ಶರಣರ ವಚನಗಳು ಸಾಮರಸ್ಯದ ಪ್ರತೀಕ: ಶ್ರೀಧರ ಬಳಗಾರ

ಹಳಿಯಾಳ: ವಚನಗಳು ಸರ್ವಸಮಾನತೆ, ಸಾಮರಸ್ಯತೆಯ ಆಶಯವನ್ನು ಹೊಂದಿವೆ. ಕಲ್ಯಾಣ ರಾಜ್ಯದ ಪರಿಕಲ್ಪಣೆಯಲ್ಲಿ ವಚನಗಳನ್ನು ರಚಿಸಲಾಗಿದೆಯೇ ಹೊರತು ರಚನೆಯ ಗೀಳಿಗಾಗಿ ವಚನಗಳು ಸೃಷಿಯಾಗಲಿಲ್ಲ ಎಂದು ಸಾಹಿತಿ ಶ್ರೀಧರ ಬಳಗಾರ ತಿಳಿಸಿದರು.

ಯಾವುದೇ ವಚನಕಾರರು ವಚನಗಳನ್ನು ಹಾಗೆಯೇ ರಚಿಸಲಿಲ್ಲ. ಕಾವ್ಯಗಳ ಸುಂದರತೆಗಾಗಿ ಬರೆಯಲಿಲ್ಲ. ಕಾವ್ಯ ರಚನೆಯ ಮೂಲಕ ಕಲ್ಯಾಣ ರಾಜ್ಯ ನಿರ್ಮಾಣವಾಗಬೇಕು. ಕಲ್ಯಾಣ ರಾಜ್ಯ ಎಂಬುದು ಸರ್ವ ಜನಾಂಗದ ಶಾಂತಿಯ ತೋಟವಾಗಬೇಕು. ನಿಮಾರ್ಣಗೊಂಡ ರಾಜ್ಯವು ಸಾಂಸ್ಕೃತಿಕ ಅಂತಃಕರಣದಿಂದ ಕೂಡಿರಬೇಕು, ಯಾರೂ ಮೇಲೂ ಅಲ್ಲ, ಯಾರೂ ಕೀಳು ಅಲ್ಲ, ಸರ್ವರೂ ಸಮಾನರು ಎಂಬ ಆಶಯ ಉದೇಶವನ್ನು ವಚನಗಳು ಹೊಂದಿವೆ ಎಂದರು.

ಸಾಹಿತ್ಯ ಅಕಾಡೆಮಿಯ ಹಾಗೂ ಕನ್ನಡ ಸಲಹಾ ಮಂಡಳಿ ಸದಸ್ಯ ಚನ್ನಪ್ಪ ಅಂಗಡಿ ಅವರು ವಿಚಾರ ಸಂಕಿರಣದ ಬಗ್ಗೆ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಾಹಿತಿ ನಾಗರೇಖಾ ಗಾಂವಕರ ಅವರು ಕನ್ನಡ ಕಾವ್ಯದ ಈಚಿನ ಪ್ರವೃತ್ತಿಗಳು ವಿಷಯದ ಮೇಲೆ ಉಪನ್ಯಾಸ ನೀಡಿದರು.

ದ್ವಿತೀಯ ವರ್ಷದ ವಿದ್ಯಾಥಿರ್ನಿಯರಾದ ಗಾಯತ್ರಿ ಕಸಲಕರ ಹಾಗೂ ಸಂಗಡಿಗರು ಪ್ರಾಥಿರ್ಸಿದರು. ಕನ್ನಡ ವಿಭಾಗದ ಮುಖ್ಯಸ್ಥರಾದ ರಾಮಕೃಷ್ಣ ಗೌಡ, ಉಪನ್ಯಾಸಕ ಪ್ರಹ್ಲಾದ ಘಾಡಿ ಹಾಗೂ ಉಪನ್ಯಾಸಕಿ ಡಾ. ಅನ್ನಪೂರ್ಣ ಪಾಟೀಲ ನಿರೂಪಿಸಿದರು.