ಪ್ರಖ್ಯಾತ ಹಾಸ್ಪಿಟಲ್‌ ವಿರುದ್ಧ ತನಿಖೆಗೆ ಕೇಂದ್ರಕ್ಕೆ ರಾಜ್ಯ ಪತ್ರ । ಎಚ್‌ಸಿಜಿ ಕ್ಯಾನ್ಸರ್‌ ಆಸ್ಪತ್ರೇಲಿ ಆಘಾತಕಾರಿ ಕ್ಲಿನಿಕಲ್‌ ಟ್ರಯಲ್‌ ಹಗರಣದ ಬೃಹತ್‌ ಬಿರುಗಾಳಿ!

- ಎಥಿಕ್ಸ್‌ ಕಮಿಟಿಯಿಂದ ನ್ಯಾ। ಕೃಷ್ಣ ಭಟ್‌ ಹಠಾತ್‌ ರಾಜೀನಾಮೆ- ಸಿಇಒ, ಹಲವಾರು ವೈದ್ಯರು ಕೂಡ ನಿಗೂಢವಾಗಿ ಪದತ್ಯಾಗ- ಸಂಸ್ಥೆಯ ಅಧ್ಯಕ್ಷರ ಅಮೆರಿಕ ಹಗರಣವೂ ಇದೀಗ ಬಯಲಿಗೆ

ಕ್ಲಿನಿಕಲ್‌ ಟ್ರಯಲ್ ವೇಳೆ

ಮಾಡಿರುವ ಆರೋಪ

--

ಹೆಚ್ಚು ಆಘಾತಕಾರಿ

ಲಾಭ ಹೆಚ್ಚಳ ಉದ್ದೇಶದಿಂದ ಹೆಚ್ಚು ಹೆಚ್ಚು ಆಘಾತಕಾರಿ ಕ್ಲಿನಿಕಲ್‌ ಟ್ರಯಲ್‌ಗಳನ್ನು ಆಸ್ಪತ್ರೆ ನಡೆಸುತ್ತಿತ್ತು. ಲಾಭ ಹೆಚ್ಚಳ ಉದ್ದೇಶಕ್ಕಾಗಿ ಕ್ಲಿನಿಕಲ್‌ ಟ್ರಯಲ್‌ಗೆ ರೋಗಿಗಳ ಸೇರ್ಪಡೆ ವಿಚಾರದಲ್ಲಿ ಹೆಚ್ಚು ವಿನಾಯಿತಿ ನೀಡುತ್ತಿತ್ತು ಎಂಬ ಆರೋಪವೂ ಇದೆ.

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಈ ವಿಷಯವಾಗಿ ಕಠಿಣ ಶಬ್ದಗಳನ್ನು ಬಳಸಿ ಪತ್ರ ಮುಖೇನ ಹಾಗೂ ಖುದ್ದು ಹಲವು ಬಾರಿ ಆಸ್ಪತ್ರೆಯ ಆಡಳಿತ ಮಂಡಳಿ ಗಮನಕ್ಕೆ ತಂದು ಸರಿಪಡಿಸುವ ಕೆಲಸ ಮಾಡಲು ಯತ್ನಿಸಿದರೂ, ಆಸ್ಪತ್ರೆಯಲ್ಲಿ ಆ ವಿಚಾರವನ್ನೇ ಮುಚ್ಚಿ ಹಾಕುವ ಪ್ರಯತ್ನ ನಡೆದಿದೆ ಎನ್ನಲಾಗಿದೆ. ಇದರಿಂದ ಬೇಸತ್ತು ನ್ಯಾ। ಪಿ. ಕೃಷ್ಣಭಟ್‌ ಅವರು ನೈತಿಕ ಸಮಿತಿ ಮುಖ್ಯಸ್ಥ ಹುದ್ದೆಗೇ ರಾಜೀನಾಮೆ ನೀಡಿದ್ದಾರೆ. ಗಂಭೀರ ಆರೋಪಗಳ ಬೆನ್ನಲ್ಲೇ ಆಸ್ಪತ್ರೆಯ ಸಿಇಒ, ನಿರ್ದೇಶಕರು ಪದತ್ಯಾಗ ಮಾಡಿದ್ದಾರೆ. ಸಾಲು ಸಾಲಾಗಿ ವೈದ್ಯರು ಕೂಡ ರಾಜೀನಾಮೆ ಸಲ್ಲಿಸಿದ್ದಾರೆ ಎನ್ನಲಾಗಿದೆ. ಈ ಮಧ್ಯೆ ಪರಿಸ್ಥಿತಿಯ ಗಂಭೀರತೆ ಅರಿತ ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆಗಳ ಆಯುಕ್ತಾಲಯವು ಕೇಂದ್ರೀಯ ಔಷಧ ಗುಣಮಟ್ಟ ನಿಯಂತ್ರಣ ಸಂಸ್ಥೆ (ಸಿಡಿಎಸ್‌ಸಿಒ) ಅಧೀನದ ಭಾರತೀಯ ಔಷಧ ನಿರ್ದೇಶನಾಲಯಕ್ಕೆ ಪತ್ರ ಬರೆದಿದೆ. ಎಚ್‌ಸಿಜಿ ಆಸ್ಪತ್ರೆಯಲ್ಲಿನ ನ್ಯಾಯೋಚಿತವಲ್ಲದ ಕ್ಲಿನಿಕಲ್‌ ಟ್ರಯಲ್‌ ಚಟುವಟಿಕೆಗಳ ಕುರಿತು ಕೂಡಲೇ ತನಿಖೆ ನಡೆಸುವಂತೆ ಮನವಿ ಮಾಡಿದೆ.

ಎಚ್‌ಸಿಜಿ ಆಸ್ಪತ್ರೆಯಲ್ಲಿನ ಕರ್ಮಕಾಂಡ ಶುರುವಾಗಿದ್ದು, ಆಸ್ಪತ್ರೆಯ ನೈತಿಕ ಸಮಿತಿ ಮುಖ್ಯಸ್ಥರಾಗಿದ್ದ ನ್ಯಾ। ಪಿ. ಕೃಷ್ಣಭಟ್‌ ಅವರು ಬರೆದ ಹರಿತ ಶಬ್ದಗಳ ಪತ್ರದೊಂದಿಗೆ. ಕ್ಲಿನಿಕಲ್‌ ಟ್ರಯಲ್‌ ನಿರ್ವಹಣೆ ಹಾಗೂ ಅದರಲ್ಲಿ ಕ್ಲಿನಿಕಲ್‌ ಟ್ರಯಲ್ಸ್‌ ನಿರ್ದೇಶಕ ಡಾ। ಸತೀಶ್‌ ಪಾತ್ರದ ಬಗ್ಗೆ ಗಂಭೀರ ಕಳವಳಗಳನ್ನು ವ್ಯಕ್ತಪಡಿಸಿ ಎಚ್‌ಸಿಜಿ ಆಡಳಿತ ಮಂಡಳಿಗೆ ನ್ಯಾ। ಭಟ್‌ ಪತ್ರ ಬರೆದು ಎಚ್ಚರಿಕೆ ನೀಡಿದ್ದರು.

ಕ್ಲಿನಿಕಲ್‌ ಟ್ರಯಲ್‌ ವೇಳೆ ಸಂಭವಿಸುವ ರೋಗಿಗಳ ಸಾವನ್ನು ವರದಿ ಮಾಡುವ ವಿಚಾರದಲ್ಲಿ ಮಾರ್ಗಸೂಚಿಗಳಿಗೆ ಆಸ್ಪತ್ರೆ ಬದ್ಧವಾಗಿಲ್ಲ. ಇದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ)ಯ ಸೂಚನೆಗೆ ವಿರುದ್ಧ ಎಂದು ನ್ಯಾ। ಭಟ್‌ ಎತ್ತಿ ತೋರಿಸಿದ್ದರು. ಇಂತಹ ನಿಯಮ ಉಲ್ಲಂಘನೆಗಳು ಆಸ್ಪತ್ರೆಯ ಪ್ರತಿಷ್ಠೆಗೆ ಕುಂದು ತರುತ್ತವೆ, ಔಷಧ ಕಂಪನಿಗಳು ಸಹಯೋಗದಿಂದ ಹಿಂದೆ ಸರಿಯಬಹುದು ಎಂದು ಎಚ್ಚರಿಸಿದ್ದರು.ನ್ಯಾ। ಭಟ್‌ ಸಲಹೆಗೆ ಆಂತರಿಕ ವಿರೋಧ:

ನ್ಯಾ। ಭಟ್‌ ಅವರ ಸ್ಫೋಟಕ ವರದಿ ಬೆನ್ನಲ್ಲೇ ಆಸ್ಪತ್ರೆಯ ಉನ್ನತ ಆಡಳಿತ ಮಂಡಳಿಯಲ್ಲಿ ಕಂಪನವಾಯಿತು. ಸಿಇಒ ರಾಜ್‌ ಗೋರೆ ಹಾಗೂ ವೈದ್ಯಕೀಯ ವ್ಯವಹಾರಗಳ ನಿರ್ದೇಶಕ ಡಾ। ಹರೀಶ್‌ ರೆಡ್ಡಿ ಇಬ್ಬರೂ ರಾಜೀನಾಮೆ ನೀಡಿದ್ದಾರೆ ಎನ್ನಲಾಗಿದೆ. ಈ ವಿವಾದಗಳ ಹಿನ್ನೆಲೆಯಲ್ಲಿ ಬದಲಾವಣೆ ತರಲು ಆಗುತ್ತಿಲ್ಲ ಎಂದು ಅಸಹಾಯಕತೆ ವ್ಯಕ್ತಪಡಿಸಿ ನೈತಿಕ ಸಮಿತಿ ಮುಖ್ಯಸ್ಥ ಸ್ಥಾನವನ್ನು ನ್ಯಾ। ಭಟ್‌ ಕೂಡ ತ್ಯಜಿಸಿದ್ದಾರೆ. ಇದಾದ ಬಳಿಕ ಕನಿಷ್ಠ ಆರು ವೈದ್ಯರನ್ನು ಆಸ್ಪತ್ರೆಯನ್ನು ಬಿಟ್ಟು ಹೋಗಿದ್ದಾರೆ ಆಸ್ಪತ್ರೆಯ ಮೂಲಗಳು ತಿಳಿಸಿವೆ.

ಹಿತಾಸಕ್ತಿಯ ಸಂಘರ್ಷ ಹಾಗೂ ರೋಗಿಗಳ ನೋಂದಣಿ ಸೇರಿದಂತೆ ಕ್ಲಿನಿಕಲ್‌ ಟ್ರಯಲ್‌ ನಡೆಸುವ ವಿಷಯವಾಗಿ ಎಚ್‌ಸಿಜಿ ಆಸ್ಪತ್ರೆಯಲ್ಲಿ ರೋಗಿಗಳ ಸುರಕ್ಷತೆ, ನಿಯಂತ್ರಣ ಕ್ರಮಗಳ ಪಾಲನೆ ಹಾಗೂ ಸಾಂಸ್ಥಿಕ ಸಮಗ್ರತೆ ಕುರಿತು ಹಲವಾರು ಕಳವಳಗಳು ಎದ್ದಿವೆ. ಆಸ್ಪತ್ರೆಯ ಎಥಿಕ್ಸ್‌ ಕಮಿಟಿಯ ಮುಖ್ಯಸ್ಥರೇ ಈ ಕಳವಳಗಳನ್ನು ಎತ್ತಿದ್ದು, ಬಳಿಕ ರಾಜೀನಾಮೆ ನೀಡಿದ್ದಾರೆ. ಒಂದು ವೇಳೆ ಈ ಲೋಪಗಳು ಸಾಬೀತಾದರೆ ಕ್ಲಿನಿಕಲ್‌ ಟ್ರಯಲ್‌ನಲ್ಲಿ ರೋಗಿಗಳ ಸುರಕ್ಷತೆ ಹಾಗೂ ನೈತಿಕ ನಡೆ ಸಂಬಂಧ ಡಬ್ಲ್ಯುಎಚ್‌ಒ, ಐಸಿಎಂಆರ್‌ನಂತಹ ಸಂಸ್ಥೆಗಳು ರೂಪಿಸಿರುವ ಶ್ರೇಷ್ಠ ಗುಣಮಟ್ಟವನ್ನೇ ಕಡೆಗಣಿಸಿದಂತಾಗುತ್ತದೆ. ಈ ವಿಚಾರ ಗಂಭೀರತೆಯಿಂದ ಕೂಡಿರುವ ಕಾರಣ, ಬೆಂಗಳೂರಿನ ಎಚ್‌ಸಿಜಿ ಆಸ್ಪತ್ರೆ ವಿರುದ್ಧದ ಆರೋಪಗಳ ಕುರಿತು ತನಿಖೆ ನಡೆಸಬೇಕು ಎಂದು ಕೋರಲಾಗಿದೆ.

ಹಗರಣವೂ ಇದೀಗ ಬಯಲಿಗೆ

ಅಯೋವಾದ ಬಲಿಂಗ್ಟನ್‌ನಲ್ಲಿ ಕ್ಯಾನ್ಸರ್‌ ವೈದ್ಯರಾಗಿ ಸೇವೆ ಸಲ್ಲಿಸುತ್ತಿದ್ದ ಸಂದರ್ಭದಲ್ಲಿ ಸೆಟಲ್‌ಮೆಂಟ್‌ ಒಪ್ಪಂದವನ್ನು ಮಾಡಿಕೊಂಡಿದ್ದರು ಎಂದು ಅಯೋವಾ ವೈದ್ಯರ ಮಂಡಳಿಯ ದಾಖಲೆಗಳು ತಿಳಿಸುತ್ತವೆ. ವೃತ್ತಿ ಅಸಮರ್ಥತೆ, ಸಾರ್ವಜನಿಕ ಆರೋಗ್ಯಕ್ಕೆ ಪ್ರತಿಕೂಲ ಪರಿಣಾಮ ಬೀರುವ ಕ್ರಮ ಕುರಿತು ಅವರ ವಿರುದ್ಧ ಆರೋಪ ಹೊರಿಸಲಾಗಿತ್ತು ಎಂದು ವರದಿಗಳು ತಿಳಿಸಿವೆ.

- ಅತ್ಯಂತ ಆಕ್ರಮಣಕಾರಿ ವಿಧಾನದಲ್ಲಿ ಕ್ಯಾನ್ಸರ್‌ ಚಿಕಿತ್ಸೆ

- ಮಾರಣಾಂತಿಕವಾಗುವ ರೀತಿಯಲ್ಲಿ ವಿಪರೀತ ಪ್ರಮಾಣದಲ್ಲಿ ದೀರ್ಘಾವಧಿಗೆ ಔಷಧ ಬಳಕೆ

--

- ಷೇರುಪೇಟೆಗೆ ಯಾವುದೇ ಮಾಹಿತಿ ನೀಡದ ಸಂಸ್ಥೆ

ಸೆಬಿ ನಿಯಮಗಳ ಪ್ರಕಾರ, ಲಿಸ್ಟ್‌ ಆಗಿರುವ ಕಂಪನಿ ಹೂಡಿಕೆದಾರರ ನಿರ್ಧಾರದ ಮೇಲೆ ಪರಿಣಾಮ ಬೀರುವ ಯಾವುದೇ ಘಟನೆ ಅಥವಾ ಮಾಹಿತಿಯನ್ನು ಷೇರುಪೇಟೆ ಜತೆ ಹಂಚಿಕೊಳ್ಳಬೇಕು. ಆದರೆ ಸಿಇಒ, ವೈದ್ಯಕೀಯ ನಿರ್ದೇಶಕರು, ನೈತಿಕ ಸಮಿತಿ ಮುಖ್ಯಸ್ಥರ ರಾಜೀನಾಮೆ, ಹಗರಣ ರೀತಿಯ ಕ್ಲಿನಿಕಲ್‌ ಟ್ರಯಲ್‌ ಚಟುವಟಿಕೆ ಕುರಿತು ನೈತಿಕ ಸಮಿತಿ ಆರೋಪ ಸೇರಿ ಯಾವ ಮಾಹಿತಿಯನ್ನೂ ಎಚ್‌ಸಿಜಿ ಸಂಸ್ಥೆ ಷೇರುಪೇಟೆಗೆ ತಿಳಿಸಿಲ್ಲ. ಇದರಿಂದಾಗಿ ಕಾರ್ಪೋರೆಟ್‌ ಆಡಳಿತ ನಿಯಮಗಳಿಗೆ ಎಚ್‌ಸಿಜಿ ಯಾವ ರೀತಿ ಬದ್ಧವಾಗಿದೆ ಎಂಬ ಪ್ರಶ್ನೆ ಎದುರಾಗಿದೆ. ಈ ವಿಚಾರವಾಗಿ ಸೆಬಿ ಪರಿಶೀಲನೆ ನಡೆಸಿದರೆ ಕಾನೂನು, ಇನ್ನಿತರೆ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ ಎಂದು ಹೇಳಲಾಗಿದೆ.

ಗಂಭೀರ ವಿಚಾರ,

ನಾವು ನೋಡಿರುವ ಹಾಗೂ ಸ್ವೀಕರಿಸಿರುವ ವರದಿಗಳ ಆಧಾರದ ಮೇಲೆ ಇದೊಂದು ಗಂಭೀರ ವಿಚಾರ ಎಂಬುದು ತಿಳಿಯಿತು. ಈ ವಿಷಯವನ್ನು ಎಚ್‌ಸಿಜಿ ಆಸ್ಪತ್ರೆಯ ಎಥಿಕ್ಸ್‌ ಕಮಿಟಿಯ ಮುಖ್ಯಸ್ಥರಾದ ನ್ಯಾ। ಕೃಷ್ಣಭಟ್‌ ಅವರೇ ಬಹಿರಂಗಪಡಿಸಿದ್ದಾರೆ. ಈಗಾಗಲೇ ನಮ್ಮ ಆಯುಕ್ತರು ಭಾರತೀಯ ಔಷಧ ಮಹಾ ನಿಯಂತ್ರಕರಿಗೆ ಪತ್ರ ಬರೆದಿದ್ದು, ಈ ವಿಚಾರವಾಗಿ ಗಮನಹರಿಸಿ ತನಿಖೆ ನಡೆಸುವಂತೆ ಮನವಿ ಮಾಡಿದ್ದಾರೆ. ಏಕೆಂದರೆ ಈ ವಿಚಾರ ಕ್ಲಿನಿಕಲ್‌ ಟ್ರಯಲ್‌ ಮೇಲೆ ಗಂಭೀರ ಪರಿಣಾಮಗಳನ್ನು ಹೊಂದಿದೆ. ಸತ್ಯ ಏನೆಂಬುದನ್ನು ಸಂಬಂಧಿಸಿದ ಸಂಸ್ಥೆಯೇ ತನಿಖೆ ನಡೆಸಬೇಕಾಗುತ್ತದೆ. ಆಸ್ಪತ್ರೆಯ ಮುಖ್ಯಸ್ಥ ಅಜಯ್‌ಕುಮಾರ್‌ ಅವರ ಅಮೆರಿಕ ಘಟನೆ ಬಗ್ಗೆ ನಮಗೆ ಮಾಹಿತಿ ಇಲ್ಲ. ಮಾಹಿತಿ ಬಂದರೆ ಪರಿಶೀಲಿಸುತ್ತೇವೆ. ಎಚ್‌ಸಿಜಿ ಆಸ್ಪತ್ರೆ ಅತ್ಯಂತ ಪ್ರತಿಷ್ಠಿತ ಆಸ್ಪತ್ರೆಯಾಗಿದ್ದು, ಸಾಕಷ್ಟು ರೋಗಿಗಳು ಹೋಗುತ್ತಾರೆ. ಅಲ್ಲಿ ಅಕ್ರಮವಾಗಿದ್ದರೆ ನಾವು ನಿಶ್ಚಿತವಾಗಿಯೂ ಕ್ರಮ ತೆಗೆದುಕೊಳ್ಳುತ್ತೇವೆ.

--

ಅನೈತಿಕ ಕ್ಲಿನಿಕಲ್‌ ಟ್ರಯಲ್‌ ಗಾಳ

ಗುಣಮಟ್ಟದ ಕ್ಯಾನ್ಸರ್ ಚಿಕಿತ್ಸೆ ಪಡೆಯುವಷ್ಟು ಆರ್ಥಿಕವಾಗಿ ಸಬಲರಲ್ಲದ ರೋಗಿಗಳು ನಿಮಗೆ ಕಂಡುಬಂದರೆ ಕ್ಲಿನಿಕಲ್‌ ಟ್ರಯಲ್‌ಗೆ ಶಿಫಾರಸು ಮಾಡಿ ಎಂದು ಎಚ್‌ಸಿಜಿ ಆಸ್ಪತ್ರೆಯ ಕ್ಲಿನಿಕಲ್‌ ಟ್ರಯಲ್ಸ್‌ ನಿರ್ದೇಶಕ ಡಾ। ಸತೀಶ್‌ ಅವರು 2025ರಲ್ಲಿ ‘ಬೆಂಗಳೂರು ಆಂಕಾಲಜಿ ಗ್ರೂಪ್‌’ ಎಂಬ ವಾಟ್ಸಾಪ್‌ ಗ್ರೂಪ್‌ನಲ್ಲಿ ಸಂದೇಶ ಕಳುಹಿಸಿದ್ದರು. ಇದಕ್ಕೆ ಅದೇ ಗ್ರೂಪ್‌ನಲ್ಲಿದ್ದ ಕ್ಯಾನ್ಸರ್ ವೈದ್ಯರು ತೀಕ್ಷ್ಣ ತಿರುಗೇಟು ಕೊಟ್ಟಿದ್ದರು. ಸಾಮಾಜಿಕ ಆರ್ಥಿಕ ಸ್ಥಿತಿಯನ್ನು ಆಧರಿಸಿ ಕ್ಲಿನಿಕಲ್‌ ಟ್ರಯಲ್‌ಗೆ ರೋಗಿಗಳನ್ನು ಆಯ್ಕೆ ಮಾಡುವುದು ನೈತಿಕತೆ ವಿರೋಧ ಎಂದು ಪದ್ಮಶ್ರೀ ಪುರಸ್ಕೃ ಡಾ। ಕೆ.ಎಸ್‌. ಗೋಪಿನಾಥ್‌ ಅವರೇ ಕಿಡಿಕಾರಿದ್ದರು. ವೈದ್ಯರ ತಪರಾಕಿ ಬಳಿಕ ಡಾ। ಸತೀಶ್‌ ಅವರು ಕ್ಷಮೆ ಕೇಳಿದ್ದರು.