ಕಿಕ್ ಇಳಿಸುತ್ತಿರುವ ಮದ್ಯ: ವರ್ಷದಲ್ಲಿ ಎರಡು ಬಾರಿ ದರ ಏರಿಕೆ

- ಮಧ್ಯಮ ವರ್ಗ ಬಳಕೆಯ ಕೆಲವು ಮದ್ಯ ದುಬಾರಿ । ಶೇ. 45ರಷ್ಟು ದರ ಏರಿಕೆ

ವರ್ಷಕ್ಕೊಮ್ಮೆ ಮದ್ಯದ ದರ ಏರಿಕೆ. ಇದು, ರಾಜ್ಯ ಸರ್ಕಾರದ ವಾಡಿಕೆ. ಆದರೆ, ಪ್ರಸಕ್ತ 8 ತಿಂಗಳಲ್ಲಿ ಎರಡು ಬಾರಿ ಕೆಲವು ಮದ್ಯದ ದರ ಏರಿಕೆಯಾಗಿದೆ. ಅಂದರೆ, ಸರಿ ಸುಮಾರು ಶೇ. 45 ರಷ್ಟು ಬೆಲೆ ಹೆಚ್ಚಳವಾಗಿದೆ.

ಆದರೆ, ಇದೀಗ ಜನವರಿ 1 ರಿಂದ ಅನ್ವಯವಾಗುವಂತೆ ಕೆಲವು ಮದ್ಯಗಳ ದರ ಮತ್ತೆ ಏರಿಕೆ ಮಾಡಲಾಗಿದೆ. ಮತ್ತೆ ಶೇ. 25 ರಷ್ಟು ಏರಿಕೆಯಾಗಿದೆ. ಒಟ್ಟಾರೆ, ಶೇ. 45 ರಷ್ಟು ದರ ಏರಿಕೆಯಾಗಿದ್ದು, 125 ರುಪಾಯಿಯ 180 ಎಂ.ಎಲ್. ಮದ್ಯವನ್ನು ಓರ್ವ ವ್ಯಕ್ತಿ ಕುಡಿದರೆ ಅದರಲ್ಲಿ ಸರ್ಕಾರದ ಖಜಾನೆಗೆ 40-45 ರು. ಸೇರುತ್ತಿದೆ.

ಪ್ರಮುಖವಾಗಿ ಓಲ್ಡ್ ಮಾಂಕ್, ಎಂಸಿ ರಮ್, ಬಿ.ಪಿ., ಓಟಿ., 8ಪಿಎಂ, ಆಫೀಸರ್ ಚಾಯ್ಸ್ ಬ್ರಾಂಡ್‌ಗಳ ದರ ಏರಿಕೆ ಯಾಗಿದೆ. ಮಧ್ಯಮ ವರ್ಗದವರು ಬಳಸುವ ಬ್ರಾಂಡ್‌ಗಳು ಇವುಗಳಾಗಿವೆ. ಎರಡನೇ ಬಾರಿ ಬೆಲೆ ಏರಿಕೆಯಾಗಿದೆ.

ಇದೀಗ ವಿಸ್ಕಿ ಬೆಲೆ 180 ಎಂ.ಎಲ್.ಗೆ 98 ರಿಂದ 125.50 ರು.ಗೆ ಏರಿಕೆಯಾಗಿದೆ. ಓಟಿ ಹಾಗೂ 8ಪಿಎಂ ದರ 98.50 ರು. ನಿಂದ 122.33 ರು.ಗೆ, ಆಫೀಸರ್ ಚಾಯ್ಸ್ ಮತ್ತು ಬಿಪಿ 125 ರು.ಗಳಿಂದ 160 ರು.ಗೆ ಏರಿಕೆಯಾಗಿದೆ.

ರಾಜ್ಯ ಸರ್ಕಾರ ಗ್ಯಾರಂಟಿಯ ಆರ್ಥಿಕ ಹೊರೆಯನ್ನು ಮದ್ಯ ಪ್ರಿಯರ ಮೇಲೆ ಹೊರಿಸುತ್ತಿದೆ. ಅಂದರೆ, ಮನೆಯ ಯಜಮಾನ ಕುಡಿಯುವ ಎಣ್ಣೆಯ ದುಡ್ಡನ್ನು ಯಜಮಾನಿಗೆ ಕೊಡಲಾಗುತ್ತಿದೆ ಎಂಬ ಅಪಹಾಸ್ಯದ ಮಾತುಗಳು ಸರ್ಕಾರದ ವಿರುದ್ಧ ಎಲ್ಲೆಡೆ ಕೇಳಿ ಬರುತ್ತಿದೆ.----- ಬಾಕ್ಸ್ -------

ತೆರಿಗೆ, ವಿನಿಮಯ ಸುಂಕವನ್ನು ಗಣನೆಗೆ ತೆಗೆದುಕೊಂಡು ಸ್ಲ್ಯಾಬ್ ಆಧಾರದ ಮೇಲೆ ದರ ಏರಿಕೆ ಮಾಡಲಾಗುತ್ತದೆ. ಈ ಪ್ರಕ್ರಿಯೆ ನಡೆಯುವುದು ವರ್ಷಕ್ಕೊಮ್ಮೆ. ಆದರೆ, ಮದ್ಯ ತಯಾರಿಸುವ ಕಂಪನಿ (ಡಿಸ್ಟಿಲರಿ)ಗಳು ಸರ್ಕಾರ ಮತ್ತು ಗ್ರಾಹಕ ರನ್ನು ವಂಚಿಸಲು ಅಡ್ಡದಾರಿಯಲ್ಲಿ ದಂಧೆ ನಡೆಸುತ್ತಿದ್ದಾರೆ. ತಮ್ಮದೆ ಬ್ರಾಂಡ್‌ನ ಮೂಲ ಹೆಸರಿನ ಜತೆಗೆ ಇನ್ನೊಂದು ಹೆಸರಿಟ್ಟು ಮನ ಬಂದಂತೆ ದರ ನಿಗದಿ ಮಾಡಿ ಮಾರುಕಟ್ಟೆಗೆ ಬಿಡುತ್ತಿವೆ. ಇಲ್ಲಿ ಸರ್ಕಾರಕ್ಕೆ ಮಾತ್ರವಲ್ಲ ಗ್ರಾಹಕರಿಗೂ ಧೋಖಾ ಮಾಡಲಾಗುತ್ತಿದೆ.

ಬ್ರಾಂಡ್. ಹಿಂದಿನ ದರ. ಈಗಿನ ದರ (180 ಎಂಎಲ್.ಗೆ)

ವಿಸ್ಕ.98.50. 125.50 ರು.

ಓಟಿ-8ಪಿಎಂ.98.50.122.33 ರು.

ಆಫೀಸರ್ ಚಾಯ್ಸ್- ಬಿಪಿ.125.0.160.00 ರು.