ಚಿಂತಾಮಣಿ ನಗರಸಭೆಗೆ ₹78 ಲಕ್ಷ ಉಳಿತಾಯ ಬಜೆಟ್

ಕನ್ನಡಪ್ರಭ ವಾರ್ತೆ ಚಿಂತಾಮಣಿ

ನಗರಸಭೆ ಸಭಾಂಗಣದಲ್ಲಿ ಜಿಲ್ಲಾಧಿಕಾರಿ ರವೀಂದ್ರರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ೨೦೨೪-೨೫ ನೇ ಸಾಲಿಗೆ ೮೬ ಕೋಟಿ ೯೨ ಲಕ್ಷ ೫೧ ಸಾವಿರ ರೂಗಳ ಅಂದಾಜು ಆದಾಯ, ೮೬ ಕೋಟಿ ೧೪ ಲಕ್ಷ ೫೧ ಸಾವಿರ ರೂಗಳ ಅಂದಾಜು ಖರ್ಚು ಹಾಗೂ ೭೮ ಲಕ್ಷ ರೂಗಳ ಉಳಿತಾಯ ಬಜೆಟ್‌ನ್ನು ಮಂಡನೆ ಮಾಡಿದರು.

ಬಜೆಟ್ ಮಂಡನೆ ಸಭೆ ಆರಭವಾಗುತ್ತಿದ್ದಂತೆ ವಾರ್ಡನಂ ೧೮ ರ ನಗರಸಭಾ ಸದಸ್ಯ ಮಹಮದ್ ಶಫೀಕ್ ಮಾತನಾಡಿ ಸುಮಾರು ತಿಂಗಳುಗಳಿಂದ ಸಾಮಾನ್ಯಸಭೆ ನಡೆಯದೆ ಕಾರಣ ಸಾಕಷ್ಟು ಜ್ವಲಂತ ಸಮಸ್ಯೆಗಳು ತಾಂಡವವಾಡುತ್ತಿದ್ದು, ಇದರ ಬಗ್ಗೆ ಸುದೀರ್ಘ ಚರ್ಚೆಯಾಗಬೇಕೆಂದು ಜಿಲ್ಲಾಧಿಕಾರಿಗಳಲ್ಲಿ ಮನವಿ ಮಾಡಿದರು. ಜಿಲ್ಲಾಧಿಕಾರಿ ರವೀಂದ್ರ ಮಾತನಾಡಿ ಬಜೆಟ್‌ನ್ನು ಓದಿದ ನಂತರ ಎಲ್ಲಾ ನಗರಸಭಾ ಸದಸ್ಯರ ಕುಂದು ಕೊರತೆಗಳನ್ನು ಅಲ್ಲಿಸಲಾಗುವುದೆಂದ ತಿಳಿಸಿದರು.

ಇದಕ್ಕೆ ಉತ್ತರಿಸಿದ ಜಿಲ್ಲಾಧಿಕಾರಿ ರವೀಂದ್ರ ಈ ಕುರಿತು ಸರ್ಕಾರದ ಮಟ್ಟದಲ್ಲಿಚರ್ಚೆಆಗುತ್ತಿದೆ ಸರ್ಕಾರದ ಆದೇಶ ಬಂದ ತಕ್ಷಣ ಕ್ರಮ ಕೈಗೊಳ್ಳಲಾಗುವುದೆಂದರು.

ಮಹಮದ್ ಶಫೀಕ್ ಮಾತನಾಡಿ ಭಕ್ತರಹಳ್ಳಿ ಅರಸಿಕೆರೆ ನೀರನ್ನು ಮಾಜಿ ಶಾಸಕ ಜೆಕೆ ಕೃಷ್ಣಾರೆಡ್ಡಿ ನಗರಕ್ಕೆ ಭಾಗಕ್ಕೆ ತಂದರಾದರೂ ಆ ನೀರನ್ನು ಸರಿಯಾಗಿ ಸದ್ಭಳಕೆ ಮಾಡಿಕೊಳ್ಳದೆ ನಮ್ಮ ವಾರ್ಡ್‌ಗಳಿಗೆ ನೀರನ್ನು ಬೀಡದೇ ನೀರಿನ ಕೊರತೆ ಎದುರಾಗಿದ್ದು, ಭಕ್ತರಹಳ್ಳಿ ಅರಸಿಕೆರೆ ನೀರು ನಮ್ಮ ವಾರ್ಡಗಳಿಗೆ ಕೊಡಬೇಕೆಂದು ಒತ್ತಾಯಿಸಿದರು. ತೆರಿಗೆ ವಸೂಲಿ ಆಗುತ್ತಿಲ್ಲ

ಜಿಲ್ಲಾಧಿಕಾರಿ ರವೀಂದ್ರ ಮಾತನಾಡಿ ಬೇಸಿಗೆ ಆರಂಭವಾಗುತ್ತಿರುವುದರಿಂದ ಕುಡಿಯುವ ನೀರಿಗೆ ಸಮಸ್ಯೆ ಆಗದಂತೆ ಎಚ್ಚರವಹಿಸಬೇಕು, ಅನಧಿಕೃತ ಬಡಾವಣೆಗಳ ನಿರ್ಮಾಣಕ್ಕೆ ಕಡಿವಾಣ ಹಾಕಬೇಕು, ಸಮರ್ಪಕ ಬೀದಿ ದೀಪಗಳ ನಿರ್ವಹಣೆ ಗೆ ಕ್ರಮವಹಿಸಬೇಕು, ಹಾಗೂ ನಗರದಲ್ಲಿ ಯಾವುದೇ ರೀತಿಯ ಸಮಸ್ಯೆಗಳುಂಟಾಗದಂತೆ ಕ್ರಮವಹಿಸಬೇಕೆಂದು ಪೌರಾಯುಕ್ತ ಚಲಪತಿರವರಿಗೆ ಸೂಚನೆ ನೀಡಿದರು.