ಸನಾತನ ಧರ್ಮ, ಸಂಸ್ಕೃತಿ ರಕ್ಷಣೆ ಕ್ಷತ್ರಿಯರ ಹೊಣೆ

ಗದಗ: ಸನಾತನ ಧರ್ಮ, ಸಂಸ್ಕೃತಿಯ ರಕ್ಷಣೆ, ಪಾಲನೆ, ಪೋಷಣೆ ಮಾಡಿ ಬೆಳೆಸುವುದು ಕ್ಷತ್ರಿಯರ ಸಾಮಾಜಿಕ ಹೊಣೆಯಾಗಿದೆ ಎಂದು ಹುಲಕೋಟಿಯ ಸಾವಯವ ಕೃಷಿ ಮಾರ್ಗದರ್ಶಕ ಗುರುನಾಥಗೌಡ ಓದುಗೌಡ್ರ ಹೇಳಿದರು.

ಜಾತಿ ಭೇದ ಮಾಡದೇ ದೀನ, ದಲಿತರ ರಕ್ಷಣೆಗಾಗಿ ಆದಿ, ಅನಾದಿ ಕಾಲದಿಂದ ನಾಡು ನುಡಿ, ಸಂಸ್ಕೃತಿ ಮಣ್ಣಿನ ಸುರಕ್ಷತೆಗಾಗಿ ಹೋಮ, ಹವನ, ಧರ್ಮ ಕಾರ್ಯ ಮಾಡುವ ಮೂಲಕ ಸನಾತನ ಧರ್ಮದ ರಕ್ಷಣೆಗೆ ಕ್ಷತ್ರಿಯ ರಾಜ ಮಹಾರಾಜರು ಬದ್ದವಾಗಿದ್ದರು, ಇಂದಿನ ಸಮುದಾಯಕ್ಕೆ ಇಂತಹ ಧರ್ಮ ಜಾಗೃತಿ ಸಮಾರಂಭಗಳು ಹಾಗೂ ಹೋಮ ಹವನದ ಮಹತ್ವ, ವಿಜ್ಞಾನದ ಮಹತ್ವ ಹಾಗೂ ಭಾರತದ ಪರಂಪರೆಯ ಮಹತ್ವದ ಬಗ್ಗೆ ಪ್ರತಿಯೊಬ್ಬ ಭಾರತೀಯರು ಹೆಮ್ಮೆ ಪಡಬೇಕು ಎಂದರು.

ಗುರುದತ್ತ ಮಹಾಯಾಗ, ಹೋಮ ಹವನ, ಮಹಾ ಯಾಗ, ಕಾರ್ತ್ಯವೀರಾರ್ಜುನ ಸ್ವಾಮಿಯ ಮಂತ್ರ ಪಠಣ, ಇದರ ಮಹತ್ವ ಗದುಗಿನ ವೇದ ಪಂ. ರತ್ನಾಕರಭಟ್ ಜೋಶಿ ಹಾಗೂ ಗದುಗಿನ ಬ್ರಾಹ್ಮಣ ಪ್ರೋಹಿತರು ನೆರೆವೇರಿಸಿದರು. ಹನುಮಂತಸಾ ನಿರಂಜನ ಮಾತನಾಡಿದರು.

ಶ್ರೀ ಪ್ರಕಾಶ ಸ್ವಾಮೀಜಿ ಅವಧೂತ, ಡಿ.ಸಿ. ಬಾಕಳೆ, ಸಾಗರ ಪವಾರ, ಸಂಗಮೇಶ ಕವಳಿಕಾಯಿ, ಪರಶುರಾಮಸಾ ಹಬೀಬ, ಶಂಕರಸಾ ಕಲಬುರ್ಗಿ, ಭೀಮು ಹಬೀಬ, ನಾರಾಯಣ ನಿರಂಜನ, ಸಂಜೀವ್ ಖಟವಟೆ, ನರಸಿಂಗಸಾ ಕಬಾಡಿ, ಪ್ರಕಾಶ ಕಾಟಿಗಾರ, ದೀಪಕ ಪವಾರ, ಮೋಹನ ಹಬೀಬ, ಸಚಿನ ಖೋಡೆ, ಗೋಪಾಲ ಕಾಟವಾ, ಮೆಹರವಾಡೆ, ಶಂಕರ ಬೇವಿನಕಟ್ಟಿ, ಕಸ್ತೂರಿಬಾಯಿ ಭಾಂಡಗೆ, ಗೀತಾಬಾಯಿ, ಸರೋಜಾಬಾಯಿ ಕಾರವಾರಿ, ನಾಗರಾಜ ನಿರಂಜನ, ಗುರು ಕಬಾಡಿ, ಗಜಾನನ ಬದಿ, ಮಾಲಾಬಾಯಿ ಬದಿ, ಶಾಂತಾಬಾಯಿ ಬಾಕಳೆ, ರತ್ನಾಬಾಯಿ ಭಾಂಡಗೆ, ಸರೋಜಾಬಾಯಿ ಟೀಕಾನದಾರ, ರೇಣುಕಾಬಾಯಿ ಕಲಬುರ್ಗಿ ಹಾಗೂ ಕ್ಷತ್ರಿಯ ಬ್ರಿಗೇಡ್ ಫೌಂಡೇಶನ ಪದಾಧಿಕಾರಿಗಳು ಹಾಗೂ ಸರ್ವ ಸದಸ್ಯರ ಭಕ್ತರು ಇದ್ದರು. ನಂತರದಲ್ಲಿ ಗುರುದತ್ತಾತ್ರೇಯ ಮಹಾರಾಜರ ಸಂಕೀರ್ತನ ಪ್ರದಕ್ಷಣೆ ವಿಜೃಂಭಣೆಯಿಂದ ನಡೆಯಿತು.