ಸಾಮಾಜಿಕ ಮಾಧ್ಯಮ ಒಳ್ಳೆಯದಕ್ಕೆ ಬಳಸಿದರೆ ವರ: ಡಾ. ಓಂಕಾರ ಕಾಕಡೆ

ಲಕ್ಷ್ಮೇಶ್ವರ: ಸಾಮಾಜಿಕ ಮಾಧ್ಯಮಗಳನ್ನು ಸರಿಯಾಗಿ ಉಪಯೋಗ ಮಾಡಿಕೊಂಡರೆ ವರವಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ. ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳದೇ ಹೋದಲ್ಲಿ ಶಾಪವಾಗುತ್ತದೆ ಎಂದು ವಿಜಯಪುರ ಮಹಿಳಾ ವಿವಿ ವಿಶ್ರಾಂತ ಹಂಗಾಮಿ ಕುಲಪತಿ ಡಾ. ಓಂಕಾರ ಕಾಕಡೆ ತಿಳಿಸಿದರು.

ಮುದ್ದುಮಕ್ಕಳ ಮುಖದಲ್ಲಿ ವಿಜ್ಞಾನಿಗಳು, ಬಾಹ್ಯಾಕಾಶ ವಿಜ್ಞಾನಿಗಳು, ರೈತರು, ವಿವಿಧ ಬಗೆಯ ವಸ್ತು ಪ್ರದರ್ಶನ ಏರ್ಪಡಿಸಲಾಗಿದ್ದು, ಸಂತೋಷದ ಸಂಗತಿಯಾಗಿದೆ. ವಿದ್ಯಾರ್ಥಿಗಳು ಉತ್ತಮ ಭವಿಷ್ಯ ರೂಪಿಸಿಕೊಳ್ಳಲು ಇಂದು ಶ್ರಮ ಪಡುವುದು ಅಗತ್ಯವಾಗಿದೆ. ಸಾಮಾಜಿಕ ಮಾಧ್ಯಮಗಳು ವರವೋ? ಶಾಪವೋ ಎನ್ನುವುದು ನಾವು ಬಳಸುವ ರೀತಿಯಲ್ಲಿದೆ. ನಾವು ಒಳ್ಳೆಯದಕ್ಕೆ ಬಳಸಿದರೆ ವರವಾಗುತ್ತದೆ. ಇಲ್ಲವಾದಲ್ಲಿ ಅದು ಶಾಪವಾಗುತ್ತದೆ. ಓದುವುದನ್ನು ಬಿಟ್ಟು ರೀಲ್ಸ್ ನೋಡಿದರೆ ಮೊಬೈಲ್‌ ಅಪಾಯಕಾರಿಯಾಗುತ್ತದೆ ಎಂದರು.

ಮಕ್ಕಳಲ್ಲಿನ ಪ್ರತಿಭೆಯನ್ನು ಹೊರ ತರುವುದು ಶಿಕ್ಷಕರು ಮತ್ತು ಪಾಲಕರು ಜವಾಬ್ದಾರಿಯಾಗಿದೆ. ಅವರಲ್ಲಿನ ಆಸಕ್ತಿಯ ವಿಷಯದ ಅರಿತು ಕಲಿಕೆಯಲ್ಲಿ ತೊಡಗಿಕೊಳ್ಳುವಂತೆ ಮಾಡಿದಲ್ಲಿ ಯಶಸ್ಸು ಕಾಣುತ್ತೇವೆ. ಸಂಸ್ಕಾರ, ಸಂಪ್ರದಾಯ ಕಲಿಸುವುದು ಅಗತ್ಯ. ನಮ್ಮ ಸಂಸ್ಕೃತಿ ಸಂಪ್ರದಾಯ ಉಳಿಸುವ ನಿಟ್ಟಿನಲ್ಲಿ ನಾವು ಪ್ರಯತ್ನಿಸುವುದು ಅಗತ್ಯ. ಸಾಮಾಜಿಕ ಮೌಲ್ಯಗಳನ್ನು ಮಕ್ಕಳಿಗೆ ಕಲಿಸುವುದು ಉತ್ತಮ ಎಂದರು.