ಗೃಹ ಸಚಿವರಿಂದಲೇ ಆರೋಪಿಗಳಿಗೆ ರಕ್ಷಣೆ : ಆರೋಪ

-ಪ್ರತಿಭಟನಾಕಾರರಿಂದ ಶಾಸಕರ ಕಚೇರಿಗೆ ಮುತ್ತಿಗೆ ಯತ್ನ: ಪೊಲೀಸ್ ಭದ್ರತೆ । ನಟ ಅಹಿಂಸಾ ಚೇತನ್‌, ಪರಶುರಾಮ್‌ ತಂದೆ, ಸಹೋದರ ಭಾಗಿ

ಕನ್ನಡಪ್ರಭ ವಾರ್ತೆ ಯಾದಗಿರಿ

ನಗರದ ಮೈಲಾಪೂರ ಬೇಸ್‌ನಿಂದ ಪ್ರತಿಭಟನೆ ಆರಂಭಿಸಿದ ಪ್ರತಿಭಟನಾಕಾರರು, ಗಾಂಧೀಚೌಕ್‌, ಕನಕ ವೃತ್ತ, ಡಾ. ಅಂಬೇಡ್ಕರ್‌ ಸರ್ಕಲ್‌, ಲಾಲ್‌ ಬಹಾದ್ದೂರ್ ಶಾಸ್ತ್ರಿ ವೃತ್ತ ಮಾರ್ಗವಾಗಿ ನೇತಾಜಿ ಸುಭಾಶ್ಚಂದ್ರ ಭೋಸ್‌ ವೃತ್ತಕ್ಕೆ ಆಗಮಿಸಿ, ಅಲ್ಲಿ ಸಮಾವೇಶಗೊಂಡರು. ಮಾರ್ಗ ಮಧ್ಯೆ, ಶಾಸ್ತ್ರಿ ಚೌಕ್‌ ಸಮೀಪವಿರುವ ಶಾಸಕ ಚೆನ್ನಾರೆಡ್ಡಿ ಅವರ ಕಚೇರಿಗೆ ಮುತ್ತಿಗೆ ಹಾಕಲೆತ್ನಿಸಿದ ಪ್ರತಿಭಟಕಾರರನ್ನು ಪೊಲೀಸರು ತಡೆದರು.

ವರ್ಗಾವಣೆ ಕುರಿತು ತಮ್ಮನ (ಪರಶುರಾಮ್‌) ಜೊತೆ ಮಾತನಾಡಿದಾಗ, ಶಾಸಕರ ಆಸೆ ಆಕಾಂಕ್ಷೆಗಳನ್ನು ಈಡೇರಿಸಲು ಆಗಿಲ್ಲ ಎಂದು ಆತ ಖಿನ್ನತೆ ವ್ಯಕ್ತಪಡಿಸಿದ್ದ ಎಂದು ಪರಶುರಾಮ್‌ ಸಹೋದರ ಹನುಮಂತ ದೂರಿದರು.

ವಾಲ್ಮಿಕಿ ಹಗರಣದಲ್ಲಿ ಸಚಿವ ನಾಗೇಂದ್ರ ಕ್ಲೀನ್‌ ಚಿಟ್‌ ಕೊಡುವಂತೆ ಇಲ್ಲಿಯೂ ಎಸ್‌ಐಟಿ ರಚಿಸಿ ಪ್ರಕರಣಕ್ಕೆ ಅಂತ್ಯ ಹಾಡುವ ಯತ್ನಗಳು ನಡೆದಿವೆ. ರಾಜ್ಯ ಸರ್ಕಾರದ ಅಧೀನದಲ್ಲಿರುವ ಸಿಐಡಿ ತನಿಖೆ ಬದಲು ಇದನ್ನು ಕೇಂದ್ರ ಸರ್ಕಾರದ ಸಿಬಿಐಗೆ ವಹಿಸುವುದು ಸೂಕ್ತ ಎಂದು ನಟ ಅಹಿಂಸಾ ಚೇತನ್‌ ಆಗ್ರಹಿಸಿದರು.

ಎರಡಿಂದ ಮೂರು ಗಂಟೆಗಳ ಕಾಲ ಪ್ರತಿಭಟನೆ ನಡೆಯಿತು. ಸಿಬಿಐಗೆ ತನಿಖೆ ವಹಿಸುವಂತೆ ಕೋರಿ ರಾಜ್ಯಪಾಲರಿಗೆ ಬರೆದ ಮನವಿ ಪತ್ರವನ್ನು ಸ್ಥಳಕ್ಕೆ ಆಗಮಿಸಿದ ಜಿಲ್ಲಾಧಿಕಾರಿ ಡಾ. ಸುಶೀಲಾ ಅವರ ಮೂಲಕ ಸಲ್ಲಿಸಲಾಯಿತು. ಮುಂಜಾಗ್ರತಾ ಕ್ರಮವಾಗಿ ಪ್ರತಿಭಟನೆ ವೇಳೆ ನಗರದ ಮುಖ್ಯರಸ್ತೆಯಲ್ಲಿ ಬಿಗಿ ಪೊಲೀಸ್‌ ಪಹರೆ ಹಾಕಲಾಗಿತ್ತು.

ಫೋಟೊ:

14ವೈಡಿಆರ್‌9: ಬುಧವಾರ ಯಾದಗಿರಿಯಲ್ಲಿ ನಡೆದ ಪ್ರತಿಭಟನೆಯಲ್ಲಿ ನಟ ಅಹಿಂಸಾ ಚೇತನ್ ಮಾತನಾಡಿದರು.

14ವೈಡಿಆರ್‌8 : ಬುಧವಾರ ಯಾದಗಿರಿಯಲ್ಲಿ ನಡೆದ ಪ್ರತಿಭಟನೆಯಲ್ಲಿ ಮೃತ ಪರಶುರಾಮ್‌ ಅವರ ಸಹೋದರ ಹನುಮಂತ ಮಾತನಾಡಿದರು.

14ವೈಡಿಆರ್‌10 : ಪಿಎಸ್ಸೈ ಪರಶುರಾಮ್‌ ಶಂಕಾಸ್ಪದ ಸಾವಿನ ಪ್ರಕರಣವನ್ನು ಸಿಬಿಐಗೆ ವಹಸಿವಂತೆ ಆಗ್ರಹಿಸಿ ರಾಜ್ಯಪಾಲರಿಗೆ ಬರೆದ ಪತ್ರವನ್ನು ಯಾದಗಿರಿ ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಲಾಯಿತು.

14ವೈಡಿಆರ್‌11 : ಯಾದಗಿರಿಯಲ್ಲಿ ನಡೆದ ಪ್ರಗತಿಪರ ಸಂಘಟನೆಗಳ ಪ್ರತಿಭಟನೆ

14ವೈಡಿಆರ್‌12 : ಯಾದಗಿರಿ ಶಾಸಕ ಕಚೇರಿಗೆ ಮುತ್ತಿಗೆ ಯತ್ನ