)
)
)
ಸಾರಾಂಶ
ಆನ್ಲೈನ್ ಪಾರ್ಸೆಲ್ ಬಿಚ್ಚಿ ನೋಡಿದ ಯುವಕನಿಗೆ ಶಾಕ್ ಕಾದಿತ್ತು. ಟೂಲ್ ಕಿಟ್ ಬಾಕ್ಸ್‌ನಲ್ಲಿ ಕೆಜಿ ಭಾರದ ನಾಲ್ಕು ಕಲ್ಲುಗಳನ್ನು ತುಂಬಿ ಕಳಿಸಿರುವುದನ್ನು ಕಂಡು ಯುವಕ ಹೌಹಾರಿದ್ದಾನೆ.
ಅಂಕೋಲಾ: ಆನ್‌ಲೈನ್‌ಲ್ಲಿ ಎಲೆಕ್ಟ್ರಿಕಲ್ ಹಾಗೂ ಪ್ಲಂಬಿಂಗ್ ಕೆಲಸಕ್ಕೆ ಬೇಕಾಗುವ ಟೂಲ್ ಕಿಟ್ಅನ್ನು ಆರ್ಡರ್ ಮಾಡಿದ್ದು, ಮನೆಗೆ ಬಂದ ಪಾರ್ಸೆಲ್‌ನಲ್ಲಿ ಕಲ್ಲುಗಳು ತುಂಬಿಕೊಂಡಿರುವ ಘಟನೆ ಬೆಳಕಿಗೆ ಬಂದಿದ್ದು, ನೊಂದ ವ್ಯಕ್ತಿ ಗ್ರಾಹಕರ ನ್ಯಾಯಾಲಯದ ಮೊರೆ ಹೋಗಲು ನಿರ್ಧರಿಸಿದ್ದಾನೆ.
ತಾಲೂಕಿನ ಯುವಕರೊಬ್ಬರು ಮನೆಯ ಎಲೆಕ್ಟ್ರಿಕಲ್ ಕೆಲಸ ಮಾಡುವ ಉದ್ಯೋಗದಲ್ಲಿದ್ದು, ತನ್ನ ಕೆಲಸಕ್ಕೆ ಟೂಲ್ ಕಿಟ್ ಅವಶ್ಯವಿರುವುದರಿಂದ ಆನ್‌ಲೈನ್‌ನಲ್ಲಿ ಸುಮಾರು ₹5 ಸಾವಿರ ಮೌಲ್ಯದ ವಿವಿಧ ಟೂಲ್ ಕಿಟ್ ಆರ್ಡರ್ ಮಾಡಿದ್ದ.ನಾಲ್ಕು ದಿನಗಳ ನಂತರ ಬಂದ ಪಾರ್ಸೆಲ್ ಬಿಚ್ಚಿ ನೋಡಿದ ಯುವಕನಿಗೆ ಶಾಕ್ ಕಾದಿತ್ತು. ಟೂಲ್ ಕಿಟ್ ಬಾಕ್ಸ್‌ನಲ್ಲಿ ಕೆಜಿ ಭಾರದ ನಾಲ್ಕು ಕಲ್ಲುಗಳನ್ನು ತುಂಬಿ ಕಳಿಸಿರುವುದನ್ನು ಕಂಡು ಯುವಕ ಹೌಹಾರಿದ್ದಾನೆ.
ಪಾರ್ಸೆಲ್ ಬಾಕ್ಸ್ಅನ್ನು ಮಾತ್ರ ಅಚ್ಚುಕಟ್ಟಾಗಿ ಪ್ಯಾಕ್ ಮಾಡಿದ್ದು, ಕೊಂಚವೂ ಅನುಮಾನ ಬಾರದ ರೀತಿಯಲ್ಲಿ ಟೂಲ್ ಕಿಟ್ ಎಷ್ಟು ಭಾರ ಇರುತ್ತದೆಯೋ ಅಷ್ಟೇ ಭಾರದ ಕಲ್ಲುಗಳನ್ನು ಜೋಡಿಸಿ ಸರಿಯಾದ ವಿನ್ಯಾಸದೊಂದಿಗೆ ಡೆಲಿವರಿ ನೀಡಲಾಗಿತ್ತು.ದಿಗ್ಭ್ರಾಂತನಾದ ಯುವಕ ಕಳೆದ 2 ತಿಂಗಳಿಂದ ಟೂಲ್ ಕಿಟ್ ವಾಪಸ್‌ಗಾಗಿ ಹಲವಾರು ಬಾರಿ ಗ್ರಾಹಕ ಸಹಾಯವಾಣಿಗೆ ಕರೆ ಮಾಡಿದರೂ ಸಮರ್ಪಕವಾಗಿ ಪ್ರತಿಕ್ರಿಯೆ ನೀಡುತ್ತಿಲ್ಲ. ಹೀಗಾಗಿ ನೊಂದ ಯುವಕ ಗ್ರಾಹಕರ ನ್ಯಾಯಾಲಯದ ಕದ ತಟ್ಟಲು ಮುಂದಾಗಿದ್ದಾನೆ.
;Resize=(128,128))
;Resize=(128,128))
;Resize=(128,128))
;Resize=(128,128))
)