ಹಳೆಬೀಡಿನಲ್ಲಿ ಮಾನಸಿಕ ರೋಗಿಗಳ ತಪಾಸಣೆ ಶಿಬಿರ ಆಯೋಜನೆ

ಕನ್ನಡಪ್ರಭ ವಾರ್ತೆ ಹಳೆಬೀಡು

ಈ ಕಾರ್ಯಕ್ರಮವನ್ನು ಅನುಷ್ಠಾನಗೊಳಿಸಲು ಉತ್ತರಾಖಂಡ ರಾಜ್ಯದ ಪಿತೋರ್ ಘರ್ ಜಿಲ್ಲೆಯ ಮುನ್ಸಿಯಾರಿ ತಾಲೂಕು ಮತ್ತು ಕರ್ನಾಟಕದ ಹಾಸನ ಜಿಲ್ಲೆಯ ಬೇಲೂರು ತಾಲೂಕುಗಳನ್ನು ಆಯ್ಕೆ ಮಾಡಲಾಗಿದೆ. ಈ ಯೋಜನೆಗೆ "ನಮನ್ " ಎಂಬ ಹೆಸರನ್ನು ಇಡಲಾಗಿದೆ. ಈ ಎರಡು ತಾಲೂಕುಗಳ ಇಡೀ ಜನಸಂಖ್ಯಾ ಮಾನಸಿಕ ಆರೋಗ್ಯ ಅಗತ್ಯತೆಗಳನ್ನು ಪೂರೈಸಲು ಮಾದರಿ ಯೋಜನೆಯನ್ನು ಸಿದ್ಧಪಡಿಸಲಾಗಿದೆ.

ಆಯ್ಕೆಯಾಗಿರುವ ಕರ್ನಾಟಕದ ಬೇಲೂರು ಮತ್ತು ಉತ್ತರಾಖಂಡನ ಮುನ್ಸಿಯಾರಿ ತಾಲೂಕುಗಳ ಇಡೀ ಜನಸಂಖ್ಯಾ ಮಾನಸಿಕ ಆರೋಗ್ಯ ಅಗತ್ಯತೆ ಪೂರೈಸಲು ಕಾರ್ಯಕ್ರಮವು ಗರ್ಭಾಶಯದಿಂದ ಸಮಾಧಿಯವರೆಗೆ ಇಡೀ ಜನಸಂಖ್ಯೆಯನ್ನು ಒಳಗೊಳ್ಳುವ ವಿಧಾನ ಅನುಸರಿಸಲು ಯೋಜಿಸಿದೆ. ಈ ಯೋಜನೆಯಲ್ಲಿ ತಾಲೂಕಿನ ಪ್ರತಿ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಮತ್ತು ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ ಆರೋಗ್ಯ ಕಾರ್ಯಕರ್ತರನ್ನು ನೇಮಿಸಲಾಗಿದೆ. ತಾಲೂಕಿನಲ್ಲಿರುವ ಸಮುದಾಯ ಕೇಂದ್ರಗಳಾದ ಹಳೇಬೀಡಿನಲ್ಲಿ ಬುಧವಾರ ಮತ್ತು ಅರೆಹಳ್ಳಿಯಲ್ಲಿ ಸೋಮವಾರದಂದು ವೈದ್ಯರು ಲಭ್ಯವಿರುತ್ತಾರೆ. ಮಂಗಳವಾರ ಗುರುವಾರ ,ಶುಕ್ರವಾರದಂದು ತಾಲೂಕು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಲಭ್ಯವಿರುತ್ತಾರೆ.