ಶಿರಸಿ ಬಂದ್‌ಗೆ ಕರೆ ನೀಡಬೇಕಾಗುತ್ತದೆ- ಉಪೇಂದ್ರ ಪೈ ಎಚ್ಚರಿಕೆ

ಶಿರಸಿ: ನಗರದ ಕಾಮಧೇನು ಜ್ಯೂವೆಲರ್ಸ್‌ ಮಾಲೀಕರ ಮಗ, ಯುವಕ ಪ್ರೀತಮ್ ಪಾಲನಕರ್ ಆತ್ಮಹತ್ಯೆ ಪ್ರಕರಣ ಹಿಂದೆ ಬ್ಲಾಕ್‌ಮೇಲ್‌ ದೂರಿದ್ದು, ತಕ್ಷಣ ಆರೋಪಿಗಳನ್ನು ಬಂಧಿಸಿ ಕಾನೂನು‌ ಕ್ರಮ ಕೈಗೊಳ್ಳದೇ ಹೋದರೆ‌ ಶಿರಸಿ ಬಂದ್‌ಗೆ ಕರೆ ನೀಡಲಾಗುತ್ತದೆ ಎಂದು‌ ಜೆಡಿಎಸ್ ಮುಖಂಡ ಉಪೇಂದ್ರ ಪೈ ಎಚ್ಚರಿಸಿದ್ದಾರೆ.

ಈ ವೇಳೆ ರೆಡ್ ಆಂಟ್ ಮಹೇಶ ನಾಯ್ಕ, ಕರ್ನಾಟಕ ರಕ್ಷಣಾ ವೇದಿಕೆ‌ ಉಮೇಶ ಹರಿಕಂತ್ರ, ಈಶ್ವರ ನಾಯ್ಕ, ಅಬ್ದುಲ್ ಹಜೀದ್, ರೋಹಿತ್ ನಾಯ್ಕ ಇತರರು ಇದ್ದರು.

ಕಳೆದ ೧೫ ದಿನಗಳ ಹಿಂದೆ ಆತ್ಮಹತ್ಯೆ ಮಾಡಿಕೊಂಡ ಶಿರಸಿ ಕಾಮಧೇನು ಜ್ಯುವೆಲರಿಯ ಮಾಲೀಕ ಪ್ರೀತಂ ಪಾಲನಕರ ಸಾವಿನ ತನಿಖೆ ನಿಷ್ಪಕ್ಷಪಾತವಾಗಿ ನಡೆಯಬೇಕು. ಸತ್ಯಾಸತ್ಯತೆ ಹೊರಬರಬೇಕು ಎಂದು ಎಐಸಿಸಿ ರಾಷ್ಟ್ರೀಯ ಒಬಿಸಿ ಸಂಯೋಜಕ ನಾಗರಾಜ ನಾರ್ವೇಕರ ಹೇಳಿದರು.

ಶಿರಸಿಯಲ್ಲಿ ಪೊಲೀಸ್ ವ್ಯವಸ್ಥೆ ಹದಗೆಟ್ಟಿದೆ. ತಾವು ಕಾಂಗ್ರೆಸ್‌ನಲ್ಲಿ ಗುರುತಿಸಿಕೊಂಡಿದ್ದು, ನಮ್ಮ ಪಕ್ಷ ಆಡಳಿತದಲ್ಲಿ ಸಚಿವರ, ಶಾಸಕರ ಗೌರವಕ್ಕೆ ಕುಂದುಬರುವಂತೆ ಪೊಲೀಸರು ವರ್ತನೆ ಮಾಡುತ್ತಿದ್ದಾರೆ. ಈ ರವೀಶ ಎನ್ನುವವರ ವಿರುದ್ಧ ಬ್ಲಾಕ್‌ಮೇಲ್ ಒಂದೇ ಅಲ್ಲ, ಒಂದೇ ಕಾರಿಗೆ ಹಲವು ಕಡೆ ಸಾಲ ಪಡೆದ ಆರೋಪವೂ ಇದೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಬಳಿ ಮಾತನಾಡಿದ ಬಳಿಕ ತನಿಖಾಧಿಕಾರಿ ಬದಲಾವಣೆ ಆಗಿದೆ. ಆದರೆ ರತ್ನಾ ಅವರ ವಿರುದ್ಧ ಕಾನೂನು ಕ್ರಮವಾಗಿಲ್ಲ. ಕನಿಷ್ಠ ಪಕ್ಷ ವರ್ಗಾವಣೆಯನ್ನೂ ಮಾಡಿಲ್ಲ. ಪೊಲೀಸ್ ಇಲಾಖೆ ಮೇಲೆ ನಂಬಿಕೆ ಹೋಗುವಂತಾಗಿದೆ. ಸತ್ಯ ಹೊರಬರಬೇಕು. ಏನಾಗಿದೆ ತಿಳಿಯಬೇಕು ಎಂದು ಹೇಳಿದರು. ಪ್ರೀತಂ ಸಹೋದರ ಪವನ ಪಾಲನಕರ, ಸಂಬಂಧಿ ವೈಭವ ಇದ್ದರು.