ಜಯ ಕರ್ನಾಟಕ ಸಂಘಟನೆಯಿಂದ ಪ್ರತಿಭಟನೆ

ಗದಗ: ಗದಗ-ಬೆಗೇರಿ ನಗರಸಭೆಯ ಮಾಲೀಕತ್ವದ ಸಾವಿರಾರು ಕೋಟಿ ಮೌಲ್ಯದ 54 ವಕಾರ ಸಾಲು (ಖಾಲಿ ಜಾಗೆ) ಆಸ್ತಿಯನ್ನು ಕಾನೂನು ಬಾಹಿರವಾಗಿ ಒಪ್ಪಂದ ಮಾಡಿಕೊಂಡು ಸುಳ್ಳು ಠರಾವು ಸೃಷ್ಠಿ ಮಾಡಿರುವ ನಗರಸಭೆಯ ಮಾಜಿ ಅಧ್ಯಕ್ಷರು, ಸದಸ್ಯರು ಸೇರಿದಂತೆ ಎಲ್ಲ ತಪ್ಪಿತಸ್ಥರ ಮೇಲೆ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕು ಎಂದು ಜಯ ಕರ್ನಾಟಕ ಸಂಘಟನೆಯ ಪದಾಧಿಕಾರಿಗಳು ಶುಕ್ರವಾರ ಕಾನೂನು ಸಚಿವ ಎಚ್.ಕೆ. ಪಾಟೀಲ ಹಾಗೂ ಜಿಲ್ಲಾಧಿಕಾರಿಗೆ ಮನವಿ ಸಲ್ಲಿಸಿದರು.

2024 ರ ಫೆ.9 ರಂದು ನಡೆದ ನಗರಸಭೆ ಸಾಮಾನ್ಯ ಸಭೆಯಲ್ಲಿ ಠರಾವು ಪಾಸಾಗಿದೆ ಎಂದು ನಕಲಿ ಠರಾವು ಸೃಷ್ಟಿಸಿ 2024 ರ ಜು.22 ರಂದು ವಕಾರ ಸಾಲಿನ ಎಲ್ಲ ಅನುಭೋದಾರರಿಗೆ ಕಬ್ಜಾ ನೀಡಲಾಗಿದೆ ಎಂದು ನಕಲಿ ಪತ್ರ ಸೃಷ್ಟಿಸಿ ವಿವಿಧೆಡೆ ಅಧಿಕಾರಿಗಳ ನಕಲಿ ಸಹಿ ಮಾಡಿದ್ದು ನಗರಸಭೆಗೆ ಹಾಗೂ ಸರ್ಕಾರಕ್ಕೆ ಮೋಸ ಮಾಡಿದ್ದಾರೆ.

ಈ ಸಂದರ್ಭದಲ್ಲಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಚಂದ್ರಕಾಂತ ಚವ್ಹಾಣ, ಭಾಷಾಸಾಬ್‌ ಮಲ್ಲಸಮುದ್ರ, ರಫೀಕ ತೋರಗಲ್ಲ, ರಮೇಶ ರಾಠೋಡ, ನಾಗರಾಜ ಕ್ಷತ್ರೀಯ, ಚಂದ್ರು ಖಾನಾಪೂರ, ಇಮಾಮ ಮಜ್ಜೂರ, ಮಂಜು ಕುರಬರ, ಹನಮಂತಗೌಡ ಪಾಟೀಲ, ದಾದು ಮುಂಡರಗಿ, ಸಾದಿಕ್ ನರಗುಂದ, ಮೇಘರಾಜ ಮೇಲ್ಮನಿ, ಹನಮಂತ ಹುಲಿಕಟ್ಟಿ, ರಫೀಕ ಟಪಾಲವಾಲೆ, ಕಾರ್ತಿಕ, ಕುಮಾರ ತಳವಾರ, ಸುನೀಲ ಪೂಜಾರ, ಅಕ್ಬರ, ಹಾಗೂ ಇತರರು ಉಪಸ್ಥಿತರಿದ್ದರು.