ಮಲೇರಿಯಾ ಪುರಾತನ ಕಾಯಿಲೆ: ಎಲ್.ಎಂ. ದರ್ಶನಾಥ

ಜ್ವಾಲಾಮಾಲಿನಿ ಜೇಸಿ ಸಂಸ್ಥೆಯಿಂದ ವಿಶ್ವ ಮಲೇರಿಯ ದಿನಾಚರಣೆ

ಮಲೇರಿಯಾ ಪುರಾತನ ಕಾಯಿಲೆಯಾಗಿದೆ ಎಂದು ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ಎಲ್‌.ಎಂ.ದರ್ಶನಾಥ ತಿಳಿಸಿದರು.

ಮುಖ್ಯ ಅತಿಥಿಯಾಗಿದ್ದ ಸೀನಿಯರ್‌ ಜೇಸಿ ಇಂಟರ್‌ ನ್ಯಾಶನಲ್ ತಾಲೂಕು ಅಧ್ಯಕ್ಷ ಎಸ್.ಎಸ್.ಜಗದೀಶ್ ಮಾತನಾಡಿ, ಮಲೇರಿಯಾವನ್ನು ದೇಶದಿಂದ ತೊಲಗಿಸಲು ಎಲ್ಲಾ ಸಂಘ, ಸಂಸ್ಥೆಗಳು ಹಾಗೂ ಸಾರ್ವಜನಿಕರ ಸಹಕಾರ ಅಗತ್ಯ. ಎಲ್ಲರೂ ಒಟ್ಟಾಗಿ ಮಲೇರಿಯಾ ಬರದಂತೆ ಶ್ರಮಿಸೋಣ ಎಂದರು.

ಜ್ವಾಲಾಮಾಲಿನಿ ಜೇಸಿ ಸಂಸ್ಥೆ ಅಧ್ಯಕ್ಷ ಸಾರ್ಥಕ ಗೌಡ ಮಾತನಾಡಿ, ಈ ವರ್ಷ ವಿಶ್ವ ಮಲೇರಿಯಾ ದಿನಾಚರಣೆ ಧ್ಯೇಯ ವಾಕ್ಯ ಮಲೇರಿಯಾ ನಮ್ಮೊಂದಿಗೆ ಕೊನೆಕೊಳ್ಳುತ್ತದೆ. ಈ ವರ್ಷದ ಮಾನ್ಸೂನ್ ಎದುರಿಸುವ ಬಗ್ಗೆ ಎಲ್ಲರೂ ಮಾನಸಿಕವಾಗಿ ಸಿದ್ಧತೆ ಮಾಡಿಕೊಳ್ಳೋಣ. ಜೇಸಿ ಸಂಸ್ಥೆ ಆರೋಗ್ಯ ಇಲಾಖೆಯೊಂದಿಗೆ ಕೈ ಜೋಡಿಸಿ ಹಲವು ರೋಗ ನಿಯಂತ್ರಣಕ್ಕೆ ಸಹಕಾರ ನೀಡಿ ಎಂದರು.

ಸಭೆಯಲ್ಲಿ ಜೇಸಿ ಕಾರ್ಯದರ್ಶಿ ಮಿಥುನ್‌ ಗೌಡ, ಸಹ ಕಾರ್ಯದರ್ಶಿ ಜೀವನ್,ಆದರ್ಶ, ಉಪಾಧ್ಯಕ್ಷ ಅಪೂರ್ವ ರಾಘು, ಖಜಾಂಚಿ ಪವನಕರ್, ನಿರ್ದೇಶಕ ಪ್ರೀತಂ, ಸದಸ್ಯರಾದ ಜೋಯಿ, ಸುಹಾಸ್, ಜೂನಿಯರ್ ಜೇಸಿ ಪದಾಧಿಕಾರಿ ಗ್ರೀಷ್ಮ, ಸಾನಿಕ ಇದ್ದರು.