ಚಿಕ್ಕಮಣ್ಣುಗುಡ್ಡೆ ಕೆಂಪೀಕಟ್ಟೆ ಬಳಿ ಮಕ್ನಾ ಪುಂಡಾನೆ ಸೆರೆ

ಚನ್ನಪಟ್ಟಣ: ರೈತರಿಗೆ ಉಪಟಳ ನೀಡುತ್ತಿದ್ದ ಮಕ್ನಾ ಆನೆಯನ್ನು ಶನಿವಾರ ಸೆರೆಹಿಡಿಯುವಲ್ಲಿ ಅರಣ್ಯ ಇಲಾಖೆ ಹಾಗೂ ಎಲಿಫೆಂಟ್ ಟಾಸ್ಕ್ ಪೋರ್ಸ್ ಸಫಲವಾಗಿದೆ. ಕಾರ್ಯಾಚರಣೆ ಆರಂಭಗೊಂಡ ೮ ದಿನಗಳಲ್ಲೇ ಎರಡು ಪುಂಡಾನೆಗಳನ್ನು ಸೆರೆ ಹಿಡಿಯುವಲ್ಲಿ ಅರಣ್ಯ ಇಲಾಖೆ ಅಧಿಕಾರಿಗಳು ಯಶಸ್ವಿಯಾಗಿದ್ದಾರೆ. ಕಾರ್ಯಾಚರಣೆ ಆರಂಭಗೊಂಡ ಮೊದಲ ದಿನವೇ ಟಸ್ಕರ್ ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದ ಅರಣ್ಯ ಇಲಾಖೆ, ಇದೀಗ ಮಕ್ನಾ ಆನೆ ಸೆರೆಹಿಡಿದಿದೆ.

ಅರವಳಿಕೆ ಸಿರಿಂಜ್ ಶೂಟ್:

ಈ ವೇಳೆ ಪುಂಡಾನೆ ಒಂದಷ್ಟು ಪ್ರತಿರೋಧ ತೋರಿದರೂ ಪಳಗಿದ ಆನೆಗಳು ಪುಂಡಾನೆಯನ್ನು ಸೊಂಡಲಿನಿಂದ ಸವರುತ್ತಾ, ದಂತದಿಂದ ತಿವಿಯುತ್ತಾ ಮುನ್ನಡೆಸಿಕೊಂಡು ಬಂದು, ಕ್ರೇನ್‌ ಸಹಾಯದಿಂದ ಲಾರಿಗೆ ಹತ್ತಿಸಿ ಸ್ಥಳಾಂತರಿಸಲಾಗಿದೆ.

ಇದೀಗ ಸೆರೆ ಸಿಕ್ಕಿರುವ ೩೫ ವರ್ಷದ ಮಕ್ನಾ ಪುಂಡಾನೆಯ ಹಾವಳಿ ಕಳೆದ ವರ್ಷ ಹೆಚ್ಚಾದಾಗಲೂ ಅರಣ್ಯ ಇಲಾಖೆ ಅಧಿಕಾರಿಗಳು ಇದನ್ನು ಹಿಡಿದು ಬೇರೆಡೆ ಸ್ಥಳಾಂತರಿಸಿದ್ದರು. ಆದರೆ, ಅಲ್ಲಿಂದ ಮರಳಿ ತನ್ನ ಸ್ಥಾವರ ಹುಡುಕಿಕೊಂಡು ಬಂದಿದ್ದ ಆನೆ ಮತ್ತೆ ಚಾಳಿ ಮುಂದುವರಿಸಿತ್ತು. ಈ ಹಿನ್ನೆಲೆಯಲ್ಲಿ ಇದನ್ನು ಮತ್ತೆ ಸೆರೆಹಿಡಿಯಲಾಗಿದೆ.

ಡಿಎಫ್‌ಒ ರಾಮಕೃಷ್ಣಯ್ಯ, ಆರ್‌ಎಫ್‌ಒ ಮಲ್ಲೇಶ್ ನೇತೃತ್ವದಲ್ಲಿ ನಡೆದ ಪುಂಡಾನೆ ಸೆರೆ ಕಾರ್ಯಾಚರಣೆಯಲ್ಲಿ ಆರು ಸಾಕಾನೆ, ಇಬ್ಬರು ಪಶು ವೈಧ್ಯಾಕಾರಿಗಳು, ಎಲಿಫೆಂಟ್ ಟಾಸ್ಕ್ ಫೊರ್ಸ್ ತಂಡ, ೭೦ ಸಿಬ್ಬಂದಿ, ಹಾಗೂ ಜಿಲ್ಲಾಮಟ್ಟದ ಅರಣ್ಯ ಅಧಿಕಾರಿಗಳು ಪಾಲ್ಗೊಂಡಿದ್ದರು. ಇನ್ನು ಆನೆ ಸೆರೆ ಕಾರ್ಯಾಚರಣೆಯಲ್ಲಿ ಪಳಗಿದ ಆನೆಗಳಾದ ಏಕಲವ್ಯ, ಭೀಮ ಧನಂಜಯ, ಪ್ರಶಾಂತ್, ಹರ್ಷ, ಸುಗ್ರೀವ ಆನೆಗಳನ್ನು ಬಳಸಿಕೊಳ್ಳಲಾಗಿತ್ತು.

ಕಳೆದ ಶುಕ್ರವಾರ ಆರಂಭಗೊಂಡಿದ್ದ ಪುಂಡಾನೆ ಸೆರೆ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದ ಮಹೇಂದ್ರ ಪಳಗಿದ ಆನೆಯ ಬದಲು ಈ ಬಾರಿ ಏಕಲವ್ಯ ಆನೆಯನ್ನು ಬಳಸಿಕೊಳ್ಳಲಾಗಿತ್ತು. ಟಸ್ಕರ್ ಆನೆಯನ್ನು ಯಶಸ್ವಿಯಾಗಿ ಸೆರೆಹಿಡಿದು ಸ್ಥಳಾಂತರ ಮಾಡಿದ ನಂತರ ಮಹೇಂದ್ರ ಆನೆಗೆ ಮದವೇರಿದ ಹಿನ್ನೆಲೆಯಲ್ಲಿ ಅದನ್ನು ಅಲ್ಲೇ ಬಿಟ್ಟು ಅದರ ಬದಲು ಏಕಲವ್ಯ ಆನೆಯನ್ನು ಕರೆತರಲಾಗಿತ್ತು. ಭೀಮನೊಂದಿಗೆ ಏಕಲವ್ಯ ಪುಂಡಾನೆ ಸೆರೆ ಕಾರ್ಯಾಚರಣೆಯ ಮುಂದಾಳತ್ವ ವಹಿಸಿತ್ತು.

ಮತ್ತೀಗೂಡು, ದುಬಾರೆ ಶಿಬಿರಕ್ಕೆ ಸ್ಥಳಾಂತರ

೨೦೨೨ ಹಾಗೂ ೨೦೨೩ರಲ್ಲಿ ಪುಂಡಾನೆ ಸೆರೆ ಕಾರ್ಯಾಚರಣೆ ಕೈಗೊಳ್ಳಲಾಗಿತ್ತು. ೨೦೨೨ರಲ್ಲಿ ಮಖ್ನಾ ಹಾಗೂ ೨೦೨೩ರಲ್ಲಿ ಟಸ್ಕರ್ ಅನ್ನು ಸೆರೆಹಿಡಿದು ಬೇರೆಡೆ ಸ್ಥಳಾಂತರಿಸಲಾಗಿತ್ತು. ಆದರೆ, ಸ್ಥಳಾಂತರಿಸಿದ ಕೆಲ ತಿಂಗಳಲ್ಲಿ ಮತ್ತೆ ಮರಳಿದ್ದವು. ಸ್ಥಳಾಂತರಿಸುವ ವೇಳೆ ಆನೆಗಳಿಗೆ ರೆಡಿಯೋ ಕಾಲರ್ ಅಳವಡಿಸಿದ್ದರಿಂದ ಪುಂಡಾನೆಗಳು ಮರಳಿ ಬಂದಿರುವುದು ಖಚಿತವಾಗಿತ್ತು. ಆದ್ದರಿಂದ ಈ ಬಾರಿ ಸ್ಥಳಾಂತರಿಸದೆ ಶಿಬಿರದಲ್ಲೇ ಉಳಿಸಿಕೊಳ್ಳಲು ಅರಣ್ಯ ಇಲಾಖೆ ನಿರ್ಧರಿಸಿದೆ.

ತಾಲೂಕಿನ ಚಿಕ್ಕಮಣ್ಣುಗುಡ್ಡೆ ಅರಣ್ಯ ಪ್ರದೇಶ ಕೆಂಪೀಕಟ್ಟೆ ಬಳಿ ಮಕ್ನಾ ಆನೆಯನ್ನು ಸೆರೆಹಿಡಿಯಲಾಗಿದೆ. ಸೆರೆ ಹಿಡಿದ ಪುಂಡಾನೆಯನ್ನು ದುಬಾರೆ ಆನೆ ಶಿಬಿರಕ್ಕೆ ಸ್ಥಳಾಂತರಿಸಲಾಗುವುದು.

ಕೋಟ್..............

-ಸಿ.ಪಿ.ಯೋಗೇಶ್ವರ್, ಶಾಸಕರು, ಚನ್ನಪಟ್ಟಣ

ಕಾರ್ಯಾಚರಣೆಯಲ್ಲಿ ಸೆರೆ ಸಿಕ್ಕ ಮಕ್ನಾ ಆನೆಯನ್ನು ಪಳಗಿದ ಆನೆಗಳ ಸಹಾಯದಿಂದ ಕರೆತರಲಾಯಿತು.