ಗೋಮಾಳ ಜಮೀನು ಮೇಲೆ ಭೂಗಳ್ಳರ ಕಣ್ಣು

ಕನ್ನಡಪ್ರಭ ವಾರ್ತೆ ಬಂಗಾರಪೇಟೆ

ರಾತ್ರೋರಾತ್ರಿ ಭೂ ಒತ್ತುವರಿ

ಹೀಗೆ ಒತ್ತುವರಿ ಮಾಡಿಕೊಂಡಿರುವಂತಹ ಭೂಮಿಯಲ್ಲಿ ಅನಧಿಕೃತವಾಗಿ ಉಳಿಮೆ ಮಾಡಿ ಕಾಟಾಚಾರಕ್ಕೆ ಹುರುಳಿ, ಜೋಳ ಇತ್ಯಾದಿಗಳನ್ನು ಬಿತ್ತನೆ ಮಾಡಲು ಮುಂದಾಗಿದ್ದಾರೆ. ಇದಕ್ಕೆ ಹೋಬಳಿಯ ಕಂದಾಯ ಅಧಿಕಾರಿಗಳ ಬೆಂಬಲವಿದೆ ಎಂದು ಸುತ್ತಮುತ್ತಲಿನ ಗ್ರಾಮಸ್ಥರು ಶಂಕೆ ವ್ಯಕ್ತಪಡಿಸಿದ್ದಾರೆ. ಭೂಮಿಯ ಬೆಲೆ ಗಗನಕ್ಕೇರುತ್ತಿದ್ದಂತೆ ಇದೇ ಗೋಮಾಳದ ಜಮೀನಿನ ಗಡಿಭಾಗದ ಕರ್ನಾಟಕದ ಜನತೆಯ ಜೊತೆಗೆ ಆಂಧ್ರದ ಭೂಗಳ್ಳರ ಪಾಲಾಗುತ್ತಿದೆ.

ಗೋಮಾಳದಲ್ಲಿ ಇರುವಂತಹ ಬೆಲೆ ಬಾಳುವ ಮರಗಳನ್ನು ರಾತ್ರೋರಾತ್ರಿ ಕಡಿದು, ಜೆಸಿಬಿಗಳನ್ನು ಬಳಸಿ ಭೂಮಿಯಲ್ಲಿ ಇರುವಂತಹ ಮರದ ಬುಡ ಸೇರಿದಂತೆ ಕಲ್ಲು ಬಂಡೆಗಳನ್ನು ತೆಗೆಯುವ ಮೂಲಕ ಪರಿಸರಕ್ಕೆ ಧಕ್ಕೆಯನ್ನು ಉಂಟು ಮಾಡುತ್ತಿದ್ದಾರೆ. ಮಾಜಿ ತಾಪಂ ಸದಸ್ಯರೊಬ್ಬರು ಹೊರ ರಾಜ್ಯದವರಿಂದ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ರೈತರಿಂದ ಎಕರೆಗೆ ತಲಾ ೫ ಲಕ್ಷಗಳಂತೆ ವಸೂಲಿಯನ್ನು ಮಾಡಿ ಗೋಮಾಳ ಜಮೀನನ್ನು ತಮ್ಮ ಹೆಸರಿಗೆ ಮಾಡಿಕೊಡುತ್ತೇನೆ ಎಂದು ಹೇಳಿ ನಕಲಿ ದಾಖಲೆಗಳನ್ನು ಸೃಷ್ಟಿ ಮಾಡಲು ಮುಂದಾಗಿದ್ದಾರೆ ಎಂಬ ಆರೋಪವೂ ಇದೆ.

ಸಂಬಂಧಪಟ್ಟ ಕಂದಾಯ ಅಧಿಕಾರಿಗಳು ಭೂಗಳ್ಳರಿಂದ ಸರ್ಕಾರಿ ಭೂಮಿಯನ್ನು ರಕ್ಷಣೆ ಮಾಡಿ ಸುತ್ತಮುತ್ತಲ ಗ್ರಾಮಸ್ಥರ ಜಾನುವಾರುಗಳ ಸಾಕಾಣಿಕೆಗೆ ಅನುಕೂಲ ಮಾಡಿಕೊಡಬೇಕಾಗಿ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.