ರಾಜ್ಯದಲ್ಲಿ ಮುಸ್ಲಿಂ ಲೀಗ್ ಸರ್ಕಾರದಿಂದ ಆಡಳಿತ: ಮುತಾಲಿಕ್

ಹುಬ್ಬಳ್ಳ‍ಿ: ಕರ್ನಾಟಕದಲ್ಲಿ ಆಡಳಿತದಲ್ಲಿ ಇರುವುದು ಕಾಂಗ್ರೆಸ್ ಸರ್ಕಾರವಲ್ಲ, ಇದು ಮುಸ್ಲಿಂ ಲೀಗ್‌ ಸರ್ಕಾರ. ಇದರಿಂದಾಗಿ ಮುಸ್ಲಿಂ ತುಷ್ಟೀಕರಣ ಹೆಚ್ಚಾಗಿದೆ ಎಂದು ಶ್ರೀರಾಮಸೇನೆ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್ ಆರೋಪಿಸಿದರು.

ಜಿಲ್ಲೆಯಲ್ಲಿ ತಬ್ಲೀಘಿಗಳ ಸಂಖ್ಯೆ ಹೆಚ್ಚಾಗಿದೆ. ಸಮಾಜದ ಸೌಹಾರ್ದ ಹಾಳು ಮಾಡುವವರು ಈ ತಬ್ಲೀಘಿಗಳು. ಹೀಗಾಗಿ, ಅವರ ನಿಯಂತ್ರಣ ಮಾಡಬೇಕು. ದೇಶದ ತುಂಬ ಗಲಭೆಗೆ ಇವರೇ ಕಾರಣೀಕರ್ತರು. ಅವರನ್ನು ಮೊದಲು ಒದ್ದು ಹೊರಗೆ ಹಾಕಬೇಕು. ಅನುಮಾನಾಸ್ಪದ ವ್ಯಕ್ತಗಳ ಮೇಲೆ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ಆಂತರಿಕ ಜಿಹಾದಿಗಳ ಕೈವಾಡ: ಜಮ್ಮು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಪ್ರವಾಸಿಗರ ಮೇಲೆ ನಡೆದ ದಾಳಿಯಲ್ಲಿ ಆಂತರಿಕ ಜಿಹಾದಿಗಳ ಕೈವಾಡವಿದೆ. ಹೊರಗಿನ ಶತ್ರುಗಳನ್ನು ಎದುರಿಸಲು ನಮ್ಮ ಸೈನಿಕರು ಸಿದ್ಧರಿದ್ದಾರೆ. ಆದರೆ, ಆಂತರಿಕ ದೇಶದ್ರೋಹಿಗಳು, ಜಿಹಾದಿಗಳ ನಿಯಂತ್ರಣವಾಗಬೇಕು. ಈ ಬಗ್ಗೆ ಕೇಂದ್ರ ಸರ್ಕಾರ ಗಂಭೀರ ಕ್ರಮ ಕೈಗೊಳ್ಳಬೇಕು. ಇದಕ್ಕಾಗಿ ವಿಶೇಷ ಪಡೆ ರಚನೆಯಾಗಬೇಕು ಎಂದೂ ಅವರು ಆಗ್ರಹಿಸಿದರು.

ಶಾಸಕ ಅರವಿಂದ ಬೆಲ್ಲದ್‌ ಸಂಶಯ ವ್ಯಕ್ತಪಡಿಸಿದ ವ್ಯಕ್ತಿಗಳ ಕುರಿತಂತೆ ಆಯುಕ್ತರ ಹೇಳಿಕೆ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿರುವ ಶ್ರೀರಾಮಸೇನೆ, 15ರಿಂದ 50 ವಯಸ್ಸಿನವರು ಗುಜರಾತದಿಂದ ಧರ್ಮ ಪ್ರಚಾರಕ್ಕಾಗಿ ಬಂದಿದ್ದು ಉಲ್ಲೇಖಿಸಿದ್ದಾರೆ. 15 ವಯಸ್ಸಿನವರು ಧರ್ಮದ ಪ್ರಸಾರ ಮಾಡುವ ಅಧ್ಯಯನಶೀಲರು ಆಗಿರುತ್ತಾರೆಯೇ? ಇದು ಹಾಸ್ಯಾಸ್ಪದ. ಸಮಾಜದ, ದೇಶದ ಸುರಕ್ಷತೆಗೆ ಹಾಗೂ ಗಂಭಿರವಾಗಿ ಸ್ವಿಕರಿಸಿ ಸಮಗ್ರ ತನಿಖೆಯಾಗಬೇಕು ಎಂದಿದ್ದಾರೆ.