ವಿಧಾನಸೌಧದ ಎದುರು ರೀಲ್ಸ್‌ಗಾಗಿ ನೇಪಾಳಿಗಳ ಗಲಾಟೆ:13ಮಂದಿ ಸೆರೆ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ನೇಪಾಳ ಮೂಲದ ಉಪೇಂದ್ರ ಚೌಲಾಗೆ, ಗೋಪಾಲ್‌, ಧರ್ಮೇಂದ್ರ, ರಾಹುಲ್ ಸಿಂಗ್‌, ನಿರ್ಮಲ್ ಅಲಿಯಾಸ್ ಗುರು, ಮನೋಜ್‌, ಪರಶ್ ಬೋಹ್ರಾ ಹಾಗೂ ಇಬ್ಬರು ಕಾನೂನು ಸಂಘರ್ಷಕ್ಕೊಳಗಾದ ಬಾಲಕರು ಬಂಧಿತರಾಗಿದ್ದಾರೆ.

ರೀಲ್ಸ್‌ಗೆ ನೇಪಾಳಿಗಳ ಗಲಾಟೆ

ಈ ನೇಪಾಳಿ ನಾಗರಿಕರು ರೀಲ್ಸ್ ಮಾಡುತ್ತಿದ್ದರು. ಈ ವಿಡಿಯೋಗಳು ನೇಪಾಳ ದೇಶದಲ್ಲಿ ಹೆಚ್ಚು ವೀಕ್ಷಣೆ ಪಡೆಯುತ್ತಿದ್ದವು. ಹಾಗಾಗಿ ರಜೆ ದಿನಗಳಲ್ಲಿ ವಿಧಾನಸೌಧ ಸೇರಿದಂತೆ ನಗರದ ಪ್ರಮುಖ ಸ್ಥಳಗಳಿಗೆ ತೆರಳಿ ವಿಡಿಯೋ ಮಾಡಿ ಅವರು ರೀಲ್ಸ್ ಮಾಡುತ್ತಿದ್ದರು. ಅಂತೆಯೇ ವಿಧಾನಸೌಧ ಬಳಿ ರೀಲ್ಸ್ ಮಾಡುವ ಸಲುವಾಗಿ ನೇಪಾಳಿಗಳ ಒಂದು ಗುಂಪು ಬಂದಿದೆ. ಅದೇ ವೇಳೆ ಇನ್ನೊಂದು ಗುಂಪು ಸಹ ಎದುರಾಳಿ ಗುಂಪು ಬಂದಿದೆ ಎಂದು ತಿಳಿದು ಅಲ್ಲಿಗೆ ತೆರಳಿದೆ. ಪರಸ್ಪರ ಮಾತುಕತೆ ನಡೆಸಿ ಕಬ್ಬನ್ ಪಾರ್ಕ್ ಬಳಿಗೆ ಎರಡು ಗುಂಪುಗಳು ಹೋಗಿದ್ದವು ಎಂದು ಡಿಸಿಪಿ ವಿವರಿಸಿದರು.

ಸಣ್ಣಪುಟ್ಟ ಕೆಲಸ: ಉದ್ಯೋಗ ಅರಸಿಕೊಂಡು ನಗರಕ್ಕೆ ಬಂದಿದ್ದ ಈ ನೇಪಾಳಿಗಳು, ನಗರ ಹಾಗೂ ಹೊರ ವಲಯದ ಖಾಸಗಿ ಕಂಪನಿಗಳು ಹಾಗೂ ಹೋಟೆಲ್‌ಗಳಲ್ಲಿ ದುಡಿಯುತ್ತಿದ್ದರು. ಈಗ ರೀಲ್ಸ್ ಹುಚ್ಚಿಗೆ ಬಿದ್ದು ಗಲಾಟೆ ಮಾಡಿಕೊಂಡು ಕಾರ್ಮಿಕರು ಜೈಲು ಸೇರಿದ್ದಾರೆ ಎಂದು ತಿಳಿದು ಬಂದಿದೆ.