ಹೊಸ ಗಣಿಗಾರಿಕೆಗೆ ಪ್ರಸ್ತಾವ ೨೯೪೦೦ ಮರಗಳ ಅಸ್ತಿತ್ವಕ್ಕೆ ಕುತ್ತು

ವಿ.ಎಂ. ನಾಗಭೂಷಣ

ಪ್ರಸ್ತಾವಿತ ಪ್ರದೇಶದಲ್ಲಿ ಆಲ, ಅಕೇಷಿಯ, ಅಡವಿ ಬೇವು, ಅಡವಿ ಬಿಕ್ಕೆ, ಆಮ್ಲ, ಅಂಟುವಾಳ, ಬಿದಿರು, ಬುರುಗ, ಚಳ್ಳೆ, ಬಿಳಿ ಜಾಲಿ, ತೇಗ, ರಕ್ತಚಂದನ ಮುಂತಾದ ಸುಮಾರು ೯೧ ಜಾತಿಯ ಗಿಡಮರಗಳು ಇವೆ. ಇಲ್ಲಿ ಚಿರತೆ, ಚಿಪ್ಪುಹಂದಿ, ನವಿಲು, ಕೊಂಡಕುರಿ, ಕರಡಿ ಮುಂತಾದ ಪ್ರಾಣಿಗಳು ವೈವಿಧ್ಯಮಯ ಪಕ್ಷಿಸಂಕುಲವನ್ನೂ ಕಾಣಬಹುದಾಗಿದೆ.

೨೦೧೬ರ ತೀರ್ಮಾನಕ್ಕೆ ಅರಣ್ಯ ಇಲಾಖೆ ಬದ್ಧವಾಗುವುದೇ?:

ಹೊಸದಾಗಿ ಗಣಿಗಾರಿಕೆಗೆ ಪರವಾನಿಗೆಗೆ ಶಿಫಾರಸು ಮಾಡದಂತೆ ಮನವಿ:

ಮಿತಿಮೀರಿದ ಅರಣ್ಯ ನಾಶದಿಂದಾಗಿ ವನ್ಯಜೀವಿ ಸಂಕುಲಗಳು ಅವಸಾನದ ಅಂಚಿಗೆ ಬಂದಿವೆ. ಹವಮಾನ ಬದಲಾವಣೆಯಂತಹ ಕ್ಲಿಷ್ಟವಾದ ವಾತಾವರಣದ ಹಂತದಲ್ಲಿ ತಾಲೂಕು ಸೇರಿದಂತೆ ರಾಜ್ಯದ ಅರಣ್ಯ ಪ್ರದೇಶದಲ್ಲಿ ಗಣಿ ಚಟುವಟಿಕೆಗೆ ಸಂಬಂಧಿಸಿದಂತೆ ಬರುವ ಪ್ರಸ್ತಾವನೆಗಳನ್ನು ಆರಂಭದಲ್ಲಿಯೇ ತಿರಸ್ಕರಿಸಬೇಕು ಎಂದು ಮನವಿ ಮಾಡಿದೆ.

ಕರ್ನಾಟಕ ಗಣಿ ಪರಿಸರ ಪುನಶ್ಚೇತನ ನಿಗಮವು ಈಗಾಗಲೇ ತಾಲೂಕಿನ ಎರಡು ಅರಣ್ಯ ಬ್ಲಾಕ್‌ಗಳಲ್ಲಿ ಅರಣ್ಯ ಅಭಿವೃದ್ಧಿಗೆ ₹೧೩೫ ಕೋಟಿ ಅನುದಾನ ನೀಡಿದೆ. ಈಗ ಇಲ್ಲಿನ ಅರಣ್ಯ ಪ್ರದೇಶದಲ್ಲಿ ಹೊಸದಾಗಿ ಗಣಿಗಾರಿಕೆಗೆ ಅವಕಾಶ ಕಲ್ಪಿಸುವ ಪ್ರಕ್ರಿಯೆ ನಡೆದಿರುವುದು ಸರ್ಕಾರದ ದ್ವಂದ್ವ ನಿಲುವಿಗೆ ಸಾಕ್ಷಿಯಾಗಿದೆ. ಇಲ್ಲಿನ ಅರಣ್ಯ ಪ್ರದೇಶದಲ್ಲಿ ಹೊಸದಾಗಿ ಗಣಿಗಾರಿಕೆಗೆ ಸರ್ಕಾರ ಅವಕಾಶ ನೀಡಬಾರದು. ಇಲ್ಲಿನ ಉತ್ತಮ ಪರಿಸರವನ್ನು ಸಂರಕ್ಷಿಸಿ ಮುಂದಿನ ತಲೆಮಾರಿಗೂ ತಲುಪಿಸುವ ಅಗತ್ಯವಿದೆ ಎನ್ನುತ್ತಾರೆ ಜನ ಸಂಗ್ರಾಮ ಪರಿಷತ್ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯ ಶ್ರೀಶೈಲ ಆಲ್ದಳ್ಳಿ.