ಆರತಿ ಉಕ್ಕಡ ಅಹಲ್ಯಾದೇವಿ ದರ್ಶನ ಪಡೆದ ಸಚಿವ ರಾಮಲಿಂಗಾರೆಡ್ಡಿ

ಕನ್ನಡಪ್ರಭ ವಾರ್ತೆ ಶ್ರೀರಂಗಪಟ್ಟಣ

ಅಮಾವಾಸ್ಯೆ ಅಂಗವಾಗಿ ದೇವಿ ದರ್ಶನ ಪಡೆಯಲು ಖಾಸಗಿಯಾಗಿ ಆಗಮಿಸಿದ ಸಚಿವರು ದೇವಿ ದರ್ಶನ ಪಡೆದು ನಂತರ ಮಾತನಾಡಿ, ಆರತಿ ಉಕ್ಕುಡ ಮಾರಮ್ಮದೇವಿ ದೇಶಾದ್ಯಂತ ಪ್ರಸಿದ್ಧಿ ಹೊಂದಿದೆ. ದೇವಾಲಯಕ್ಕೆ ನಿತ್ಯ ಸಾವಿರಾರು ಮಂದಿ ಭಕ್ತರು ಬರುವುದರಿಂದ ದೇವಾಲಯದ ಅಭಿವೃದ್ಧಿಯಾಗಬೇಕಿದೆ ಎಂದರು.

ಜೊತೆಗೆ ಈ ದೇವಾಲಯದ ಅರ್ಚಕರು ವೇತನ ನೀಡಲು ಚರ್ಚೆಯಾಗಿದೆ. ಇದರ ಆಯಾವ್ಯಯಗಳ ಕುರಿತಾಗಿ ಚಿಂತನೆ ನಡೆಸಿ ಅರ್ಚಕರಿಗೂ ವೇತನ ನೀಡಲಾಗುತ್ತದೆ ಎಂದರು.

ಈ ಹಿಂದಿನ ಅಭಿವೃದ್ಧಿಗಳ ಕುರಿತು ಮಾಹಿತಿ ಪಡೆದುಕೊಂಡ ಸಚಿವರು, ಪ್ರಸ್ತುತ ಆಗಬೇಕಿರುವ ಕಾಮಗಾರಿಗಳ ವಿವರಗಳನ್ನು ದೇವಾಲಯದ ಇಒ ಕೃಷ್ಣ ಅವರಿಂದ ಪಡೆದುಕೊಂಡರು. ಶಾಸಕರೊಂದಿಗೆ ಚರ್ಚಿಸಿ ಶೀಘ್ರದಲ್ಲಿ ಆಗಬೇಕಿರುವ ದೇವಾಲಯದ ಕಾಮಗಾರಿಗಳಿಗೂ ಚಾಲನೆ ನೀಡುವುದಾಗಿ ಭರವಸೆ ನೀಡಿದರು.