ರಂಗ ಸಂಸ್ಕೃತಿ ಪುನರುತ್ಥಾನಗೊಳ್ಳಬೇಕಿದೆ

ಕನ್ನಡಪ್ರಭ ವಾರ್ತೆ ಚಿಕ್ಕಬಳ್ಳಾಪುರ

ನಗರ ಹೊರವಲಯದ ಸರ್ಕಾರಿ ಮಹಿಳಾ ಪ್ರಥಮದರ್ಜೆ ಕಾಲೇಜಿನಲ್ಲಿ ಸರ್ಕಾರಿ ಪ್ರಥಮ ದರ್ಜೆ ಮಾಹಿಳಾ ಕಾಲೇಜು, ಅನನ್ಯ ಕಲಾರಂಗ (ರಿ), ಚಿಕ್ಕಬಳ್ಳಾಪುರ, ಗೌತಮಬುದ್ಧ ಫೌಂಡೇಶನ್ (ರಿ), ಮಂಚನಬಲೆ ರವರ ಸಹಯೋಗ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಬೆಂಗಳೂರು ರವರು 2024-25ನೇ ಸಾಲಿನ ನಾಲ್ಕು ದಿನಗಳ ರಂಗೋತ್ಸವದಲ್ಲಿ “ಮಹಾರಾತ್ರಿ”, “ಸರಸತಿಯಾಗಲೊಲ್ಲೆ”, “ಶ್ರೀಕೃಷ್ಣ ಸಂಧಾನ” ಮತ್ತು “ಮೋಳಿಗೆ ಮಾರಯ್ಯ”, ಎಂಬ ನಾಟಕ ಪ್ರದರ್ಶನಕ್ಕೆ ಚಾಲನೆ ನೀಡಿ ಮಾತನಾಡಿದರು.

ರಂಗ ಸಂಸ್ಕೃತಿ ಪುನರುತ್ಥಾನ ಗೊಳ್ಳಬೇಕು. ಮಾಯಾಲೋಕವಾದ ಸಿನಿಮಾ ಟಿವಿ ಸಂಸ್ಕೃತಿ ನಮ್ಮದಲ್ಲ. ಜಾನಪದ ಕಥೆಗಳು, ಕೇಳಿಕೆ, ನಾಟಕ, ರಂಗಭೂಮಿ, ಯಕ್ಷಗಾನ,ಬೂತ ನರ್ತನ ದಂತಹ ಪರಂಪರೆ ನಮ್ಮದಾಗಬೇಕು. ಸತ್ಯದ ಕತ್ತು ಹಿಸುಕಿ ಕೊಲ್ಲುವ ಸಂದರ್ಭದಲ್ಲಿ ರಂಗಪ್ರಯೋಗ ಆಗುತ್ತಿರುವುದು ಶ್ಲಾಘನೀಯ. ವಿದ್ಯಾರ್ಥಿಗಳೇ ನಾಳೆಗಳು ನಿಮ್ಮ ಮೇಲಿದೆ. ವರ್ಷಕ್ಕೊಮ್ಮೆಯಾದರೂ ಮನಸ್ಸುಗಳನ್ನು ತೊಳೆದುಕೊಳ್ಳಿ. ಇಂದು ಪ್ರದರ್ಶನವಾಗುತ್ತಿರುವ ಮಹಾರಾತ್ರಿ ನಾಟಕವು ಸಿದ್ದಾರ್ಥ ವೈರಾಗ್ಯಕ್ಕೆ ಹೋಗುವ ಸಂದರ್ಭವನ್ನು ಕುವೆಂಪು ಮಹಾರಾತ್ರಿ ಎಂದು ಕರೆದಿದ್ದಾರೆ. ಈ ನಾಟಕವನ್ನು ವೀಕ್ಷಣೆ ಮಾಡಿ ಅರ್ಥ ಮಾಡಿಕೊಳ್ಳಿ ಎಂದರು.

ಜಾತಿ ತಾರತಮ್ಯ ತೊಲಗಲಿ

ನಾವೇ ನಿರ್ಮಿಸಿರುವ ವಿಷ ವರ್ತುಲದಿಂದ ನಾವಿಂದು ಹೊರ ಬರಬೇಕು.ಹೆಣ್ಣು ಮಕ್ಕಳ ಸಬಲೀಕರಣ ಆದರೆ ಮಾತ್ರ ದೇಶದ ಅಭಿವೃದ್ಧಿ ಆಗಲಿದೆ. ಬುದ್ಧನನ್ನು ಗ್ರಾಮೀಣ ಪ್ರದೇಶಕ್ಕೆ ನಾಟಕದ ಮೂಲಕ ಪರಿಚಯಿಸುವ ಕೆಲಸವನ್ನು ನಿರ್ದೆಶಕ ಗ.ನ.ಮಾಡಿದ್ದಾರೆ. ಬುದ್ಧ ಇಂದಿನ ದಿನಮಾನಗಳಲ್ಲಿ ಭಾರತಕ್ಕೆ ತುಂಬಾ ಅಗತ್ಯವಿದೆ. ಏಪ್ರಿಲ್ 8ರ ರಾತ್ರಿ ಕನ್ನಡ ಭವನದಲ್ಲಿ ಈ ನಾಟಕ ಪ್ರದರ್ಶನ ಆಗಲಿದೆ ಎಂದರು.

ಕಾರ್ಯಕ್ರಮದಲ್ಲಿ ಪ್ರಾಂಶುಪಾಲ ಜಿ.ಡಿ.ಚಂದ್ರಯ್ಯ, ಗೌತಮ ಬುದ್ಧ ಪೌಂಡೇಶನ್ ನ ಅಧ್ಯಕ್ಷ ವಕೀಲ ಗಂಗರಾಜು,ಪ್ರಾಧ್ಯಾಪಕರಾದ ರಾಮಕೃಷ್ಣ,ಡಾ.ಶಂಕರ್, ಉಪನ್ಯಾಸಕರಾದ ಪದ್ಮಕುಮಾರಿ,ಚಾಂದ್ ಪಾಷ, ಮುನಿರಾಜು.ಎಂ.ಅರಿಕೆರೆ ,ದಸಂಸ ರಾಜ್ಯ ಸಂಘಟನಾ ಸಂಚಾಲಕ ಸುಧಾವೆಂಕಟೇಶ್, ಮತ್ತಿತರರು ಇದ್ದರು.