ಭೋವಿ ಸಮಾಜದ ಅಭಿವೃದ್ಧಿಗೆ ಶ್ರಮಿಸುವೆ: ರವಿಕುಮಾರ್

ಕನ್ನಡಪ್ರಭ ವಾರ್ತೆ ಕಲಬುರಗಿ

ಕನ್ನಡ ಭವನದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದರು. ಸಮಾಜದ ಮಹಿಳೆಯರಿಗಾಗಿ ಅನೇಕ ಯೋಜನೆಗಳನ್ನು ರೂಪಿಸಿದ್ದು, ಉದ್ಯೋಗ ಸೃಷ್ಟಿ ಹೊಲಿಗೆ ಯಂತ್ರ ವಿತರಣೆ, ಸ್ವ ಉದ್ಯೋಗಕ್ಕಾಗಿ ಸಹಾಯ ಧನದ ಕಾರ್ಯಮಾಡಲಾಗುತ್ತದೆ. ಈಗಾಗಲೇ ಸರ್ಕಾರದಿಂದ 20ರಿಂದ 20 ಪ್ರತಿಶತ ಹಣ ಬಿಡುಗಡೆ ಬಾಕಿ ಇದ್ದು ಅದನ್ನು ಸಹ ಅದಷ್ಟು ಬೇಗ ಬಿಡುಗಡೆ ಮಾಡುವ ಕೆಲಸವಾಗುತ್ತದೆ ಎಂದರು.

ಈ ಒಂದು ಅಭಿವೃದ್ಧಿ ಮಂಡಳಿಯಲ್ಲಿ ಸಿಗುವ ವಾಹನಗಳನ್ನು ಮೂರರಿಂದ ನಾಲ್ಕು ವರ್ಷಗಳಾದ ಮೇಲೆ ಗುಜರಿಗೆ ಹಾಕಲಾಗುತ್ತದೆ ಹೀಗಾಗಿ ಮಹಿಳೆಯರಿಗೆ ಸಹಾಯ ಧನ ನೀಡಿದಾಗ ಅವರು ಯಾವುದೋ ಒಂದು ವ್ಯಾಪಾರವನ್ನು ಮಾಡಲು ಅನುಕೂಲವಾಗುತ್ತದೆ ಎಂದು ತಿಳಿಸಿದರು.

ಬಳಿಕ ಜೇವರ್ಗಿ ಕ್ರಾಸ್ ರಸ್ತೆ ಗೋಧುತಾಯಿ ಕಾಲೋನಿ ಹತ್ತಿರದಲ್ಲಿರುವ ಕಲ್ಲು ಹೊಡೆಯುವ ಜನಾಂಗದವರನ್ನು ಅಧ್ಯಕ್ಷರು ಭೇಟೆ ನೀಡಿದರು. ಸಮುದಾಯ ಜನಾಂಗದವರ ಮಾತನಾಡಿ, ಸರ್ಕಾರಕ್ಕೆ ನಮಗೆ ಮನೆಗಳನ್ನು ನಿರ್ಮಾಣ ಮಾಡಿಕೊಟ್ಟಿರುವುದಿಲ್ಲ ನಾವು 10-15 ವರ್ಷದಿಂದ ಇಲ್ಲಿಯ ಕಾಲ ಕಳೆಯುತ್ತಿದ್ದೇವೆ ಕುಡಿಯಲು ನೀರು ಶೌಚಾಲಯ ಇರುವುದಿಲ್ಲ ಎಂದರು.

ಉಳಿದ 26 ಜಿಲ್ಲೆಗಳಲ್ಲಿ ಡಾ. ಬಿ.ಆರ್. ಅಂಬೇಡ್ಕರ್ ಅಭಿವೃದ್ಧಿ ನಿಗಮದ ಜಿಲ್ಲಾ ವ್ಯವಸ್ಥಾಪಕರುಗಳ ಮೂಲಕ ಭೋವಿ ಅಭಿವೃದ್ಧಿ ನಿಗಮದ ಯೋಜನೆಗಳಾದ ಸ್ವಯಂ ಉದ್ಯೋಗ (ನೇರಸಾಲ) ಉದ್ಯಮಶೀಲತಾ ಯೋಜನೆ ಐಎಸ್ ಬಿ (ಬ್ಯಾಂಕ್ ಸಹಯೋಗದಲ್ಲಿ) ಸ್ವಾವಲಂಬಿ ಸಾರಥಿ ಯೋಜನೆ, ಮೈಕ್ರೋ ಕ್ರೆಡಿಟ್ (ಪ್ರೇರಾಣ) ಯೋಜನೆ, ಭೂ ಒಡೆತನ ಯೋಜನೆ, ಗಂಗಾ ಕಲ್ಯಾಣ ಯೋಜನೆ, ಏತ ನೀರಾವರಿ ಯೋಜನೆಗಳನ್ನು ಅನುಷ್ಟಾನಗೊಳಿಸುತ್ತದೆ ತಿಳಿಸಿದರು.