ಅಡಿಕೆ ಕಳ್ಳರನ್ನು ಬಡಿದೋಡಿಸಿದ ರೈತ

ಕನ್ನಡಪ್ರಭ ವಾರ್ತೆ ತುರುವೇಕೆರೆ

ಸೋಮವಾರ ರಾತ್ರಿ ಈ ಘಟನೆ ಆದ ಬಳಿಕ ವಾಹನದ ಮಾಲೀಕ ಬೆಳಗ್ಗೆ ತಮ್ಮ ವಾಹನ ನಿನ್ನೆ ರಾತ್ರಿಯಿಂದ ಕಾಣೆಯಾಗಿದೆ. ಯಾರಿಗಾದರೂ ಈ ವಾಹನ ಕಂಡು ಬಂದಲ್ಲಿ ದಯಮಾಡಿ ತಮಗೆ ಮಾಹಿತಿ ನೀಡಬೇಕೆಂದು ತಮ್ಮ ವಾಟ್ಸಪ್‌ ಸ್ಟೇಟಸ್ ಮತ್ತು ಇತರೆ ಗ್ರುಪ್‌ಗಳಿಗೆ ಮಂಗಳವಾರ ಬೆಳಗ್ಗೆ ಹಾಕಿದ್ದರು. ಕಳ್ಳರು ಬಳಸಿದ್ದ ವಾಹನದ ಸಂಖ್ಯೆ ಮತ್ತು ವಾಹನ ಕಳವಾಗಿದೆ ಎಂದು ಹಾಕಿರುವ ಸ್ಟೇಟಸ್‌ನಲ್ಲಿನ ವಾಹನದ ಸಂಖ್ಯೆಯೂ ಸಹ ಒಂದೇ ಆಗಿದ್ದರಿಂದ ಪೋಲಿಸರು ವಾಹನದ ಮಾಲೀಕರನ್ನು ಪ್ರಶ್ನಿಸಿದ್ದಾರೆ. ಈ ವೇಳೆ ವಾಹನದ ಮಾಲೀಕರು ತಾವು ಮಾಯಸಂದ್ರ ರಸ್ತೆಯಲ್ಲಿರುವ ಬಸವೇಶ್ವರ ದೇವಾಲಯದ ಬಳಿ ಶೌಚಕ್ಕೆ ತೆರಳಿದ್ದ ವೇಳೆ ಯಾರೋ ತಮ್ಮ ವಾಹನವನ್ನು ಅಪಹರಿಸಿದ್ದರು ಎಂದು ಹೇಳಿಕೆ ನೀಡಿದ್ದಾರೆಂದು ತಿಳಿದು ಬಂದಿದೆ. ರೈತ ರಂಗಸ್ವಾಮಿ ಸ್ಥಳೀಯ ಸರ್ಕಾರಿ ಆಸ್ಪತ್ರೆಗೆ ದಾಖಲಾಗಿ ಪ್ರಥಮ ಚಿಕಿತ್ಸೆ ಪಡೆದು ದಂಡಿನಶಿವರ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದಾರೆಂದು ತಿಳಿದುಬಂದಿದೆ. ತನ್ನ ಪ್ರಾಣದ ಹಂಗನ್ನೂ ತೊರೆದು ನಾಲ್ಕೈದು ಮಂದಿ ಕಳ್ಳರನ್ನು ಹೊಡೆದೋಡಿಸಿದ ರೈತ ರಂಗಸ್ವಾಮಿಯವರ ಹೋರಾಟಕ್ಕೆ ಸಾರ್ವಜನಿಕರಿಂದ ಮೆಚ್ಚುಗೆ ಸಿಕ್ಕಿದೆ. ಇತ್ತೀಚೆಗೆ ಅಡಿಕೆಯ ಬೆಲೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ತಾಲೂಕಿನ ಹಲವೆಡೆ ಅಡಿಕೆ ಕಳವು ಹೆಚ್ಚಾಗಿತ್ತು.