ಮಣಿಪಾಲ ಕೆಎಂಸಿ: ಪುರುಷರ ಬಂಜೆತನ ಪರಿಹಾರೋಪಾಯ ಸಮ್ಮೇಳನ

ಕನ್ನಡಪ್ರಭ ವಾರ್ತೆ ಮಣಿಪಾಲ

ಈ ಸಂದರ್ಭದಲ್ಲಿ ಮಾಹೆಯ ಸಹಉಪಕುಲಪಚಿ ಡಾ. ಶರತ್‌ರಾವ್ ಶನಿವಾರ ಸುದ್ದಿಗೋಷ್ಠಿಯಲ್ಲಿ ವಿವರಗಳನ್ನು ನೀಡಿದರು.

ವಿಶ್ವದಾದ್ಯಂತ ಇನ್ನೂ ಬಂಜೆತನವನ್ನು ಒಪ್ಪಿಕೊಳ್ಳಲು ಪುರುಷರು ಮಾನಸಿಕವಾಗಿ ಸಿದ್ಧರಾಗಿಲ್ಲ. ಭಾರತದಲ್ಲಿ ಪುರುಷ ಬಂಜೆತನ ಕಡಿಮೆ ಇದ್ದರೂ ವಿಶ್ವದಾದ್ಯಂತ ಶೇ 15ಕ್ಕೂ ಹೆಚ್ಚಿದೆ. ಮಾನಸಿಕ ಒತ್ತಡ, ಮದ್ಯಪಾನ, ಧೂಮಪಾನ, ಮಾದರ ದ್ರವ್ಯ ಸೇವನೆ, ಹಾರ್ಮೋನ್‌ಗಳಲ್ಲಿ ವ್ಯತ್ಯಯ, ವಿಪರೀತ ಕಂಪ್ಯೂಟರ್ ಬಳಕೆ, ತಡವಾಗಿ ವಿವಾಹ, ಚಿಕ್ಕ ವಯಸ್ಸಿನಲ್ಲಿ ಕ್ಯಾನ್ಸರ್‌ ಮತ್ತದರ ಚಿಕಿತ್ಸೆ ಇತ್ಯಾದಿ ಕಾರಣದಿಂದ ಪುರುಷರಲ್ಲಿ ಬಂಜೆತನ ಹೆಚ್ಚುತ್ತಿದೆ ಮತ್ತು ಮತ್ತು ಆತಂಕಕ್ಕೆ ಕಾರಣವಾಗಿದೆ. ಆದ್ದರಿಂದ ಈ ಸಮಸ್ಯೆಯ ಪರಿಹಾರೋಪಾಯಗಳನ್ನು ಕಂಡುಕೊಳ್ಳುವ ಪ್ರಯತ್ನವಾಗಿ ಈ ಕಾರ್ಯಾಗಾರ ನಡೆಸಲಾಗುತ್ತಿದೆ ಎಂದರು.

ಮಣಿಪಾಲದ ಕೆಎಂಸಿಯ ಕ್ಲಿನಿಕಲ್ ಎಂಬ್ರಿಯಾಲಜಿ ವಿಭಾಗದ ಮುಖ್ಯಸ್ಥ ಡಾ.ಸತೀಶ್‌ ಅಡಿಗ ಅವರು ಮಾತನಾಡಿ, ಭಾರತದಲ್ಲಿ ಸುಮಾರು 2 ಕೋಟಿ ದಂಪತಿಗಳಿಗೆ ಸಂತಾನೋತ್ಪತ್ತಿಗೆ ವೈದ್ಯಕೀಯ ನೆರವಿನ ಅಗತ್ಯವಿದೆ. ನಮ್ಮ ದೇಸದಲ್ಲಿ ಪುರುಷರ ಬಂಜೆನತದ ಬಗ್ಗೆ ಅಧ್ಯಯನ ಸೀಮಿತವಾಗಿದ್ದು, ಅದಕ್ಕೆ ಈ ಕಾರ್ಯಾಗಾರ ನೆರವಾಗಲಿದೆ ಎಂದರು.