ರಾಷ್ಟ್ರನಾಯಕರು, ಕ್ರಿಕೆಟ್‌ ತಾರೆಗಳಂತೆ ಮಿಂಚುವ ಗುರಿ ಮುಖ್ಯ: ಮಲ್ಲಿಕಾರ್ಜುನ್

- ಮಾರುತಿ ಶಾಲೆಗೆ ಕ್ರೀಡಾ ಸಾಮಗ್ರಿಗಳ ವಿತರಣೆ - - - ಕನ್ನಡಪ್ರಭ ವಾರ್ತೆ ಮಲೇಬೆನ್ನೂರು

ಸೋಮವಾರ ಪಟ್ಟಣದ ಶ್ರೀ ಮಾರುತಿ ಹಿರಿಯ ಪ್ರಾಥಮಿಕ ಶಾಲೆಗೆ ಬೆಂಗಳೂರಿನ ಸಿನೋಪ್ಸಿಸ್ ಮತ್ತು ಇಂಡಿಯಾ ಸುಧಾರ್ ಸಂಸ್ಥೆಗಳು ನೀಡಿದ ಕ್ರೀಡಾ ಸಾಮಗ್ರಿಗಳನ್ನು ಶಾಲೆಗೆ ವಿತರಿಸಿ ಅವರು ಮಾತನಾಡಿದರು. ರಾಷ್ಟ್ರವನ್ನು ಬೆಳಗಿದ ರಾಜಕಾರಣಿಗಳು ಮತ್ತು ಕ್ರಿಕೆಟ್ ತಾರೆಗಳಂತೆ ಪ್ರಾಥಮಿಕ ಶಾಲಾ ಮಕ್ಕಳು ಸಹ ರಾಷ್ಟ್ರಮಟ್ಟದಲ್ಲಿ ಮಿಂಚಬೇಕೆಂಬ ಗುರಿ ಹೊಂದಿರಬೇಕು ಎಂದರು.

ಅನುದಾನಿತ ಶಾಲಾ ಒಕ್ಕೂಟ ಅಧ್ಯಕ್ಷ ಕೆ.ಭೀಮಪ್ಪ ಮಾತನಾಡಿ, ಶಿಕ್ಷಕರ ಸಂಘದ ಪ್ರಧಾನ ಕಾರ್ಯದರ್ಶಿ ಶರಣ್‌ಕುಮಾರ್ ಹೆಗಡೆ ಅವರ ಶ್ರಮದಿಂದ ತಾಲೂಕಿನ ಸಹಸ್ರಾರು ಮಕ್ಕಳಿಗೆ ಕಾರ್ಪೋರೇಟ್ ಸಂಸ್ಥೆಗಳಿಂದ ಕಲಿಕೆ, ಕ್ರೀಡಾ ಸಾಮಗ್ರಿಗಳು ಸರಬರಾಜಾಗುತ್ತಿವೆ. ಇದರಿಂದ ಮಕ್ಕಳ ಹಾಜರಾತಿಯೂ ಹೆಚ್ಚಾಗಿದೆ. ಶಾಲೆ ಅಭಿವೃದ್ಧಿಗೆ ಕ್ರಿಯಾಶೀಲ ಶಿಕ್ಷಕರ ವೇದಿಕೆ ನಿರಂತರ ಶ್ರಮಿಸಲಿದೆ ಎಂದರು.

ವಿದ್ಯಾಸಂಸ್ಥೆ ಅಧ್ಯಕ್ಷ ಸತ್ಯನಾರಾಯಣ ಜೋಯ್ಸ್, ಶಿಕ್ಷಕರ ಸೇವಾ ವೇದಿಕೆಯ ಜಿ.ಶಶಿಕುಮಾರ್, ಆನಂದ ಭೂತರೆಡ್ಡಿ, ಎಚ್. ಶಶಿಕುಮಾರ್, ರಾಜ್ಯ ಸರ್ಕಾರಿ ನೌಕರರ ಸಂಘದ ಖಜಾಂಚಿ ಎಂ. ಗಿರೀಶ್, ದಾದಾಪೀರ್, ಮುಖ್ಯಶಿಕ್ಷಕ ಸಿ. ಪರಮೇಶ್ವರಪ್ಪ, ಡಿ.ಬಿ. ಹನುಮಂತಪ್ಪ, ಗೀತಾ, ರೇಣುಕಾ, ಸದಾನಂದ ಹಾಗೂ ಶಿಕ್ಷಕರು ಇದ್ದರು.

ಮಲೇಬೆನ್ನೂರಿನ ಮಾರುತಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಕ್ರೀಡಾ ಸಾಮಗ್ರಿಗಳನ್ನು ವಿತರಿಸಲಾಯಿತು.