ಕಳೆಗುಂದಿದ ಮಹಿಮರಂಗನ ದನಗಳ ಜಾತ್ರೆ

ಕನ್ನಡಪ್ರಭ ವಾರ್ತೆ ದಾಬಸ್‌ಪೇಟೆ

ಮರೆಯಾಯ್ತು ಜಾತ್ರೆಯ ಸಿರಿಗ್ರಾಮೀಣ ಜನರ ನಿರುತ್ಸಾಹವೋ ಅಥವಾ ಯಾಂತ್ರೀಕರಣದಿಂದ ಕಾಣೆಯಾಗಿರುವ ರಾಸುಗಳ ಸಾಕಣೆ ಪರಿಣಾಮವೋ, ಗುಟ್ಟೆ ದನಗಳ ಜಾತ್ರೆ ಕೇವಲ ನಾಮ್‌ಕೆವಸ್ತೆಯಾಗಿದೆ. 60 ವರ್ಷಗಳ ಹಿಂದೆ 10 ಸಾವಿರಕ್ಕೂ ಅಧಿಕ ರಾಸುಗಳಿಂದ ಕೂಡಿದ್ದ ಮಹಿಮರಂಗನ ದನಗಳ ಜಾತ್ರೆ ಇಂದು ಕೇವಲ ಬೆರಳೆಣಿಕೆಯಷ್ಟು ಮಾತ್ರಕ್ಕೆ ಬಂದು ನಿಂತಿದೆ. ಕೊಂಬಿಗೆ ಕಳಶ, ಕಾಲಿಗೆ ಗೆಜ್ಜೆ, ಕೊರಳಿಗೆ ಕರಿದಾರ ಕಟ್ಟಿ ರಾಸುಗಳನ್ನು ಕಟ್ಟುವ ಜಾಗಕ್ಕೆ ಪೈಪೋಟಿ, ಜಾತ್ರೆಗೆ ಪಾತ್ರೆ, ಸೌದೆ, ಆಹಾರ ಪದಾರ್ಥಗಳೊಂದಿಗೆ ಎತ್ತಿನಗಾಡಿಯೊಂದಿಗೆ ಆಗಮಿಸುತ್ತಿದ್ದ ಜನರು ಇಂದು ಹಳ್ಳಿ ದನಗಳ ಜಾತ್ರೆಗಳಲ್ಲಿ ಹುಡುಕಿದರೂ ಸಿಗುತ್ತಿಲ್ಲ.

ಸ್ಥಳೀಯರಷ್ಟೇ ಬಂದರುಶಿವಗಂಗೆ ಜಾತ್ರೆಗೆ ಮೊದಲು ಚಿಕ್ಕಬಳ್ಳಾಪುರ, ಕುಣಿಗಲ್, ಮಾಗಡಿ, ದೇವನಹಳ್ಳಿ, ಚಿಂತಾಮಣಿ, ಪಾವಗಡ, ಬಳ್ಳಾರಿ, ರಾಯಚೂರು, ದಾವಣಗೆರೆ, ಚಿತ್ರದುರ್ಗ, ಹಾಸನ ಮುಂತಾದ ಕಡೆಗಳಿಂದ ರೈತರು ರಾಸುಗಳನ್ನು ಮಾರಲು ತರುತ್ತಿದ್ದರು. ಆದರೆ ಇಂದು ದೊಡ್ಡಬಳ್ಳಾಪುರ, ಮಾಗಡಿ, ತುಮಕೂರು ಗ್ರಾಮಾಂತರ, ರಾಮನಗರ, ಗುಬ್ಬಿ, ನೆಲಮಂಗಲ ತಾಲೂಕು ರೈತರು ಮಾತ್ರ ಜಾತ್ರೆಯಲ್ಲಿ ಭಾಗವಹಿಸಿದ್ದಾರೆ.

ನಾಟಿ ತಳಿಗಳ ಬೆಲೆ ಈ ಬಾರಿ ಅಪ್ಪಟ ನಾಟಿ ತಳಿಗಳಾದ ಅಮೃತ ಮಹಲ್, ಹಳ್ಳಿ ರಾಣಿ, ಕಪ್ಪು ಬಿಳಿ ಮಿಶ್ರಿತ ರಾಸು ವಿಶೇಷವಾಗಿ ಕಾಣಸಿಗುತ್ತಿವೆ. ಒಂದು ಜೊತೆಗೆ ಕನಿಷ್ಠ 45 ಸಾವಿರದಿಂದ 3 ಲಕ್ಷ ರು. ಬೆಲೆ ಬಾಳುವ ರಾಸುಗಳು ಜಾತ್ರೆಯಲ್ಲಿವೆ.