಿಭಾವಂತರು ಪಡೆಯುವ ಉದ್ಯೋಗ ಕೇವಲ ಅವರ ಬದುಕಿಗೆ ಮಾತ್ರ ಸೀಮಿತಗೊಳ್ಳದೇ, ಉದ್ಯೋಗದಾತರ ಉನ್ನತಿಗೂ ಶ್ರಮಿಸಬೇಕು ಎಂದರು.

ಹುಬ್ಬಳ್ಳಿಯ ಇಮ್ಯಾಕ್ಯುಲೇಟ್ ಓರಾಕಲ್ ಸಂಸ್ಥಾಪಕ ಮತ್ತು ಪ್ರಾಧ್ಯಾಪಕ ಡಾ. ಆರೋಗ್ಯಸ್ವಾಮಿ ಮಾತನಾಡಿ, ವಿಶ್ವದರ್ಶನ ಸಂಸ್ಥೆ ಮಕ್ಕಳಿಗೆ ಶಿಕ್ಷಣದ ಜತೆಗೆ ಸಂಸ್ಕಾರವನ್ನೂ ನೀಡುತ್ತಿದೆ ಎಂದರು.

ಸಂಸ್ಥೆಯ ಅಧ್ಯಕ್ಷ ಹರಿಪ್ರಕಾಶ ಕೋಣೆಮನೆ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಈ ಬಾರಿ ಜೂನ್ ತಿಂಗಳಿನಿಂದ ಎಂಸಿಎ ತರಗತಿಗಳು ಆರಂಭವಾಗುತ್ತಿದೆ. ಪ್ರತಿ ವರ್ಷ ಮೇ ತಿಂಗಳಲ್ಲಿ ಉದ್ಯೋಗ ಮೇಳವನ್ನು ಆಯೋಜಿಸಲಿದ್ದೇವೆ. ಇಂದಿನ ಈ ಮೇಳದಲ್ಲಿ ೨೦೦೦ ವಿದ್ಯಾರ್ಥಿಗಳು ನೋಂದಾವಣಿ ಮಾಡಿಕೊಂಡಿದ್ದಾರೆ. ರಾಜ್ಯದ ೪೦ಕ್ಕೂ ಅಧಿಕ ಶಿಕ್ಷಣ ಸಂಸ್ಥೆಗಳು ಮತ್ತು ಕಂಪನಿಗಳು ಉದ್ಯೋಗಿಗಳು, ಶಿಕ್ಷಕರನ್ನು ಅರಸಿ ಬಂದಿವೆ ಎಂದರು.

ಬಿಸಿಎ ವಿದ್ಯಾರ್ಥಿನಿಯರು ಪ್ರಾರ್ಥಿಸಿದರು. ಶೈಕ್ಷಣಿಕ ಸಲಹೆಗಾರ ಡಾ. ಡಿ.ಕೆ. ಗಾಂವ್ಕರ ಸ್ವಾಗತಿಸಿ, ವಂದಿಸಿದರು. ಬಿಇಡಿ ಉಪನ್ಯಾಸಕಿ ವೀಣಾ ಭಾಗ್ವತ ನಿರ್ವಹಿಸಿದರು.