ಪ್ರಾಮಾಣಿಕವಾಗಿ ಸೇವೆಯಿಂದ ಗೌರವ

ಮುಂಡಗೋಡ: ಜೀವನದಲ್ಲಿ ಎಷ್ಟೇ ಏರಿಳಿತ ಬರಬಹುದು. ಪ್ರಾಮಾಣಿಕವಾಗಿ ವೈದ್ಯಕೀಯ ಸೇವೆ ಸಲ್ಲಿಸಿದರೆ ಗೌರವ ಹಾಗೂ ಹಣ ಎರಡೂ ತಾನಾಗಿಯೇ ಬರುತ್ತದೆ ಎಂದು ಹಿರಿಯ ವೈದ್ಯ ಸುರೇಶ ದೇಸಾಯಿ ಹೇಳಿದರು.

ವೈದ್ಯಕೀಯ ವೃತ್ತಿ ಜನರ ಸೇವೆ ಮಾಡಲು ಸಿಕ್ಕ ಅವಕಾಶ. ಶ್ರದ್ಧೆ ಮತ್ತು ಆಸಕ್ತಿಯಿಂದ ಸೇವೆ ನೀಡಿದರೆ ನಮ್ಮ ನಿವೃತ್ತ ಕಾಲದಲ್ಲಿ ಹಣ ತಾನಾಗಿಯೇ ಬರುತ್ತದೆ. ಹಾಗಾಗಿ ಹಣದ ಹಿಂದೆ ಯಾರು ಕೂಡ ಹೋಗದೆ ಸೇವಾ ಮನೋಭಾವನೆ ಬೆಳೆಸಿಕೊಳ್ಳಬೇಕು ಎಂದರು.

ಡಾ.ಎಂ.ಸಿ.ಜಂಬಗಿ, ಡಾ.ಗಾಯತ್ರಿ ಹೆಗಡೆ, ಡಾ.ಭರತ ತಂತ್ರಿ ಮುಂತಾದವರು ಉಪಸ್ಥಿತರಿದ್ದರು. ಸಂಜೀವ ಗಲಗಲಿ ಪ್ರಾರ್ಥಿಸಿದರು. ಡಾ. ಭರತ ತಂತ್ರಿ ಸ್ವಾಗತಿಸಿದರು. ಡಾ. ಲಕ್ಷ್ಮೀ ಬಡಿಗೇರ ನಿರೂಪಿಸಿದರು. ನವೀನ ಬಡಿಗೇರ ಅತಿಥಿಗಳನ್ನು ಪರಿಚಯಿಸಿದರು. ಡಾ.ಪಿ. ಪಿ.ಛಬ್ಬಿ ವಂದಿಸಿದರು. ಡಾ. ಕಿರಣ ಹುಲಗೂರ ಹಾಗೂ ಸಂಗಡಿಗರಿಂದ ಕರೋಕೆ ಸಂಗೀತ ಸಂಜೆ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭದಲ್ಲಿ ಪತ್ರಕರ್ತ ಸಂತೋಷ ದೈವಜ್ಞ, ರಾಜಶೇಖರ ನಾಯ್ಕ ಹಾಗೂ ನಜೀರ್ ತಾಡಪತ್ರಿಯವರನ್ನು ಸನ್ಮಾನಿಸಲಾಯಿತು.