ಮುಖ್ಯಶಿಕ್ಷಕಿಯ ವರ್ಗಾವಣೆಗೆ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳ ಪ್ರತಿಭಟನೆ

ಶಿಕ್ಷಣಾಧಿಕಾರಿಯಿಂದ ಸಮಸ್ಯೆ ಪರಿಹಾರದ ಭರವಸೆ; ಪ್ರತಿಭಟನೆ ಮೊಟಕು

ಶಾಲೆಯಲ್ಲಿ ಒಟ್ಟು ೪೪೨ ವಿದ್ಯಾರ್ಥಿಗಳಿದ್ದು ಸಮಯಕ್ಕೆ ಸರಿಯಾಗಿ ಊಟ ನೀಡುವುದಿಲ್ಲ, ಕೆಲವೊಮ್ಮೆ ಮದ್ಯಾಹ್ನ ೩ ಗಂಟೆಗೆ ಬಿಸಿಯೂಟ ನೀಡುತ್ತಾರೆ. ಬಿಸಿಯೂಟದಲ್ಲಿ ತರಕಾರಿಗಳನ್ನು ಬಳಸುವುದಿಲ್ಲ, ಇತ್ತ ಕಾರಪುಡಿ ಹಾಕಿಕೊಂಡು ಮಕ್ಕಳು ಊಟ ಮಾಡಿದ ಘಟನೆಗಳು ನಡೆದಿವೆ. ಇಂತಹ ಪರಿಸ್ಥಿತಿ ಪದೇ ಪದೇ ಶಾಲೆಯಲ್ಲಿ ಆಗುವುದು ಸಾಮಾನ್ಯವಾಗಿದೆ. ಈ ಕುರಿತು ಅಕ್ಷರ ದಾಸೋಹ ಅಧಿಕಾರಿಗಳಿಗೆ ಗಮನಕ್ಕೆ ತಂದರೂ ಸಹ ಯಾವುದೇ ಪರಿಹಾರ ಸಿಕ್ಕಿಲ್ಲ ಎಂದು ಪಾಲಕರಾದ ಶರಣಪ್ಪ ಹೊಸಳ್ಳಿ, ಸೋಮಪ್ಪ ಬೆನಕನವಾರಿ, ಬಸವರಾಜ ಕೊಪ್ಪದ, ಅಳೆಬಸಪ್ಪ ಬೆನಕನವಾರಿ, ಮಲ್ಲಪ್ಪ ಕೊಪ್ಪದ ಹೊನಕೇರಪ್ಪ ಕೊಪ್ಪದ ಆರೊಪಿಸಿದರು.ಪ್ರತಿಭಟನೆ ವಿಷಯ ತಿಳಿದು ಮಧಹ್ನ ೩ ಗಂಟೆಯ ನಂತರ ಬಂದ ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್.ಎನ್.ಹುರಳಿ ಮಕ್ಕಳ ಹಾಗೂ ಪಾಲಕರ ಜೊತೆ ಸಭೆ ನಡೆಸಿ ಮಾಹಿತಿ ಪಡೆದರು. ಮಕ್ಕಳ ಹಾಗೂ ಪಾಲಕರ ಹೇಳಿಕೆಯನ್ನು ಪಡೆದು ಮೇಲಾಧಿಕಾರಿಗಳ ಗಮನಕ್ಕೆ ತರುತ್ತೇನೆ ಎಂದು ಹೇಳಿಕೆ ನೀಡಿದಾಗ ಪಾಲಕರು ಪದೇ ಪದೇ ಈ ಸಮಸ್ಯೆ ಆಗುತ್ತಿದೆ ಮುಖ್ಯಶಿಕ್ಷಕಿ ಎ.ಎಸ್.ರಾಠೋಡ ವರ್ಗಾವಣೆ ಮಾಡಿದ ಮೇಲೆ ನಮ್ಮ ಮಕ್ಕಳನ್ನು ಶಾಲೆಗೆ ಕಳಿಸುತ್ತೇವೆ ಎಂದು ಪಟ್ಟು ಹಿಡಿದಾಗ ಬಿಇಒ ಹುರಳಿ ಅವರು ಶೀಘ್ರದಲ್ಲಿಯೇ ಸಮಸ್ಯೆಗೆ ಪರಿಹಾರ ಮಾಡಿಕೊಡುತ್ತೇವೆ ಎಂದ ಬಳಿಕ ಪ್ರತಿಭಟನೆ ಮೊಟಕುಗೊಳಿಸಲಾಯಿತು.ಈ ವೇಳೆ ಗ್ರಾ.ಪಂ ಅಧ್ಯಕ್ಷ ಮಂಜುನಾಥ ಬೆನಕನವಾರಿ, ಅಕ್ಷರ ದಾಸೋಹ ಅಧಿಕಾರಿ ಬಸವರಾಜ ಅಂಗಡಿ, ಶರಣಯ್ಯ ಹಿರೇಮಠ ಸೇರಿ ಗ್ರಾಪಂ ಸದಸ್ಯರು, ಎಸ್‌ಡಿಎಂಸಿ ಅಧ್ಯಕ್ಷರು, ಸದಸ್ಯರು ಹಾಗೂ ಗ್ರಾಮಸ್ಥರು ಇದ್ದರು.