ಎಫ್‌ಎಸ್‌ಎಲ್‌ ವರದಿ ಬರುವ ವರೆಗೆ ಧರ್ಮಸ್ಥಳ ಗ್ರಾಮದಲ್ಲಿ ಅಗೆತಕ್ಕೆ ಬ್ರೇಕ್‌

- ವಿಧಾನಸಭೆಯಲ್ಲಿ ಗೃಹ ಸಚಿವ ಡಾ.ಪರಮೇಶ್ವರ್‌ ಮಾಹಿತಿ

ಪರಮೇಶ್ವರ್‌ ಹೇಳಿದ್ದೇನು?

- ಅಜ್ಞಾತ ವ್ಯಕ್ತಿಯಿಂದ ಧರ್ಮಸ್ಥಳ ಠಾಣೆಯಲ್ಲಿ ದೂರು ದಾಖಲಾಗಿತ್ತು

- ಎಸ್‌ಐಟಿ ಯಾವುದೇ ಒತ್ತಡಕ್ಕೊಳಗಾಗದೆ ತನಿಖೆ ನಡೆಸುತ್ತಿದೆ

- ಈವರೆಗೂ ತನಿಖಾ ವರದಿ ಬಂದಿಲ್ಲ, ಅಲ್ಲಿವರೆಗೆ ಅಗೆತ ಸ್ಥಗಿತ

- ತನಿಖೆ ಸರಿಯಾಗಿ ಆಗಬೇಕು. ಸತ್ಯಾಂಶ ಹೊರಗೆ ಬರಬೇಕು

- ಧರ್ಮಸ್ಥಳ ಗ್ರಾಮ ಪ್ರಕರಣ ಬಗ್ಗೆ ಗೃಹ ಸಚಿವರಿಂದ ಉತ್ತರ

ವಿಧಾನಸಭೆಯಲ್ಲಿ ಧರ್ಮಸ್ಥಳ

ಬೆಂಗಳೂರು: ವಿಧಾನಸಭೆಯಲ್ಲಿ ಸೋಮವಾರ ಧರ್ಮಸ್ಥಳ ಗ್ರಾಮದಲ್ಲಿ ನೂರಾರು ಶವ ಹೂತ ಪ್ರಕರಣ ಹಾಗೂ ಈ ಕುರಿತು ನಡೆದಿರುವ ಎಸ್‌ಐಟಿ ತನಿಖೆ ಭಾರಿ ಚರ್ಚೆ ಹಾಗೂ ವಾಕ್ಸಮರಕ್ಕೆ ಕಾರಣವಾಯಿತು. ಸ್ಥಳದ ಪಾವಿತ್ರ್ಯತೆ ಕಾಪಾಡುವ ಬಗ್ಗೆ ಹಾಗೂ ಪ್ರಕರಣದಲ್ಲಿ ನ್ಯಾಯ ಒದಗಿಸುವ ಬಗ್ಗೆ ಆಡಳಿತ-ಪ್ರತಿಪಕ್ಷಗಳ ಸದಸ್ಯರು ಇಡೀ ದಿನ ಚರ್ಚೆ ನಡೆಸಿದರು.

ಮಾರ್ಕ್‌ ಮೈ ವರ್ಡ್‌

- ಡಾ। ಜಿ. ಪರಮೇಶ್ವರ್‌, ಗೃಹ ಸಚಿವ

ಕನ್ನಡಪ್ರಭ ವಾರ್ತೆ ವಿಧಾನಸಭೆ

ವಿಧಾನಸಭೆಯಲ್ಲಿ ಧರ್ಮಸ್ಥಳ ಗ್ರಾಮ ಪ್ರಕರಣ ಕುರಿತು ನಡೆದ ಚರ್ಚೆಗೆ ಸೋಮವಾರ ಸುದೀರ್ಘವಾಗಿ ಉತ್ತರಿಸಿದ ಅವರು, ’ಎಸ್ಐಟಿ ಯಾರದೇ ಒತ್ತಡಕ್ಕೆ ಮಣಿಯದೆ ಬಹಳ ಗಂಭೀರ ಮತ್ತು ಪಾರದರ್ಶಕವಾಗಿ ತನಿಖೆ ನಡೆಸುತ್ತಿದೆ. ಧರ್ಮಸ್ಥಳದಲ್ಲಿನ್ನು ಎಷ್ಟು ಕಡೆ ಅಗೆಯಬೇಕು, ತನಿಖೆ ಮುಂದಕ್ಕೆ ಹೋಗಬೇಕಾ ಅಥವಾ ಬೇಡವಾ ಎಂಬುದನ್ನು ಎಸ್‌ಐಟಿ ತೀರ್ಮಾನಿಸಲಿದೆ. ಈವರೆಗೆ ಸಿಕ್ಕಿರುವ ಅಸ್ಥಿಪಂಜರ, ಮೂಳೆಗಳು, ಮಣ್ಣಿನ ಮಾದರಿಯನ್ನು ಎಫ್‌ಎಸ್‌ಎಲ್‌ಗೆ ಕಳುಹಿಸಿದ್ದಾರೆ. ಆ ವರದಿ ಇನ್ನೂ ಬಂದಿಲ್ಲ. ಹೀಗಾಗಿ ವರದಿ ಬರುವವರೆಗೂ ಈ ವಿಚಾರದಲ್ಲಿ ಮುಂದಕ್ಕೆ ಹೋಗದಿರಲು ಎಸ್‌ಐಟಿ ತೀರ್ಮಾನಿಸಿದೆ’ ಎಂದು ತಿಳಿಸಿದರು.

ಒತ್ತಡಕ್ಕೆ ಮಣಿದಿಲ್ಲ:

ನ್ಯಾಯಾಲಯದಿಂದ ತನಿಖೆಗೆ ಆದೇಶ:

ಮಹಿಳಾ ಆಯೋಗ ಪತ್ರದ ಮೇರೆಗೆ ಎಸ್‌ಐಟಿ ರಚನೆ:

2 ಕಡೆ ಮೂಳೆಗಳು ಪತ್ತೆ:

ಕಾನೂನು ಪ್ರಕಾರ ಅನಾಮಿಕ ವ್ಯಕ್ತಿಗೆ ರಕ್ಷಣೆ:

ವಿಪಕ್ಷ ಏಕಾಏಕಿ ಗಂಭೀರ ಏಕೆ?:

ಸುಳ್ಳಾದರೆ ಕ್ಷೇತ್ರದ ಗೌರವ ಮತ್ತಷ್ಟು ಹೆಚ್ಚಳ:

ಇದರಲ್ಲಿ ರಾಜಕೀಯ ಬೆರೆಸುವುದು, ಧರ್ಮದ ಹೆಸರಿನಲ್ಲಿ ಗದ್ದಲ ಮಾಡುವುದು ಸರಿಯಲ್ಲ. ಸತ್ಯ ಹೊರಗೆ ಬಂದಾಗ ನಾವು, ನೀವು ಧರ್ಮಸ್ಥಳದ ಜನ ಸಮೂಹ ಎಲ್ಲರೂ ಒಪ್ಪಲೇಬೇಕು. ಹೀಗಾಗಿ ಇದನ್ನು ಬೇರೆ ರೀತಿ ಅರ್ಥೈಸುವುದು ಸರಿಯಲ್ಲ ಎಂದು ಅಭಿಪ್ರಾಯಪಟ್ಟರು.

ತಲೆ ಬುರುಡೆ ಎಲ್ಲಿಂದ ತಂದೆ?: ಅನಾಮಿಕ ದೂರುದಾರನ ವಿಚಾರಣೆ

- ತಡಬಡಾಯಿಸಿದ ಮಾಸ್ಕ್‌ ಮ್ಯಾನ್‌, ಗೊಂದಲದ ಹೇಳಿಕೆಕನ್ನಡಪ್ರಭ ವಾರ್ತೆ ಬೆಳ್ತಂಗಡಿಧರ್ಮಸ್ಥಳ ಗ್ರಾಮದಲ್ಲಿ ಶವ ಹೂತಿಟ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ನಡೆಸುತ್ತಿರುವ ಎಸ್‌ಐಟಿ (ವಿಶೇಷ ತನಿಖಾ ತಂಡ), ಈಗ ಅನಾಮಿಕ ದೂರುದಾರ ಆರಂಭದಲ್ಲಿ ನ್ಯಾಯಾಲಯಕ್ಕೆ ಸಲ್ಲಿಸಿದ್ದ ತಲೆ ಬುರುಡೆ ಬಗ್ಗೆ ವಿಚಾರಣೆ ಆರಂಭಿಸಿದೆ. ‘ತಲೆ ಬುರುಡೆ ತಂದಿದ್ದು ಎಲ್ಲಿಂದ?’ ಎಂದು ಪ್ರಶ್ನಿಸುತ್ತಿರುವ ಎಸ್‌ಐಟಿ, ಅನಾಮಿಕನಿಗೆ ತಲೆಬುರುಡೆ ತಂದ ಸ್ಥಳ ತೋರಿಸುವಂತೆ ಸೂಚಿಸಿದೆ. ಆದರೆ, ವಿಚಾರಣೆ ವೇಳೆ ದೂರುದಾರ ಗೊಂದಲಕ್ಕೀಡಾಗಿದ್ದು, ತಡಬಡಾಯಿಸಿ ನಾಟಕೀಯ ಹೇಳಿಕೆ ನೀಡಿದ್ದಾನೆ ಎಂದು ತಿಳಿದು ಬಂದಿದೆ.ಬೆಳ್ತಂಗಡಿಯ ಎಸ್ಐಟಿ ಕಚೇರಿಯಲ್ಲಿ ಅನಾಮಿಕ ದೂರುದಾರನನ್ನು ಸೋಮವಾರ ವಿಚಾರಣೆಗೆ ಒಳಪಡಿಸಲಾಯಿತು. ಸೋಮವಾರ ಎಂದಿನಂತೆ ವಕೀಲರೊಂದಿಗೆ ಖಾಸಗಿ ವಾಹನದಲ್ಲಿ, ಪೋಲಿಸರ ಎಸ್ಕಾರ್ಟ್‌ನಲ್ಲಿ ಅನಾಮಿಕ ದೂರುದಾರ ಕಚೇರಿಗೆ ಆಗಮಿಸಿದ. ಬೆಳಗ್ಗೆಯಿಂದಲೇ ಅನಾಮಿಕನನ್ನು ತೀವ್ರ ವಿಚಾರಣೆಗೆ ಒಳಪಡಿಸಲಾಯಿತು.

ಈ ಮಧ್ಯೆ, ಈ ವಿಡಿಯೋವನ್ನು ಜಾಲತಾಣದಲ್ಲಿ ಹಾಕಿದವರಿಗೂ ಎಸ್ಐಟಿಯಿಂದ ನೋಟಿಸ್‌ ನೀಡಲಾಗಿದ್ದು, ವಿಚಾರಣೆಗೆ ಬರುವಂತೆ ತಿಳಿಸಲಾಗಿದೆ. ಹೀಗಾಗಿ, ತನಿಖೆ ಕುರಿತು ಮಾಧ್ಯಮಗಳಲ್ಲಿ ಬೇಕಾಬಿಟ್ಟಿ ಹೇಳಿಕೆ ನೀಡುವವರಿಗೆ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ಬೇಕಾಬಿಟ್ಟಿಯಾಗಿ ಹೇಳಿಕೆ ನೀಡುವವರಿಗ ಹೆದರಿಕೆ ಶುರುವಾಗಿದೆ.ಎಸ್‌ಐಟಿ, ಕಳೆದ ಒಂದೂವರೆ ತಿಂಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಹಾಕಲಾಗುತ್ತಿರುವ ಎಲ್ಲಾ ವಿಡಿಯೋಗಳನ್ನು ಸಂಗ್ರಹಿಸಿದ್ದು, ಇಂತವರ ಪಟ್ಟಿ ಸಿದ್ಧಮಾಡಿಕೊಂಡಿದೆ.