ಗದ್ದುಗೆ ಏರಲು ಚದುರಂಗವಾಡಿ ಗೆದ್ದ ''''ಮುಖ್ಯಮಂತ್ರಿ‌''''

ಶಿರಸಿ: ನಾಟಕದಿಂದಲೇ ಮುಖ್ಯಮಂತ್ರಿ ಎಂದು ಹೆಸರು ಪಡೆದು, ರಾಜ್ಯ, ಹೊರ ರಾಜ್ಯ, ಹೊರ‌ ದೇಶದಲ್ಲೂ ಚಂದ್ರು ಅವರಿಗೆ ಮುಖ್ಯಮಂತ್ರಿ ಚಂದ್ರು ಎಂದೇ‌ ಖ್ಯಾತಿ ಕೊಟ್ಟ ನಾಟಕ ಮುಖ್ಯಮಂತ್ರಿ ನಗರದ‌ ರಂಗಧಾಮದಲ್ಲಿ ಪ್ರದರ್ಶನಗೊಂಡು, ಕಲಾಸಕ್ತರ ಗಮನ ಸೆಳೆಯಿತು.ಬೆಂಗಳೂರಿನ ಕಲಾ‌ ಗಂಗೋತ್ರಿ ರಂಗ ತಂಡದ ಕಲಾವಿದರರು ನಡೆಸಿಕೊಟ್ಟ ಎರಡು ತಾಸಿನ ಮುಖ್ಯಮಂತ್ರಿ ನಾಟಕ ರಾಜಕೀಯ ವಿದ್ಯಮಾನ, ಒಳಪಟ್ಟು, ತಂತ್ರಗಾರಿಕೆ, ರಾಜಕೀಯ ಚದುರಂಗ ಆಟ, ಮಂತ್ರಿ,‌ ಮುಖ್ಯಮಂತ್ರಿಗಳ ಕುಟುಂಬಗಳು ಹೀಗೆ ಅನೇಕ ಸಂಗತಿಗಳು ಗಮನ ಸೆಳೆದವು.

ನಾಟಕಕ್ಕೆ ಚಿಂತನ‌ ರಂಗ ಅಧ್ಯಯನ ಕೇಂದ್ರ, ಸ್ಕಾಡವೇಸ್, ನೆಮ್ಮದಿ ಬಳಗ, ರಂಗಧಾಮ, ಸಾಮ್ರಾಟ್ ಹೋಟೆಲ್, ನಯನ ಫೌಂಡೇಶನ್ ಸಹಕಾರ ನೀಡಿದ್ದವು.

ಇದೇ ವೇಳೆ‌ ೯೪ರ ಹಿರಿಯ, ಸ್ವಾತಂತ್ರ್ಯ ಹೋರಾಟಗಾರರಾದ ಕಾಶಿನಾಥ‌ ಮೂಡಿ ಅವರು ನೇತ್ರದಾನಕ್ಕೆ ಸಹಿ ಮಾಡಿದ್ದನ್ನು ಡಾ. ಶಿವರಾಮ ಕೆ.ವಿ. ಪ್ರಕಟಿಸಿದರು. ಕಲಾ ಗಂಗೋತ್ರಿಯ ಪರವಾಗಿ ಕಾಶಿನಾಥ ಮೂಡಿ ಅವರನ್ನು ಬಿ.ವಿ. ರಾಜಾರಾಮ ಗೌರವಿಸಿದರು. ಚಂದ್ರು ಉಡುಪಿ, ಸಾಮ್ರಾಟ್ ಸತೀಶ ಹೆಗಡೆ ವಿವಿಧ ಜವಾಬ್ದಾರಿ ನಿರ್ವಹಿಸಿದರು. ವೈಶಾಲಿ ವಿ.ಪಿ. ಹೆಗಡೆ ಸ್ವಾಗತಿಸಿದರು. ರಾಘವೇಂದ್ರ ಬೆಟ್ಟಕೊಪ್ಪ ನಿರ್ವಹಿಸಿದರು.