ಯುವ ಸಾಹಿತಿಗಳಿಗೆ ಬೆಳಕು ತೋರಿದ ಕಣ್ಣ ಮುಂದಿನ ಬೆಳಕು

ಧಾರವಾಡ:

ಕರ್ನಾಟಕ ವಿದ್ಯಾವರ್ಧಕ ಸಂಘವು ಆಯೋಜಿಸಿದ್ದ ಎರಡು ದಿನಗಳ ಕಣ್ಣ ಮುಂದಿನ ಬೆಳಕು ರಾಜ್ಯಮಟ್ಟದ ಯುವ ಸಾಹಿತ್ಯ ಸಮ್ಮೇಳನದ ಸಮಾರೋಪದಲ್ಲಿ ಶುಕ್ರವಾರ ಮಾತನಾಡಿದರು.

ಇದಕ್ಕೂ ಮುಂಚೆ ನಡೆದ ಹೊಸ ತಲೆಮಾರಿನ ಸಾಧನೆ ಮತ್ತು ಸವಾಲು ಗೋಷ್ಠಿಯಲ್ಲಿ ಅನುವಾದ ಕುರಿತು ಮಾತನಾಡಿದ ಪ್ರಾಧ್ಯಾಪಕ ಡಾ. ಮಲ್ಲಪ್ಪ ಬಂಡಿ, ಅನುವಾದದ ವಿಷಯದಲ್ಲಿ ಕನ್ನಡವು ಸ್ವೀಕಾರ ಭಾಷೆಯಾಗಿ ಬೆಳೆಯುತ್ತಿದ್ದು, ತನ್ನ ಸಾಹಿತ್ಯ, ಸಂಸ್ಕೃತಿಯನ್ನು ಕೊಡುವ ಭಾಷೆಯಾಗಿ ಬೆಳೆಯುತ್ತಿಲ್ಲ ಎಂಬ ಕೊರಗಿದೆ. ಕನ್ನಡಿಗ ಸಾಹಿತಿಗಳು ಬೇರೆ ಬೇರೆ ಭಾಷೆಗಳ ವಸ್ತುಗಳನ್ನು ಅನುವಾದದ ಮೂಲಕ ತರುವ ಕೆಲಸ ಹೆಚ್ಚು ಮಾಡಿದ್ದೇವೆ. ಆದರೆ, ನಮ್ಮಲ್ಲಿನ ಅಭಿಜಾತ ಕೃತಿಗಳು, ಶಾಸ್ತ್ರ, ವರ್ತಮಾನದ ಸಾಂಸ್ಕೃತಿಕ ಕೃತಿಗಳನ್ನು ಅನ್ಯಭಾಷೆಗಳಿಗೆ ಪರಿಚಯಿಸಿ ಕನ್ನಡ ಭಾಷೆಯನ್ನು ವಿಶ್ವಾತ್ಮಕ ನೆಲೆಯಲ್ಲಿ ಒಯ್ಯಬೇಕಾದ ಕೆಲಸ ಮಾಡಿಲ್ಲ ಎಂಬ ಬೇಸರ ನಮ್ಮನ್ನು ಕಾಡುತ್ತಿದೆ. ಈ ಕಾರ್ಯವನ್ನು ಯುವ ಸಾಹಿತಿಗಳಾದರೂ ಮಾಡಲಿ ಎಂಬುದೇ ಆಶಯ ಎಂದು ಹೇಳಿದರು.

ಅನುವಾದವು ವಸಾಹತುಶಾಹಿಯ ಒಂದು ಅಸ್ತ್ರ. ಪ್ರಯೋಗ ಮಾಡಿ ಸಿದ್ಧಾಂತಗಳನ್ನು ನಮ್ಮ ತಲೆಗೆ ಕಟ್ಟಿಲಾಗಿದೆ. ಆದ್ದರಿಂದ ಮೂಲ ಲೇಖಕಕನ ಅನುಯಾಯಿಗಳಾಗವುದು ಸರಿಯಲ್ಲ ಎಂದು ಡಾ. ಬಂಡಿ ಪ್ರತಿಪಾದಿಸಿದರು.