)
)
)
ಸಾರಾಂಶ
ಗ್ರಾಹಕರಿಂದ ಪೇಪರ್ ಬ್ಯಾಗ್‌ಗೆ ಹಣ ಪಡೆದ ಪ್ರಕರಣದಲ್ಲಿ ದಾವಣಗೆರೆ ಜಿಲ್ಲಾ ಗ್ರಾಹಕರ ಆಯೋಗವು ತಪ್ಪಿತಸ್ಥ ಸಂಸ್ಥೆಗೆ 7000 ದಂಡ ವಿಧಿಸಿದೆ.
ದಾವಣಗೆರೆ: ಗ್ರಾಹಕರಿಂದ ಪೇಪರ್ ಬ್ಯಾಗ್‌ಗೆ ಹಣ ಪಡೆದ ಪ್ರಕರಣದಲ್ಲಿ ಜಿಲ್ಲಾ ಗ್ರಾಹಕರ ಆಯೋಗವು ತಪ್ಪಿತಸ್ಥ ಸಂಸ್ಥೆಗೆ ₹7000 ದಂಡ ವಿಧಿಸಿದೆ.
ವಕೀಲ ಆರ್.ಬಸವರಾಜ್ ಎಂಬುವರು ದಾವಣಗೆರೆ ನಗರದ ಮ್ಯಾಕ್ಸ್ ರೀಟೈಲ್ ಅಂಗಡಿಯಲ್ಲಿ 2023ರ ಅಕ್ಟೋಬರ್ 29ರಂದು ₹1,499 ಪಾವತಿಸಿ, ಡೆನಿವಾ ಪ್ಯಾಂಟ್ ಖರೀದಿಸಿದ್ದ ವೇಳೆ, ಇಲ್ಲಿಯೇ ಲೈಫ್ ಸ್ಟೈಲ್ ಇಂಟರ್‌ ನ್ಯಾಷನಲ್ ವಾಣಿಜ್ಯ ಸಂಸ್ಥೆ ಪ್ಯಾಂಟ್ ಮಾರಾಟದಲ್ಲಿ ಪೇಪರ್ ಬ್ಯಾಗ್‌ಗೆ ಹೆಚ್ಚುವರಿಯಾಗಿ ₹10 ಪಡೆದಿದ್ದರು. ಈ ಬಗ್ಗೆ ಗ್ರಾಹಕ ಆರ್. ಬಸವರಾಜ್ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗದಲ್ಲಿ ದೂರು ದಾಖಲಿಸಿದ್ದರು. ವಿಚಾರಣೆ ನಡೆಸಿದ ಆಯೋಗ ಹೆಚ್ಚುವರಿಯಾಗಿ ₹10 ಪಡೆದ ಸಂಸ್ಥೆ ಕ್ರಮವು ಗ್ರಾಹಕರ ಸಂರಕ್ಷಣಾ ಕಾಯ್ದೆ ಅಡಿಯಲ್ಲಿ ಅನುಚಿತ ವ್ಯಾಪಾರ ಪದ್ಧತಿಯಾಗಿದೆ ಎಂದು ಪರಿಗಣಿಸಿ, ದಾವಣಗೆರೆ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ಅಧ್ಯಕ್ಷ ಮಹಂತೇಶ ಈರಪ್ಪ ಶಿಗ್ಲಿ, ಸದಸ್ಯರಾದ ತ್ಯಾಗರಾಜನ್ ಮತ್ತು ಮಹಿಳಾ ಸದಸ್ಯರಾದ ಬಿ.ಯು.ಗೀತಾ ಅವರು ವಾಣಿಜ್ಯ ಸಂಸ್ಥೆಗೆ ₹7000 ದಂಡ ವಿಧಿಸಿ ಆದೇಶಿಸಿದ್ದಾರೆ.- - - (-ಸಾಂದರ್ಭಿಕ ಚಿತ್ರ) ಪೇಪರ್‌ಬ್ಯಾಗ್‌.
;Resize=(128,128))
;Resize=(128,128))
;Resize=(128,128))
;Resize=(128,128))
;Resize=(128,128))