ಅನಧಿಕೃತ ಪಂಪ್‌ಸೆಟ್‌ಗಳ ಹಾವಳಿಯೇ ವಿದ್ಯುತ್ ಸಮಸ್ಯೆಗೆ ಕಾರಣ: ಮೆಸ್ಕಾಂ ಅಧೀಕ್ಷಕ ಮಂಜುನಾಥ್

ರೈತರ ಸಮಸ್ಯೆಗಳಿಗೆ ಸ್ಪಂದಿಸುವುದೇ ಮೆಸ್ಕಾಂ ಜವಾಬ್ದಾರಿ: ನಂದಿಹೊಸಳ್ಳಿ ಬಳಿ ನೂತನ ಮೆಸ್ಕಾಂ ಕೇಂದ್ರ ಆರಂಭ

ಸಭೆ ಆರಂಭ ಗೊಳ್ಳುತ್ತಿದ್ದಂತೆಯೇ ರೈತ ಸಂಘದ ಸೋಮಶೇಖರ್ ಮಾತನಾಡಿ, ಸರ್ಕಾರ ರೈತರ ಪಂಪ್ ಸೆಟ್ ಗಳಿಗೆ 7 ಗಂಟೆ ವಿದ್ಯುತ್‌ಗೆ ಆದೇಶ ಮಾಡಿದೆ. ಆದರೆ ಕೇವಲ 4ಗಂಟೆ ವಿದ್ಯುತ್ ನೀಡುತ್ತಿಲ್ಲ. ಬೇಸಿಗೆ ಸಮೀಪಿಸುತ್ತಿದೆ. ಈಗಲೇ ವಿದ್ಯುತ್ ನೀಡುತ್ತಿಲ್ಲ, ಇನ್ನೆರಡು ತಿಂಗಳು ರೈತರಿಗೆ ಹೀಗೆ ವಿದ್ಯುತ್ ಕಡಿತ ಮಾಡಿದರೆ ರೈತರು ಆತ್ಮಹತ್ಯೆ ಗುರಿ ತಲುಪುತ್ತಾರೆ. ಬೆಳೆದ ಫಸಲನ್ನು ಉಳಿಸಿಕೊಳ್ಳಲು ಹರಸಾಹಸ ಪಡುವ ಹಾಗೇ ಮಾಡುವುದನ್ನು ಸರಿಪಡಿಸಿ ಎಂದರು.ಇದಕ್ಕೆ ಉತ್ತರಿಸಿದ ಮೆಸ್ಕಾಂ.ಎಸ್.ಇ ಮಂಜುನಾಥ್. ನಮಗೆ ಬಂದಂತಹ ವಿದ್ಯುತ್ ನ್ನು ಸಮನಾಗಿ ವಿತರಿಸಲು ಅಡಚಣೆಯಾಗುತ್ತವೆ. ಇಂತಹ ಸಂದರ್ಭದಲ್ಲಿ ವ್ಯತ್ಯಾಸವಾಗಬಹುದು ಎಂದರು.ಯಗಟಿ ಹೋಬಳಿ ಪರ್ವತನಹಳ್ಳಿ ಈಶ್ವರಪ್ಪ ಮಾತನಾಡಿ, ಈ ಹಿಂದೆ 100ಕೆವಿ ಟಿಸಿಯನ್ನು ಗ್ರಾಮದಲ್ಲಿ ಕೂಡಿಸಿದ್ದರು ಆಗ, ಸುಮಾರು 33 ಐಪಿ ಸೆಟ್ ಓಡುತ್ತಿದ್ದವು, ರೈತರು ಆರಾಮಾಗಿದ್ದರು. ಆದರೆ ಅದನ್ನು ತೆಗೆದು 63ಕೆವಿಗೆ ಬದಲಾಯಿಸಿದರ ಪರಿಣಾಮ 13 ಐಪಿ ಸೆಟ್ ಪಂಪ್ ಸೆಟ್ ಸರಿಯಾಗಿ ಕೆಲಸ ಮಾಡುತ್ತಿಲ್ಲ.ಇದರಿಂದ ರೈತರು ಆತ್ಮಹತ್ಯೆ ದಾರಿ ತು ಳಿಯು ವಂತಾಗಿದೆ. ಈ ವಿಚಾರವಾಗಿ ಅನೇಕ ಬಾರಿ ಅರ್ಜಿ ನೀಡಿದರು ಪ್ರಯೋಜನವಾಗಿಲ್ಲ ಎಂದರು. ಕಡೂರಿನ ಕಾರ್ಯ ನಿರ್ವಾಹಕ ಇಂಜಿನಿಯರ್ ಲಿಂಗರಾಜ್, ಕಡೂರಿನ ಯಳಗೊಂಡನಹಳ್ಳಿ, ಕೆ.ಬಸವನಹಳ್ಳಿ, ಚೌಳಹಿರಿ ಯೂರು ಗ್ರಾಮಗಳಲ್ಲಿ 3ಹೊಸ ಮೆಸ್ಕಾಂ ವಿದ್ಯುತ್ ವಿತರಣಾ ಕೇಂದ್ರಗಳು ಶೀಘ್ರವೇ ಉದ್ಘಾಟನೆಯಾಗುವ ಸಂಭವವಿದ್ದು, ಓವರ್ ಲೋಡ್ ತಪ್ಪಿದರೇ ನಿಮಗೆ ಪೂರ್ಣಪ್ರಮಾಣದ ವಿದ್ಯುತ್ ನೀಡಲಾಗುವುದು. ನಿಮ್ಮ ಸಮಸ್ಯೆಗೆ ಸ್ಥಳ ಪರಿಶೀಲನೆ ನಡೆಸಿ ಸಮಸ್ಯೆ ಬಗೆಹರಿಸಲಾಗುವುದು ಮೆಸ್ಕಾಂ ಬಗ್ಗೆ ನಂಬಿಕೆ ಇಡಿ ಎಂದರು.ಎಮ್ಮೆದೊಡ್ಡಿ ರೈತ ವೆಂಕಟೇಶ್ ಮಾತನಾಡಿ, ಎಮ್ಮೆದೊಡ್ಡಿ ಭಾಗಕ್ಕೆ ಬುಕ್ಕಸಾಗರ ವಿದ್ಯುತ್ ಫೀಡರ್ ನಿಂದ ವಿದ್ಯುತ್ ನೀಡಲಾಗಿದೆ. ಆದರೆ ಸರಿಯಾದ ವೋಲ್ಟೇಜ್ ಬರುತ್ತಿಲ್ಲ. ಅಳವಡಿಸಿರುವ ಲೈನ್ ಗಳು ಅದರ ಟೆಂಪರ್ ಕಳೆದುಕೊಂಡು ಪುಡಿಯಾಗುವ ಪರಿಸ್ಥಿತಿ ತಲುಪಿವೆ. ಇದನ್ನು ಬದಲಾಯಿಸಿ ಎಂದು ಮನವಿ ಮಾಡಿದಾಗ ಮೆಸ್ಕಾ ಎಇ ವಿಜಯಕುಮಾರ್, ಶೀಘ್ರ ಸ್ಥಳ ಪರಿಶೀಲನೆ ನಡೆಸಿ ನಿಮ್ಮ ಸಮಸ್ಯೆ ಬಗೆಹರಿಸುವ ಭರವಸೆ ನೀಡಿದರು.

ಲಿಂಗದಹಳ್ಳಿ, ಹೊಗರೇಹಳ್ಳಿ , ಬಳ್ಳಿಗನೂರು ಗ್ರಾಮದ ಕೆಲವು ರೈತರು ನಮ್ಮ ಭಾಗಕ್ಕೆ ಬೀರೂರು ಮತ್ತು ತರೀಕೆರೆ ಭಾಗ ದಿಂದ ವಿದ್ಯುತ್ ನೀಡಲಾಗುತ್ತಿದೆ. ಆದರೆ ಅದು ಸಮರ್ಪಕವಾಗಿ ಸಿಗದೆ ನಾವು ಬೆಳೆದ ಬೆಳೆ ಒಣಗುವ ಸ್ಥಿತಿ ಎದುರಾದರೇ, ಇನ್ನೊದೆಡೆ ರಾತ್ರಿ ವೇಳೆ ವಿದ್ಯುತ್ ನೀಡಿದರೇ ನಾವು ಹೇಗೆ ತೋಟಗಳಿಗೆ ನೀರು ಹಾಯಿಸಲು ಸಾಧ್ಯ. ಸಮಯ ಬದಲಾವಣೆ ಆದರೆ ಒಳಿತು ಎಂದರು.ಈ ಸಂದರ್ಭದಲ್ಲಿ ಮೆಸ್ಕಾಂ ಎಇ ವಿಜಯಕುಮಾರ್, ಹಿರೇನಲ್ಲೂರು ಜೆಇ ಕಿಶೋರ್‌ರಾಜ್, ತಾಂತ್ರಿಕ ಇಂಜಿನಿಯರ್ ಯತೀಶ್, ಕುಸುಮಾ, ಓಂಕಾರಮ್ಮ, ಹಾಗೂ ರೈತ ಸಂಘದ ಪದಾಧಿಕಾರಿಗಳು, ಮತ್ತು ಗ್ರಾಹಕರು ಇದ್ದರು.