ಮೂಢನಂಬಿಕೆ ಮತ್ತು ಮೂಡಾ!

ಕನ್ನಡಪ್ರಭ ವಾರ್ತೆ ಮೈಸೂರು

ಮುಖ್ಯಮಂತ್ರಿ ಸಿದ್ದರಾಮಯ್ಯನವರ ಪತ್ನಿ ಪಾರ್ವತಿ ಅವರು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರದಿಂದ (ಎಂಡಿಎ) ಕಾನೂನಾತ್ಮಕ ಪರಿಹಾರ ಪಡೆದಿದ್ದಾರೆ ಎಂಬುದನ್ನು ಸ್ಪಷ್ಟಪಡಿಸಬೇಕು ಎಂದು ಕಾಂಗ್ರೆಸ್ ಮುಖಂಡರು ಎಂಡಿಎ ಆಯುಕ್ತ ಎ.ಎನ್. ರಘುನಂದನ್ ಅವರನ್ನು ಶುಕ್ರವಾರ ಭೇಟಿಯಾಗಿ ಆಗ್ರಹಿಸಿದ್ದಾರೆ.

ಹೌದು ಪ್ರಾಧಿಕಾರದ ಮುಂದೆ ಎಲ್ಲರೂ ಸಮಾನರು...ಕೆಲವರು ಹೆಚ್ಚು ಸಮಾನರು!

ಭೂಮಿ ಕಳೆದುಕೊಂಡು ಪುಡಿಗಾಸು ಪಡೆದ ಭೂಮಾಲೀಕರು ಹೆಚ್ಚಿನ ಪರಿಹಾರಕ್ಕಾಗಿ ನ್ಯಾಯಾಲಯದ ಮೆಟ್ಟಿಲೇರುತ್ತಾರೆ. ಹೆಚ್ಚಿನ ಪರಿಹಾರವನ್ನು ಬಡ್ಡಿ ಸಹಿತ ಭೂಮಾಲೀಕರಿಗೆ ನೀಡುವಂತೆ ನ್ಯಾಯಾಲಯವು ಐತೀರ್ಪು ನೀಡಿ ದಶಕಗಳುರುಳಿದರೂ ನಯಾಪೈಸೆ ಪರಿಹಾರ ನೀಡಲು ಮೂಡಾಧಿಕಾರಿಗಳು ಮುಂದಾಗುವುದಿಲ್ಲ!

ನ್ಯಾಯಾಲಯದ ಆದೇಶಕ್ಕೆ ಬೆಲೆ ಕೊಡದೆ ಹೋದರೂ ನ್ಯಾಯಾಲಯವು ತಮ್ಮನ್ನು ಬಂಧಿಸಿ ಜೈಲಿಗಟ್ಟಲಾಗದು ಎಂಬ ದರ್ಪ ಮೂಡಾಧಿಕಾರಿಗಳದು.

ಭೂಮಿ ಕಳೆದುಕೊಂಡ ಭೂಮಾಲೀಕರು ಪ್ರಾಧಿಕಾರದಿಂದ ಪರಿಹಾರ ಪಡೆಯುಷ್ಟರಲ್ಲಿ ಅವರ ಪ್ರಾಣಪಕ್ಷಿಯೇ ಹಾರಿ ಹೋಗಿರುತ್ತದೆ. ಕಾಂಚಾಣದ ಹೊರತಾಗಿ ಯಾವುದೇ ನ್ಯಾಯಾಲಯದ ಯಾವುದೇ ವಾರಂಟಿಗೆ ಮೂಡಾಧಿಕಾರಿಗಳು ಬಗ್ಗರು ಜಗ್ಗರು.

ಫೋಟೋ- 6ಎಂವೈಎಸ್ 34- ಪಿ.ಜೆ. ರಾಘವೇಂದ್ರ

ಜಮೀನು ಕಳೆದುಕೊಂಡ ಸಾಮಾನ್ಯರು ದಶಕಗಳ ಕಾಲ ಕೋರ್ಟಿಗೆ ಅಲೆದೂ ಅಲೆದೂ ಅವರ ಪಾದರಕ್ಷೆ ಸವೆಯುವುದರ ಜೊತೆಗೆ ಕಾಲುಗಳೂ ಸವೆದಿದ್ದರೂ ಅವರಿಗೆ ಪರಿಹಾರವೇ ಸಿಗದಿರುವಾಗ....ಜಮೀನು ಕಳೆದುಕೊಂಡ ಅಸಾಮಾನ್ಯರು ಯಾವುದೇ ಕೋರ್ಟ್ ಕಚೇರಿಗೆ ಕಾಲಿಡದೇ ಹೋಗಿದ್ದರೂ 50:50 ಅನುಪಾತದಲ್ಲಿ ಮೂಡಾಧಿಕಾರಿಗಳು ಅಂತಹ ಅಸಾಮಾನ್ಯರಿಗೆ ನಿವೇಶನಗಳನ್ನು ಅನಾಯಾಸವಾಗಿ ನೀಡಿದ್ದಾದರೂ ಹೇಗೆ?