ಪಾಲಕರು ಮಕ್ಕಳಿಗಾಗಿ ಸಮಯ ಮೀಸಲಿಡಿ: ಫಾಸ್ಟರ್ ಜೈಸನ್

ಕನ್ನಡಪ್ರಭ ವಾರ್ತೆ ಗುಳೇದಗುಡ್ಡ

ಸ್ಥಳೀಯ ರಾಠಿ ಮತ್ತು ಕಾವಡೆ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಪಾಲಕರ ಕ್ರೀಡಾಕೂಟ ಹಾಗೂ ಶಾಲಾ ಶಿಕ್ಷಕಿಯರ ಆಹಾರ ಮೇಳ ಉದ್ಘಾಟಿಸಿ ಮಾತನಾಡಿದ ಅವರು, ಬಿಡುವಿಲ್ಲದ ಇಂದಿನ ಜೀವನದ ತಮ್ಮ ತಮ್ಮ ಕಾರ್ಯ, ಕೆಲಸಗಳಲ್ಲಿ ತಲ್ಲೀನರಾಗಿರುವ ಪಾಲಕರಿಗೆ ಮಕ್ಕಳೊಂದಿಗೆ ಶಾಲಾ ಪರಿಸರದಲ್ಲಿ ಆಟೋಟಗಳನ್ನು ಆಡುವುದರ ಮೂಲಕ ಮನರಂಜನೆ ಪಡೆದುಕೊಳ್ಳಬಹುದಾದ ಈ ಕಾರ್ಯಕ್ರಮ ಸ್ವಾಗತಾರ್ಹವಾಗಿದೆ. ಮಕ್ಕಳಿಗಾಗಿ ಪಾಲಕರು ತಮ್ಮ ಸಮಯ ಮೀಸಲಿಡಬೇಕು ಎಂದು ತಿಳಿಸಿ, ತಮ್ಮ ಬಾಲ್ಯದ ಶಾಲಾ ಅನುಭವಗಳನ್ನು ಹಂಚಿಕೊಂಡರು. ಅಲ್ಲದೇ ಶಾಲೆಯ ಚೇರಮನ್ ಅಶೋಕ ಹೆಗಡಿಯವರು ಹಾಗೂ ಶಾಲೆಯ ಶಿಕ್ಷಕಿಯರು ನಡೆಸಿಕೊಡುತ್ತಿರುವ ಆಹಾರ ಮೇಳದಲ್ಲಿ ಆಹಾರ ಶುಚಿ ಹಾಗೂ ರುಚಿಯಿಂದ ಕೂಡಿದೆ. ಪಾಲಕರು ಆಟಗಳಲ್ಲಿ ಭಾಗವಹಿಸಿ ಈ ಕಾರ್ಯಕ್ರಮ ತಮಗೂ ತಮ್ಮ ಮಕ್ಕಳಿಗೂ ಮನರಂಜನಾತ್ಮಕ ಕಾರ್ಯಕ್ರಮವಾಗಿರಲಿ ಎಂದರು.