ಪುನೀತ್‌ ಬದುಕು ಯುವಪೀಳಿಗೆಗೆ ಪ್ರೇರಣೆಯಾಗಲಿ

ಶಿಕಾರಿಪುರ: ಇಂದಿನ ಯುವ ಪೀಳಿಗೆಗೆ ಪುನೀತ್ ರಾಜಕುಮಾರ್ ರವರ ಬದುಕು ಪ್ರೇರಣೆಯಾಗಬೇಕು. ಬದುಕಿದ್ದ ಅಲ್ಪ ಕಾಲದಲ್ಲಿಯೇ ಸರ್ವ ಸಮಾಜಕ್ಕೆ ಮಾದರಿಯಾದ ಅವರ ವ್ಯಕ್ತಿತ್ವದ ಕೆಲ ಅಂಶವನ್ನು ಅಳವಡಿಸಿಕೊಳ್ಳುವ ಪ್ರಾಮಾಣಿಕ ಪ್ರಯತ್ನ ಮಾಡಬೇಕು ಎಂದು ಇಲ್ಲಿನ ವಲಯ ಅರಣ್ಯಾಧಿಕಾರಿ ರೇವಣಸಿದ್ದಯ್ಯ ಬಿ. ಹಿರೇಮಠ್ ಕರೆ ನೀಡಿದರು.

ತಂದೆ ರಾಜಕುಮಾರ ಅವರಂತೆಯೇ ಅಪ್ಪುರವರ ಅಭಿನಯದ ಎಲ್ಲ ಚಲನಚಿತ್ರಗಳು ಸಮಾಜಕ್ಕೆ ಮಾದರಿಯಾಗಿವೆ. ನಟರಲ್ಲಿಯೇ ಅಪರೂಪದ ವ್ಯಕ್ತಿತ್ವ ಹೊಂದಿರುವ ನಟನಾಗಿದ್ದ ಪುನೀತ್‌ ರಾಜಕುಮಾರ್ ಅವರು ಅಪ್ಪಾಜಿಯಂತೆಯೆ ಕಣ್ಣಿಗೆ ಕಾಣದ ಹಾಗೆ ದಾನ ಮಾಡಿದ ದೊಡ್ಡ ಮನುಷ್ಯ ಎಂದರು.

ಎ.ಸಿ.ಎಫ್ ರವೀಂದ್ರನಾಯ್ಕ್, ಡಿಆರ್.ಎಫ್.ಓ ಪ್ರಮೋದ್.ಕೆ, ಅಪ್ಪು ಅಭಿಮಾನಿ ಬಳಗದ ಪ್ರಮುಖರಾದ ಆರ್.ರಾಜಕುಮಾರ್, ವೈಭವ ಬಸವರಾಜ್, ಸುಬ್ರಮಣ್ಯ ವಿ.ರೇವಣಕರ್, ರವಿ, ಸಲೀಂ, ಮಧು, ಗಿಡ್ಡಪ್ಪ, ಕಾಳಿಂಗರಾವ್, ಮಂಜುನಾಥ್, ಯೋಗೇಶ್ ಇತರರರು ಹಾಜರಿದ್ದರು.