ಭಾರತೀಯ ಸಂಸ್ಕೃತಿ ಉಳಿವಿಗೆ ದೇವಸ್ಥಾನಗಳು ಅವಶ್ಯಕ: ಶೇಖರ ಅಂಗಡಿ

ಕನ್ನಡಪ್ರಭ ವಾರ್ತೆ ಮಹಾಲಿಂಗಪುರ

ಸ್ಥಳೀಯ ಕೆಂಗೇರಿಮಡ್ಡಿಯ ವಾರ್ಡ್‌ ನಂ.೧೩ರ ದುರ್ಗಮುರಿಗೇವ್ವ ದೇವಸ್ಥಾನದಲ್ಲಿ ಪುರಸಭೆ ೧೫ನೇ ಹಣಕಾಸು ಅನುದಾನದಲ್ಲಿ ಅಂದಾಜು ₹೩ ಲಕ್ಷ ವೆಚ್ಚದಲ್ಲಿ ನೂತನವಾಗಿ ನಿರ್ಮಾಣಗೊಳ್ಳಲಿರುವ ಕಾಂಪೌಂಡ್‌ ಗೋಡೆ ಕಾಮಗಾರಿಗೆ ಭೂಮಿಪೂಜೆ ಸಲ್ಲಿಸಿ ಮಾತನಾಡಿ, ದೇವಸ್ಥಾನಗಳಲ್ಲಿ ದೇವರ ನಾಮಸ್ಮರಣೆ ಮಾಡುವುದರಿಂದ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಸೌಹಾರ್ಧತೆ ಬೆಳೆಯುತ್ತದೆ. ಅಲ್ಲದೆ ಇಂದಿನ ಯುವಕರು ನಮ್ಮ ಸಂಸ್ಕೃತಿ, ಸಂಪ್ರದಾಯಗಳನ್ನು ಮನಬಂದಂತೆ ನಡೆದುಕೊಳ್ಳುತ್ತಿದ್ದಾರೆ. ಇದೆಲ್ಲ ನಿಲ್ಲಬೇಕಾದರೆ ದೇವಸ್ಥಾನಗಳು ಅಭಿವೃದ್ದಿ ಹೊಂದಬೇಕು. ದೇವಸ್ಥಾನಗಳಿಗೆ ಜನರು ಬರುವುದರಿಂದ ಭಕ್ತಿ ಭಾವ ಬೆಳೆಯುತ್ತದೆ. ದೇವರಲ್ಲಿರುವ ನಂಬಿಕೆ ಹೆಚ್ಚಾದಾಗ ಮಾತ್ರ ನಮ್ಮ ಹಬ್ಬ-ಹರಿದಿನಗಳು, ಸಂಪ್ರದಾಯ ಉಳಿಯಲು ಸಾಧ್ಯ. ಸರ್ಕಾರ ಜನರ ಒಳಿತಿಗಾಗಿ ಮಾಡಿರುವ ಇಂಥ ಯೋಜನೆಗಳ ಲಾಭವನ್ನು ಸರಿಯಾಗಿ ಬಳಸಿಕೊಳ್ಳಬೇಕು ಎಂದು ಹೇಳಿದರು.

ಮುಖಂಡರಾದ ಮಹಾದೇವ ಸಾವಂತ, ಗಂಗಪ್ಪ ದಿನ್ನಿಮನಿ, ಮಾನಿಂಗ ಶಿವಣಗಿ, ಮಹಾಂತೇಶ ಅವಟಗಿ, ಪರಸು ಅಮರಾವತಿ, ರಮೇಶ ಕೋಳಿ, ನಾಗೇಶ ಬಜಂತ್ರಿ, ಪ್ರಶಾಂತ ಮುಖ್ಯನ್ನವರ ಸೇರಿದಂತೆ ಹಲವರು ಇದ್ದರು.