ದುಶ್ಚಟಗಳಿಂದ ದೂರವಿರಿ: ಕರುಣೇಶ್ವರ ಶ್ರೀ

ಕನ್ನಡಪ್ರಭ ವಾರ್ತೆ ಯಾದಗಿರಿ

ವಡಗೇರಾ ತಾಲೂಕಿನ ಸುಕ್ಷೇತ್ರ ಕೃಷ್ಣವೇಣಿ ಭೀಮಾ ಸಂಗಮದಲ್ಲಿ ಸಂಗಮೇಶ್ವರ ಜಾತ್ರಾ ಮಹೋತ್ಸವದ ನಿಮಿತ್ತ ರೋಟರಿ ಕ್ಲಬ್ ಶಕ್ತಿನಗರ ಹಾಗೂ ಸಂಗಮೇಶ್ವರ ಜಾತ್ರಾ ಮಹೋತ್ಸವ ಸಮಿತಿ ಸಹಯೋಗದಲ್ಲಿ ನಡೆದ ಉಚಿತ ಆರೋಗ್ಯ ತಪಾಸಣಾ ಶಿಬಿರ ಉದ್ಘಾಟಿಸಿ ಮಾತನಾಡಿದರು. ಆರೋಗ್ಯ ಸಂಪತ್ತು ಇದ್ದಂತೆ. ಅದನ್ನು ಜೋಪಾನವಾಗಿ ಕಾಪಾಡಿಕೊಳ್ಳಬೇಕು. ಸಿರಿಧಾನ್ಯದ ಆಹಾರಗಳು ಹಣ್ಣು-ಹಂಪಲು, ತರಕಾರಿ ಹೆಚ್ಚಾಗಿ ಸೇವಿಸಬೇಕು. ರೋಟರಿ ಕ್ಲಬ್ ಕಾರ್ಯ ನಿಜವಾಗಲೂ ಶ್ಲಾಘನೀಯ ಎಂದರು.

ರೋಟರಿ ಕ್ಲಬ್ ಕಾರ್ಯದರ್ಶಿ ಡಾ.ಮಲ್ಲಿಕಾರ್ಜುನಯ್ಯ ಸಗರ ಮಾತನಾಡಿ, ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು. ಒಂದು ವೇಳೆ ಆರೋಗ್ಯದ ಸಮಸ್ಯೆ ಕಂಡುಬಂದಲ್ಲಿ ತಕ್ಷಣ ವೈದ್ಯರ ಸಲಹೆ ಪಡೆದು ಚಿಕಿತ್ಸೆ ಪಡೆದುಕೊಳ್ಳಬೇಕು ಎಂದು ಹೇಳಿದರು. ಪ್ರಕಾಶ್ ಸ್ವಾಮಿ ದೇವಸಗೂರು, ಡಾ. ಆಂಜನೇಯ ಕಟ್ಟಿಮನಿ, ಆದೇಶ ಗುಮ್ಮಡ, ಸುನಿಲ್ ವೈಷ್ಣವ್, ಸಂಜೀವ ಪಡೀಸ್, ಸುಬ್ರಹ್ಮಣ್ಯ, ಡಾ. ಗುರುರಾಜ್, ಮಹೇಶ್ ಪಾಟೀಲ್, ನರಸಪ್ಪ, ಶಶಿಕಾಂತ್ ಪಡಶೆಟ್ಟಿ, ಬಸವರಾಜ್ ದೊಡ್ಡಿ, ಶರಣಪ್ಪ ಕೊಟ್ರಪ್ಪನೂರ, ಶರಣಬಸವ, ಈಶಪ್ಪಗೌಡ ಅಗ್ನಿಹಾಳ, ಸೈದಪ್ಪ ರಾಮದುರ್ಗ ಇತರರಿದ್ದರು.