ಶಾಸಕರೇ ಎಲ್ಲ ರೈತರಿಗೂ ಪರಿಹಾರ ಕೊಡಿಸಿ

ಕನ್ನಡಪ್ರಭ ವಾರ್ತೆ ತಾಳಿಕೋಟೆ

ತಾಲೂಕಿನ ಮೂಕೀಹಾಳ, ಬಾವೂರ, ಕೊಣ್ಣೂರ ಮತ್ತು ತಮ್ಮದಡ್ಡಿ ಗ್ರಾಮದ ಜಮೀನುಗಳಿಗೆ ಭೇಟಿ ನೀಡಿ ಬೆಳೆ ಹಾನಿ ವೀಕ್ಷಿಸಿ ನಂತರ ತಮದಡ್ಡಿ ಗ್ರಾಮದಲ್ಲಿ ನಡೆದ ರೈತರ ಸಭೆಯಲ್ಲಿ ಅವರು ಮಾತನಾಡಿದರು. ಮತಕ್ಷೇತ್ರದ ಯಾವುದೋ ಒಂದು ಹೊಲದಲ್ಲಿ ನಿಂತು ಹೋಗುವುದನ್ನು ಬಿಡಬೇಕು. ನಾನು ಶಾಸಕನಾಗಿದ್ದ ಅವಧಿಯಲ್ಲಿ ಡೋಣಿ ನದಿಗೆ ಹೊಂದಿಕೊಂಡಿರುವ ಎಲ್ಲ ರೈತರಿಗೆ ಪ್ರವಾಹದ ಸಮಯದಲ್ಲಿ ಸರ್ಕಾರದಿಂದ ಪರಿಹಾರ ಕೊಡಿಸಿದ್ದೇನೆ. ಹಾಗೇ ಎಲ್ಲ ರೈತರಿಗೆ ಪರಿಹಾರ ಕೊಡಿಸುವ ಕೆಲಸವನ್ನು ಈಗಿನ ಶಾಸಕರು ಮಾಡಲಿ ಎಂದರು.

ಅಧಿಕಾರಿಗಳ ಸಮೀಕ್ಷೆ ನೋಡಿದರೆ ಪಂಚಾಯಿತಿ ವ್ಯಾಪ್ತಿಯ ಆಯ್ದ ಒಂದೆರೆಡು ರೈತರ ಜಮೀನುಗಳಲ್ಲಿ ಭೇಟಿ ನೀಡಿ ೧ ಗುಂಟೆ ೨ ಗುಂಟೆ ಬೆಳೆ ನಾಶವಾಗಿದೆ ಎಂದು ಜಿಪಿಎಸ್ ಮಾಡಿ ಲಿಸ್ಟ್‌ ತಯಾರಿಸಿ ಆಯಾ ಗ್ರಾಪಂ ಕಚೇರಿ ಮುಂದೆ ಹಚ್ಚುತ್ತಾ ಸಾಗಿದ್ದಾರೆ. ಏಕೆಂದರೆ ಎಲ್ಲ ರೈತರ ಜಮೀನುಗಳಿಗೆ ಭೇಟಿ ನೀಡಲು ಕಂದಾಯ ಹಾಗೂ ಕೃಷಿ ಅಧಿಕಾರಿಗಳಿಗೆ ಆಗುತ್ತಿಲ್ಲ. ಹಸಿ ಬರವಿರುವ ಕಾರಣ ಜಮೀನಿನಲ್ಲಿ ಕಾಲಿಟ್ಟರೆ ಕಾಲುಗಳೇ ಸಿಲುಕಿಕೊಳ್ಳುತ್ತಿವೆ. ಹೀಗಿರುವಾಗ ಜಂಟಿ ಸಮಿಕ್ಷೆ ಮಾಡಲು ಹೇಗೆ ಸಾಧ್ಯ? ತೊಗರಿ, ಹತ್ತಿ ಬೆಳೆಗಳು ನೀರಿನಲ್ಲಿ ಕೆಂಪರೋಗದಿಂದ ಒಣಗುತ್ತಿದ್ದು, ಹೂವು, ಕಾಯಿ ಬಿಡುತ್ತಿಲ್ಲ. ಹತ್ತಿಗಿಡಗಳು ತಾಮ್ರರೋಗಕ್ಕೆ ತುತ್ತಾಗಿ ಒಣಗುತ್ತಾ ಸಾಗಿದ್ದರೂ ಶಾಸಕರೂ ಮಾತ್ರ ಇನ್ನೂ ದೀಪಾವಳಿ ವರೆಗೂ ಮಳೆಯಿದೆ ಸಮೀಕ್ಷೆ ನಡೆಯುತ್ತಿದೆ, ಅಲ್ಲಿಯವರೆಗೂ ನೋಡಿ ಸರ್ಕಾರಕ್ಕೆ ವರದಿ ಸಲ್ಲಿಸುತ್ತೇವೆ ಎಂದು ಹೇಳುತ್ತಿರುವುದು ಹಾಸ್ಯಾಸ್ಪದವಾಗಿದೆ ಎಂದು ಟೀಕಿಸಿದರು.

ಈ ವೇಳೆ ಮುಖಂಡರಾದ ಸೋಮನಗೌಡ ಕವಡಿಮಟ್ಟಿ, ಬಿಜೆಪಿ ರೈತ ಮೋರ್ಚಾ ಮಂಡಲ ಅಧ್ಯಕ್ಷ ಸಂಗಣ್ಣ ಹತ್ತಿ, ಗಿರಿಶ ಪಾಟೀಲ ಸೇರಿದಂತೆ ರೈತರು ಇದ್ದರು.