ರೋಣ ಸರ್ಕಾರಿ ಪಿಯು ಕಾಲೇಜಿಗೆ ಬೇಕಿದೆ ಕಾಯಕಲ್ಪ

ವಿಶೇಷ ವರದಿ

ಕೂಡಲೇ ಸಂಬಂಧಿಸಿದ ಇಲಾಖೆ ಅಧಿಕಾರಿಗಳು, ಸ್ಥಳೀಯ ಶಾಸಕರು ಗಮನ ಹರಿಸಿ, ಕಾಲೇಜಿಗೆ ಸೂಕ್ತ ಸೌಕರ್ಯ, ಅಗತ್ಯ ಕಾಯಕಲ್ಪ ‌ಕಲ್ಪಿಸಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ಪಟ್ಟಣದ ಸರ್ಕಾರಿ ಪಿಯು ಕಾಲೇಜು ಹಳೆಯ ಕಟ್ಟಡ ತೆರವಿಗೆ ಈಗಾಗಲೆ ಆದೇಶವಾಗಿದ್ದು, ವಿವೇಕ ಯೋಜನೆಯಡಿ ಕಾಲೇಜಿಗೆ ಮಂಜೂರಾಗಿದ್ದ 10 ಕೊಠಡಿಗಳ ಪೈಕಿ 4 ಕೊಠಡಿಗಳನ್ನು ಚಿಂಚಲಿ ಗ್ರಾಮದ ಪಿಯು ಕಾಲೇಜಿಗೆ ವರ್ಗಾಯಿಸಲಾಗಿದೆ. ರೋಣ ಪಿಯು ಕಾಲೇಜು ವಿದ್ಯಾರ್ಥಿಗಳಿಗೆ ಸ್ವತಃ ಸರ್ಕಾರವೆ ಅನ್ಯಾಯ ಮಾಡುತ್ತಿದೆ. ಸದ್ಯ ಎರಡು ನೂತನ ಕೊಠಡಿಗಳು ಮತ್ತು ಉಳಿದ ಶಿಥಿಲಾವಸ್ಥೆ ತಲುಪಿದ ಹಳೆಯ ಕೊಠಡಿಗಳಲ್ಲಿಯೆ ತರಗತಿಗಳು ನಡೆಯುತ್ತಿದ್ದು, ಪ್ರಾಚಾರ್ಯರ ಕೊಠಡಿ ಸಿಬ್ಬಂದಿ ಕೊಠಡಿ ಮತ್ತು ಕಾರ್ಯಾಲಯಗಳು ಸಹಿತ ಹಳೆಯ ಕೊಠಡಿಯಲ್ಲಿಯೆ ಕಾರ್ಯ ಮುಂದುವರಿಸಿದ್ದು, ಕಾಲೇಜು ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಜೀವ ಭಯದಿಂದಲೇ ದಿನಗಳೆಯುವಂತಾಗಿದೆ.

ಮೂರು ಕಾಲೇಜಗಳಿಗಿವೆ ಸಮಸ್ಯೆ ನೂರಾರು: ರೋಣ ಪಟ್ಟಣ ಹಾಗೂ ತಾಲೂಕಿನ ಹುಲ್ಕೂರ, ಹಿರೇಹಾಳದಲ್ಲಿನ ಸರ್ಕಾರಿ ಪದವಿಪೂರ್ವ ಕಾಲೇಜು ನೂರಾರು ಸಮಸ್ಯೆಗಳನ್ನು ಎದುರಿಸುತ್ತಿವೆ. ಈ ಕುರಿತು ಉಪನ್ಯಾಸಕರು ಸಾಕಷ್ಟು ಬಾರಿ ಮೇಲಧಿಕಾರಿಗಳ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನವಾಗಿಲ್ಲ.