ಧನಾತ್ಮಕ ಮನೋಭಾವ ಅಗತ್ಯ: ಎನ್.ಜಿ. ನಾಯಕ

ಅಂಕೋಲಾ: ಶಿಕ್ಷಕರ ತರಬೇತಿ ಕೇವಲ ಅಂಕಗಳಿಗೆ ಸೀಮಿತವಾಗಿರದೇ ವಿದ್ಯಾರ್ಥಿಗಳ ಸರ್ವತೋಮುಖ ಬದಲಾವಣೆಗೆ ಬಳಸಬೇಕು. ವೃತ್ತಿ, ಶಿಕ್ಷಣ, ಜೀವನ ಎಲ್ಲದರಲ್ಲಿಯೂ ಧನಾತ್ಮಕ ಮನೋಭಾವ, ಬೆಳೆಸಿಕೊಂಡು ಕ್ರೀಡೆ, ಸಾಂಸ್ಕೃತಿಕ ಮತ್ತು ಜೀವನಾನುಭವದಲ್ಲಿ ಶಿಕ್ಷಣ ಪಡೆಯಬೇಕು ಎಂದು ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ಕುಮಟಾದ ಉಪನಿರ್ದೇಶಕ ಎನ್.ಜಿ. ನಾಯಕ ತಿಳಿಸಿದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಸಂಸ್ಥೆಯ ಕಾರ್ಯದರ್ಶಿ ಡಾ. ಡಿ.ಎಲ್. ಭಟ್ಕಳ ಅವರು, ಶಿಕ್ಷಕರು ಸಂವಹನ ಕೌಶಲ್ಯ, ಜ್ಞಾನ, ಆತ್ಮವಿಶ್ವಾಸ, ಕುತೂಹಲ ತಣಿಸುವ, ಸಮಸ್ಯೆ ಪರಿಹಾರದ ಗುಣ ಬೆಳೆಸಿಕೊಳ್ಳಬೇಕು ಎಂದರು.ಕವಿತಾ ಸಂಗಡಿಗರು ಪ್ರಾರ್ಥಿಸಿದರು. ಕಾಲೇಜಿನ ಪ್ರಾಚಾರ್ಯ ಡಾ. ವಿನಾಯಕ ಜಿ. ಹೆಗಡೆ ಸ್ವಾಗತಿಸಿದರು. ಉಪನ್ಯಾಸಕಿ ಪೂರ್ವಿ ಹಳ್ಗೇಕರ ಪರಿಚಯಿಸಿದರು. ಕಾರ್ಯಾದ್ಯಕ್ಷ ಅಮ್ರಿನಾಜ ಶೇಖ್‌ ಕ್ರಿಯಾ ವರದಿ ವಾಚಿಸಿದರು.