ಮಾರಾಟಕ್ಕಿದೆ ಮಂಡ್ಯ ಜಿಲ್ಲಾ ಕನ್ನಡ ಭವನ..!

ಕನ್ನಡಪ್ರಭ ವಾರ್ತೆ ಮಂಡ್ಯ

ಎಂಬತ್ತೇಳನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನ ಮುಗಿದು ಮೂರು ದಿನ ಕಳೆದಿಲ್ಲ. ಸಮ್ಮೇಳನಕ್ಕೆ ಹಾಕಿದ್ದ ವಿದ್ಯುತ್ ದೀಪಗಳೂ ಇನ್ನೂ ಆರಿಲ್ಲ. ಸಮ್ಮೇಳನದ ಯಶಸ್ಸಿನ ಗುಂಗಿನಿಂದ ಇನ್ನೂ ಯಾರೂ ಹೊರಬಂದಿಲ್ಲ. ಇವರು ಕಾರ್ಯಕಾರಿ ಸಮಿತಿ ಅಧ್ಯಕ್ಷರಾಗಿ ನಾಮನಿರ್ದೇಶನಗೊಂಡು ೨೪ ತಾಸು ಕಳೆಯುವುದರೊಳಗೆ ಕನ್ನಡ ಭವನ ಮಾರಾಟ ಕುರಿತು ಆಡಿರುವ ಮಾತುಗಳಿಗೆ ಎಲ್ಲೆಡೆಯಿಂದ ತೀವ್ರ ಕಟು ಟೀಕೆಗಳು ವ್ಯಕ್ತವಾಗಿವೆ.

ಗೋಷ್ಠಿಯಲ್ಲಿ ಹೇಳಿದ್ದೇನು?

ಈಗಾಗಲೇ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವ ಶಿವರಾಜ್ ತಂಗಡಗಿ, ಕಸಾಪ ರಾಜ್ಯಾಧ್ಯಕ್ಷ ಡಾ.ಮಹೇಶ್ ಜೋಶಿ ಹಾಗೂ ಜಿಲ್ಲಾಡಳಿತದೊಂದಿಗೆ ಚರ್ಚೆ ನಡೆಸಲಾಗಿದ್ದು, ೬೦*೪೦ರ ಅಳತೆಯಲ್ಲಿ ಬೇರೆಡೆ ಜಾಗ ಹುಡುಕಿಕೊಡುವಂತೆ ಮನವಿ ಮಾಡಿರುವುದಾಗಿ ಹೇಳಿದರು.

ಈಗಿರುವ ಜಿಲ್ಲಾ ಕನ್ನಡ ಭವನವನ್ನು ಮಾರಾಟ ಮಾಡಿದ ಹಣವನ್ನು ಎಂಬತ್ತೇಳನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದ ಸವಿನೆನಪಿಗಾಗಿ ಕನ್ನಡ ಭವನ ನಿರ್ಮಿಸುವುದಕ್ಕೆ ಬಳಸುವುದಾಗಿ ಹೇಳುವ ಮೂಲಕ ಗೊಂದಲ ಸೃಷ್ಟಿಸಿದರು.

ಗೋಷ್ಠಿಯಲ್ಲಿ ಹುಸ್ಕೂರು ಕೃಷ್ಣೇಗೌಡ, ಸುಜಾತ ಕೃಷ್ಣ, ಧನಂಜಯ, ಬಿ.ಎಂ.ಅಪ್ಪಾಜಪ್ಪ, ಕನ್ನಿಕಾ ಇದ್ದರು.

- ಪ್ರೊ.ಜಿ.ಟಿ.ವೀರಪ್ಪ, ಮಾಜಿ ಅಧ್ಯಕ್ಷರು, ಜಿಲ್ಲಾ ಕಸಾಪ

- ಡಾ.ಮೀರಾ ಶಿವಲಿಂಗಯ್ಯ, ಸಮ್ಮೇಳನ ಮಾಜಿ ಸಂಚಾಲಕಿ

ಮಾರಾಟ ಮಾಡಲಿಕ್ಕೇನು ಅವರ ಆಸ್ತಿಯೇ. ಕನ್ನಡ ಭವನ ಮಾರಾಟ ಮಾಡುವುದು ಅಷ್ಟು ಸುಲಭವೇ. ಭವನದಿಂದ ಆಗಿರುವ ತೊಂದರೆಯಾದರೂ ಏನು?, ನೂತನ ಅಧ್ಯಕ್ಷರಿಗೆ ತುಂಬಾ ಶಕ್ತಿ ಇದೆ. ಸರ್ಕಾರ, ಸಚಿವರು, ರಾಜ್ಯಾಧ್ಯಕ್ಷರು ಅವರೆಲ್ಲರೂ ಅಧ್ಯಕ್ಷರ ಬೆನ್ನಿಗಿದ್ದಾರೆ. ಅಂದ ಮೇಲೆ ಹೊಸ ಭವನವನ್ನೇ ಕಟ್ಟಲಿ. ಓದಿದವರೆಲ್ಲಾ ಜ್ಞಾನವಂತರಲ್ಲ. ಒಮ್ಮೊಮ್ಮೆ ತಿಳಿವಳಿಕೆ ಜಾಸ್ತಿಯಾದರೆ ಬುದ್ಧಿಯೂ ಕೆಟ್ಟುಹೋಗುತ್ತದೆ.

- ಡಾ.ಪ್ರದೀಪ್‌ಕುಮಾರ್ ಹೆಬ್ರಿ, ಸಾಹಿತಿ

೧೯೯೪ರ ಸಮ್ಮೇಳನದ ಸವಿನೆನಪಿಗಾಗಿ ಕಟ್ಟಿರುವ ಭವನ ಅದು. ಮಾರಾಟ ಮಾಡುವುದು ಸರಿಯಲ್ಲ. ಆರ್ಥಿಕ ಸಂಕಷ್ಟ ಎದುರಿಸುತ್ತಿದ್ದ ಕಾಲದಲ್ಲಿ ಕಷ್ಟಪಟ್ಟು ಸಮ್ಮೇಳನ ನಡೆಸಿ ಅದರಿಂದ ಉಳಿಸಲಾದ ಹಣದಲ್ಲಿ ಕಟ್ಟಿದ ಭವನ. ಅದು ಜನರ ಆಸ್ತಿ. ಅದನ್ನು ಮಾರಾಟ ಮಾಡುವುದಕ್ಕೆ ನಾವೆಂದಿಗೂ ಅವಕಾಶ ನೀಡುವುದಿಲ್ಲ. ಹೊಸ ಭವನ ಕಟ್ಟಲಿ. ಅದಕ್ಕೆ ಬೆಂಬಲಿಸೋಣ. ಹಳೇ ಭವನ ಮಾರಾಟ ವಿಚಾರ ಇಲ್ಲಿಗೇ ಕೈಬಿಡಬೇಕು.

-ಬೇಕ್ರಿ ರಮೇಶ್‌, ರಾಜ್ಯಾಧ್ಯಕ್ಷರು, ಕದಂಬ ಸೇನೆ