ವಿರೋಧ ರಹಿತವಾದದ್ದೇ ವೀರಶೈವ: ಶ್ರೀಶೈಲ ಜಗದ್ಗುರು

ಶ್ರೀ ದೇವಿ ಗುರುಕುಲದ 8ನೆಯ ವಾರ್ಷಿಕೋತ್ಸವ ಆಚರಣೆ

ನಗರದ ಶ್ರೀ ಜಗದ್ಗುರು ರೇಣುಕಾಚಾರ್ಯ ಸಮುದಾಯ ಭವನದಲ್ಲಿ ನಡೆದ ಶ್ರೀ ದೇವಿ ಗುರುಕುಲದ 8ನೆಯ ವಾರ್ಷಿಕೋತ್ಸವದ ಸಾನ್ನಿಧ್ಯ ವಹಿಸಿ ಆಶೀರ್ವಚನ ನೀಡಿದರು. ಲಿಂಗಧರಿಸಿ, ನಿತ್ಯ ಲಿಂಗಪೂಜೆ, ಇತರೆ ಎಲ್ಲ ಧರ್ಮಿಯ ರನ್ನು ಪ್ರೀತಿ ವಿಶ್ವಾಸ ಗೌರವದಿಂದ ನೋಡುವ ಜೊತೆಗೆ ವಿರೋಧ ರಹಿತವಾದ ಜೀವನ ನಡೆಸುವವರೆ ಸಾಮಾಜಿಕವಾಗಿ ವೀರಶೈವ ಎಂದನೆಸಿಕೊಳ್ಳುತ್ತಾನೆ. ಅಷ್ಟಾವರಣ, ಪಂಚಾಚಾರ ಮತ್ತು ಷಟ್‌ಸ್ಥಲಗಳು ವೀರಶೈವ ಧರ್ಮದ ಪ್ರಧಾನ ತತ್ವತ್ರಯಗಳಾದ ಸಂಕೇತಗಳು. ಇದರ ಬಗ್ಗೆ ಪ್ರತಿಯೊಬ್ಬರೂ ಕನಿಷ್ಟ ತಿಳುವಳಿಕೆ ಹೊಂದುವುದು ಅತ್ಯಗತ್ಯ ಎಂದರು.

ವಿದ್ಯೆಯ ಜೊತೆಗೆ ಸಂಸ್ಕಾರ ಮೇಳೈಸಬೇಕು. ಜ್ಞಾನ, ಶಕ್ತಿ, ಹಣ ಸರಿದಾರಿಯಲ್ಲಿ ಸಾಗಲು ಸಂಸ್ಕಾರ ಅವಶ್ಯ. ಶಕ್ತಿ ಆತ್ಮರಕ್ಷಣೆಗೇ ಹೊರತು ಇನ್ನೊಬ್ಬರನ್ನು ಹಿಂಸಿಸುವುದಲ್ಲ. ಜ್ಞಾನ ಸಂವಹನಕ್ಕೆ ಬಳಕೆಯಾಗಬೇಕೆ ಹೊರತು ಅಹಂಕಾರಕ್ಕಲ್ಲ. ಹಣ ದಾನಕ್ಕೆ ಹೊರತು ದರ್ಪಕ್ಕಲ್ಲ ಎಂಬುದನ್ನು ಅರ್ಥ ಮಾಡಿಸುವುದೇ ಸಂಸ್ಕೃತಿ. ಮಾತಾ ಪಿತರು, ಆಚಾರ್ಯರು ಅತಿಥಿಗಳು ದೇವರ ಸಮಾನ. ಬದುಕಿನ ಜೀವನದ ಮೌಲ್ಯ ಅರಿತು ಬಾಳಬೇಕು. ಪ್ರಾಚೀನ ಗುರುಕುಲಗಳು ಕುಟುಂಬ ವ್ಯವಸ್ಥೆ ಸರಿಪಡಿಸಲು ಪೂರಕವಾಗಿದ್ದವು ಎಂದ ಶ್ರೀಶೈಲ ಜಗದ್ಗುರುಗಳು, ಅನ್ನದಾತ ರೈತ, ವಿದ್ಯೆ ಕಲಿಸುವ ಗುರು ಮತ್ತು ರಕ್ಷಣೆ ಮಾಡುವ ಸೈನಿಕರನ್ನು ಗೌರವಿಸಬೇಕೆಂದರು.

ಕೃಷಿಯಲ್ಲಿ ವಿಶಿಷ್ಟ ಸಾಧನೆ ಮಾಡಿದ ಐದು ದಂಪತಿಗಳನ್ನು ಗೌರವಿಸುವ ’ರೈತ ನಮನ’ ಮತ್ತು ಸರ್ಕಾರಿ ಶಾಲೆಗಳಲ್ಲಿ ಉತ್ತಮ ಸೇವೆ ಸಲ್ಲಿಸಿ ನಿವೃತ್ತರಾದ ಆರು ಶಿಕ್ಷಕರಿಗೆ ’ಗುರು ನಮನ’ ಸಲ್ಲಿಸಲಾಯಿತು. ವಿವಿಧ ಕ್ಷೇತ್ರಗಳಲ್ಲಿ ಎಲೆಮರೆಯ ಕಾಯಿಯಂತೆ ಸೇವೆ ಸಲ್ಲಿಸಿದ ಕುಮಾರಶರ್ಮ ಮತ್ತಿತರರನ್ನು ವಿಶೇಷ ’ಗುರುರಕ್ಷೆ’ ನೀಡಿ ಗೌರವಿಸಲಾಯಿತು.

ಹುಲಿಕೆರೆ ದೊಡ್ಡಮಠದ ಶ್ರೀ ವಿರೂಪಾಕ್ಷಲಿಂಗ ಶಿವಾಚಾರ್ಯರು ಮತ್ತು ಶ್ರೀ ಮಲ್ಲಿಕಾರ್ಜುನ ಪಂಡಿತಾರಾಧ್ಯ ಶಿವಾಚಾ ರ್ಯರು, ಶಂಕರದೇವರ ಮಠದ ಶ್ರೀಚಂದ್ರಶೇಖರ ಶಿವಾಚಾರ್ಯರು, ಅಡ್ನೂರು-ಗದಗ ಬೃಹ್ಮಠದ ಶ್ರೀ ಅಭಿನವ ಪಂಚಾಕ್ಷರ ಶಿವಾಚಾರ್ಯರು, ನೀಲಗಲ್‌ ಬೃಹನ್ಮಠದ ಶ್ರೀ ಅಭಿನವರೇಣುಕ ಶಾಂತಮಲ್ಲ ಶಿವಾಚಾರ್ಯರ, ಲಕ್ಷ್ಮೀಪುರ ಬೃಹ್ಮಠದ ಶ್ರೀಚನ್ನಮಲ್ಲ ಶಿವಾಚಾರ್ಯರು ಉಪಸ್ಥಿತರಿದ್ದರು.ತಾಲ್ಲೂಕು ವೀರಶೈವ ಮಹಾಸಭಾ ಅಧ್ಯಕ್ಷ ಬಿ.ಎ.ಶಿವಶಂಕರ್, ಕನ್ನಡಸೇನೆ ಜಿಲ್ಲಾಧ್ಯಕ್ಷ ಪಿ.ಸಿ.ರಾಜೇಗೌಡ, ಶ್ರೀಜಗದ್ಗುರು ರೇಣುಕಾಚಾರ್ಯಟ್ರಸ್ಟ್ ಖಜಾಂಚಿ ಯು.ಎಂ.ಬಸವರಾಜು, ಮೈಸೂರು ವೇದಮಾತಾ ಗುರುಕುಲದ ಸಂಸ್ಥಾಪಕ ವಿದ್ವಾನ ಡಾ.ಮಂಜುನಾಥ ಆರಾಧ್ಯ, ಗಾಳಿಹಳ್ಳಿಮಠದ ಗುರುಮೂರ್ತಯ್ಯ ಶಾಸ್ತ್ರಿ, ಕಾರ್‍ಯದರ್ಶಿ ವೇದಮೂರ್ತಿ, ಹೊನ್ನಾಳಿಯ ವೇ. ಮೂ.ವೀರೇಶಶಾಸ್ತ್ರಿ, ಮಂಡ್ಯದ ವೇ.ಮೂ.ಮಲ್ಲಿಕಾರ್ಜುನ, ವೇ.ಮೂ.ಮಧುಶಾಸ್ತ್ರಿ, ಹೊಸಳ್ಳಿಯ ವೇ.ಮೂ.ಗಿರೀಶಾರಾಧ್ಯ ವೇದಿಕೆಯಲ್ಲಿದ್ದರು.