ಅಥಣಿ-ಶ್ರವಣಬೆಳಗೊಳ ಬಸ್ ಸಂಚಾರ ಕಲ್ಪಿಸಿ

ಕನ್ನಡಪ್ರಭ ವಾರ್ತೆ ಕಾಗವಾಡ

ಹಾಸನ ಜಿಲ್ಲೆಯ ಶ್ರೀಕ್ಷೇತ್ರ ಶ್ರವಣಬೆಳಗೊಳವು ವಿಶ್ವವಿಖ್ಯಾತ ಏಕ ಶಿಲೆಯಿಂದ ನಿರ್ಮಾಣವಾದ 58 ಅಡಿ ಎತ್ತರದ ಗೊಮ್ಮಟೇಶ್ವರ ಭಗವಾನ್ ಬಾಹುಬಲಿ ಸ್ವಾಮಿ ನೆಲೆಸಿರುವ ಧಾರ್ಮಿಕ ಹಾಗೂ ಪವಿತ್ರ ಜೈನ ಯಾತ್ರಾ ತಾಣವಾಗಿದೆ. ಸುಮಾರು 2300 ವರ್ಷಗಳ ಇತಿಹಾಸವಿರುವ ಶ್ರವಣಬೆಳಗೊಳದಲ್ಲಿ ಜೈನ ಬಸದಿಗಳು, ಗುಹೆಗಳು, ಸ್ಮಾರಕಗಳು ನಿಷಿಧಿ ಮಂಟಪಗಳು 550ಕ್ಕೂ ಶಿಲಾ ಶಾಸನಗಳು ಇರುತ್ತವೆ. ಶ್ರೀಕ್ಷೇತ್ರ ಶ್ರವಣಬೆಳಗೊಳಕ್ಕೆ ಹೋಗಿ ಬರಲು 2 ಬಸ್ ವ್ಯವಸ್ಥೆ ಮಾಡುವಂತೆ ಮನವಿ ಮಾಡಿದರು.ಜೈನ ಸಮುದಾಯದ ಮುಖಂಡರ ಮನವಿಯನ್ನು ವಾಯುವ್ಯ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಅಧ್ಯಕ್ಷರು ಹಾಗೂ ಕಾಗವಾಡ ಶಾಸಕ ರಾಜು ಕಾಗೆಯವರು ಮನವಿ ಸ್ವೀಕರಿಸಿ ಬೇಡಿಕೆ ಈಡೇರಿಕೆಗೆ ಭರವಸೆ ನೀಡಿದರು.ಈ ವೇಳೆ ಅಥಣಿ ಶಾಸಕ ಲಕ್ಷ್ಮಣ ಸವದಿ ಸೇರಿದಂತೆ ಮುಖಂಡರಾದ ಎ.ಸಿ.ಪಾಟೀಲ, ಶ್ರೀಕಾಂತ ಅಸ್ಕಿ, ನೇಮಿನಾಥ ಯಕ್ಸಂಬಿ, ಪ್ರದೀಪ ನಂದಗಾಂವೆ ಸೇರಿದಂತೆ ಅನೇಕರು ಇದ್ದರು.